Qoǵam • 14 Sáýir, 2021

Saýda ortalyqtarynda vaksına salady

9 ret kórsetildi

Elordalyq Mega Silk Way saýda-oıyn saýyq ortalyǵynda koronavırýsqa qarsy vaksınalaý bastaldy. Vaksınanyń birinshi komponentin SOO qyzmetkerleri, býtıkterdi jalǵa alýshylar, satýshylar jáne ortalyq qyzmetkerleri aldy. Budan basqa, turǵyndardy koronavırýsqa qarsy vaksınalaý aldyn ala jazylý arqyly medısınalyq-sanıtarlyq kómek uıymdarynda, ıaǵnı emhanalarda, otbasylyq densaýlyq ortalyqtarynda, dárigerlik amýblatorııalarda jáne t.b. oryndarda júzege asyrylady.

Elorda ákimi Altaı Kólginov­tiń tapsyrmasymen egý pýnkt­te­ri­niń sany 36-dan 100-ge deıin ulǵaıdy. Onyń jumys kestesi saǵat 08:00-den 00:00-ge deıin uzar­tyldy. Vaksınany alýǵa egov mobıldik qosymshasy arqyly nemese 109 nómiri bo­­­ıynsha call-ortalyqqa qońyraý shalý arqyly jazylýǵa bolady.

«Búgin testilik rejimde SOO qyzmetkerlerine vaksına sal­dyq. Munda shamamen 100 adam bar. Vaksınalaýdan buryn olar­dyń bári dárigerlerdiń min­det­ti medısınalyq tekserýinen ótti. Al SOO-da brıgadalar kezek­shilik etedi. Vaksınalaýǵa ruq­sat berilgender egiledi», dedi Nur-Sultan qalasy qoǵamdyq den­saý­lyq saqtaý basqarmasy bas­shysynyń orynbasary Álııa Rústemova.

Sondaı-aq ol SOO-da qala turǵyndaryn jappaı vaksınalaý qashan bastalatynyn qozǵap ótti.

«Búgin qalalyq sanıtarlyq dárigerdiń qaýlysy boıynsha SOO kelýshiler úshin ja­byq. Sol sebepti dúısenbide SOO-da or­nalasqan egý orta­ly­ǵy turǵyn­darymyzdy da, or­ta­lyqqa kelý­shi­lerdi de vaksınalaýdy bastaıdy», dedi Á.Rústemova.

Qazirgi ýaqytta elordada vak­sı­nanyń jetkilikti mólsheri bar. Sáýir aıynyń sońyna deıin Nur-Sultanǵa 250 myńnan astam doza keledi. Jalpy, ár apta saıyn densaýlyq saqtaý basqarmasynyń qoımalaryna Spýtnık V jańa partııasy kelip túsedi. Búgingi tańda koronavırýs ınfeksııasyna qarsy 26 myńnan astam adam ekpe aldy. Qajet bolǵan jaǵdaıda halyqty vaksınalaý pýnktteri birqatar SOO men qonaqúı kesheninde ashylady.

Elordada jappaı vak­sı­nalaýdyń birinshi kúni 4 500-den astam adam koronavırýs ın­fek­sııasyna qarsy vaksına aldy. Qoǵamdyq densaýlyq saq­taý basqarmasynyń málimeti bo­ıynsha bul kórsetkish MSAK uıym­darynda jáne Mega Silk Way SOO-da uıymdastyrylǵan egý pýnktterindegi vaksınalaýdan keıin oryn alyp otyr.

Vedomstvonyń habarlaýynsha, vaksınany 20 jáne 90 jas aralyǵyndaǵy qala turǵyndary qabyldady.

«Infeksııaǵa shaldyǵýy múm­­kin adamdardyń tiziminde ja­sy­­myzǵa baılanysty alǵash­qy­lar­dyń biri bolyp turmyz. О́tken jyly jaǵdaı óte qor­qy­nysh­ty boldy. Men áli de ómir súrip, nemerelerimniń qyzyǵyn kór­gim keledi. Sol sebepti ekpe qabyldaý nemese qabyldamaý týra­­­ly tipti oılanyp ta jatpadym. Bizge de vaksına alýǵa bolatynyn bilgende qýanyp, birden emhanaǵa keldim. Densaýlyǵym jaqsy kúıde ómir súrgim keledi», dedi 72 jastaǵy qala turǵyny Qaıyrgeldi Jumanov.

Medısına qyzmetkerleri azamattardy vaksınalaýdyń oń úrdisin atap ótti.

«Biz ekpe alǵysy keletinder kóp ekenin baıqap otyrmyz. Bul bizdi qýantady. Shyny kerek, bastapqyda bul is qalaı ótetini týraly ekiudaı oıda boldyq. Jurt KVI vaksınasyna narazy bolady dep oılaǵan edik, biraq bári kerisinshe bolyp shyqty. Kópshilik jańalyqtardy oqyp, tek oń pikirler baıqaǵanyn, al aıtarlyqtaı kúshti janama áserlerdi baıqamaǵanyn aıtyp jatyr. Kóptegen adam vak­sınanyń densaýlyqqa zııa­ny joq ekenin, tek paıdasy men indettiń aldyn alý ekenin túsindi», deıdi №2 qalalyq emhananyń aǵa medbıkesi.

Eske salaıyq, 12 sáýirde elordada koronavırýs ınfeksııasyna qarsy ekpe alǵysy keletinderdi jappaı vaksınalaý bastaldy. 640 myńnan astam azamatty nemese turǵyndardyń 60%-yn jas shekteýleri men medısınalyq kórsetkishterine sáıkes qamtý josparlanyp otyr. Vaksınalaý qalanyń MSAK uıymdarynda (uıymdardyń tizimi elordanyń qoǵamdyq densaýlyq saqtaý bas­qarmasynyń saıtynda kór­se­tilgen) jáne Mega Silk Way SOO-da júrgiziledi.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar