Elorda • 14 Sáýir, 2021

Elordalyqtar koronavırýsqa qarsy vaksınany belsendi qabyldaýda

4 ret kórsetildi

Elorda ákiminiń orynbasary Baqtııar Máken qalalyq Qoǵamdyq densaýlyq saqtaý basqarmasynyń basshysy Tımýr Muratovpen birge eki qalalyq emhanada bolyp, halyqty jappaı vaksınalaý jumysymen tanysty, dep habarlaıdy Egemen.kz Nur-Sultan ákimdiginiń resmı saıtyna silteme jasap.

«Memleket basshysy atap ótkendeı, koronavırýspen kúrestegi jalǵyz senimdi sheshim – vaksınasııa. Muny lokdaýndardan shyǵý strategııasyn aldyn ala oılastyrǵan elderdiń mysaly dáleldedi. Qazir olardyń ekonomıkalary men azamattardyń kúndelikti ómiri pandemııalyq qıyndyqty sezinbeıdi. Aralaý barysynda jappaı vaksınasııalaý prosesimen tanysyp, vaksınasııalanǵan azamattarmen jeke áńgimelestim. Men barshańyzdy óz densaýlyǵyńyzǵa beı-jaı qaramaýǵa jáne úlkender men jaqyndaryńyzǵa qamqorlyq kórsetýge shaqyramyn», dep jazdy Baqtııar Máken óziniń Instagram paraqshasynda.

Esterińizge sala keteıik, elorda turǵyndaryn jappaı vaksınasııalaý 12 sáýirde bastaldy. Onyń alǵashqy kúninde 5 myńǵa jýyq adam koronavırýsqa qarsy ekpe aldy. 640 myńnan astam azamatty nemese halyqtyń 60%-yn jas shekteýleri men medısınalyq kórsetkishterine sáıkes qamtý josparlanyp otyr. Vaksınasııa qalanyń AMSK uıymdarynda (uıymdardyń tizimi qalanyń Qoǵamdyq densaýlyq saqtaý basqarmasynyń saıtynda kórsetilgen) jáne «Mega Silk Way» SOO-da júrgiziledi.

«Biz ekpe alǵysy keletinder kóp ekenin baıqap otyrmyz. Bul bizdi qýantady. Shyny kerek, bastapqyda bul is qalaı ótetini týraly ekiudaı oıda boldyq. Jurt KVI vaksınasyna narazy bolady dep oılaǵan edik, biraq bári kerisinshe bolyp shyqty. Kópshilik jańalyqtardy oqyp, tek oń pikirler baıqaǵanyn, al aıtarlyqtaı kúshti janama áserleri bolmaǵanyn aıtyp jatyr. Kóptegen adam vaksınanyń densaýlyqqa zııany joq ekenin, tek paıdasy men indettiń aldyn alý ekenin túsindi», deıdi №2 qalalyq emhananyń aǵa medbıkesi.

Aıta ketý kerek, AMSK pen SOO-da ekpeni tek elorda turǵyndary ǵana emes ózge óńirlerdiń turǵyndary da ala alady. Basqa qalanyń turǵyny elordada ekpe alyp, 21 kúnnen keıin óz qalasynda/oblysynda da vaksına qabyldaı alady.

Elimizde 13 sáýirden bastap Ramazan aıy bastalady. Kópshilik COVID-19 vaksınasııasy ustalǵan orazany buzyp, adam aǵzasyna teris áser etýi múmkin dep alańdaıdy. Elordalyq dárigerler men Qazaqstan musylmandary dinı basqarmasynyń ókilderi bul másele boıynsha pikir bildirdi.

«Qasıetti aıda oraza ustaýǵa nıet bildirgen kóptegen adam ıneksııa Ramazan aıynyń erejelerine qarsy dep alańdaıdy. Alaıda, oraza kezinde vaksınasııaǵa tyıym salynbaıtynyn atap ótken jón. О́ıtkeni ol adamǵa bulshyqet arqyly engiziledi», dedi №4 qalalyq emhananyń jalpy praktıka dárigeri Aqmaral Begaeva.

Esterińizge sala keteıik, elorda ákimi Altaı Kólginovtiń tapsyrmasy boıynsha egý pýnktteriniń sany 36-dan 100-ge deıin ulǵaıtyldy. Jumys kestesi saǵat 8:00-den 00:00-ge deıin uzartyldy. Vaksınany aldyn ala jazylý arqyly egov mobıldik qosymshasy jáne emhananyń call-ortalyqtaryna qońyraý shalý arqyly alýǵa bolady.

Sońǵy jańalyqtar

Boryshymdy abyroımen ótesem deımin

Rýhanııat • Búgin, 07:43

Ardagerler azaıyp bara jatyr...

Qazaqstan • Búgin, 07:38

Elbasy jáne Qazaqstan armııasy

Elbasy • Búgin, 07:36

«Tumardyń» jeńimpazdary anyqtaldy

Oqıǵa • Búgin, 07:33

Toǵanas batyr týraly tolǵanys

Tarıh • Búgin, 07:21

Almaty qalasynda jer silkindi

Aımaqtar • Keshe

Uqsas jańalyqtar