Qoǵam • 16 Sáýir, 2021

Jastar praktıkada shyńdalady

40 ret kórsetildi

Shymkent qalasynda iske asyrylyp jatqan «Eńbek» memlekettik baǵdarlamasynyń úshinshi baǵyty, ıaǵnı jumyspen qamtý sharalary boıynsha jas mamandar qoǵamdyq jumystarǵa tartyla bastady.

Igilikti bastamanyń jemisin kórgen azamattyń  biri – Nuraı Zııabek. Byltyr Halyqtar dostyǵy ýnıversıtetin «Radıo­tehnıka, elektronıka jáne telekommýnıkasııa» mamandyǵy boıynsha támamdaǵan ol  bıyl aqpan aıynan bastap «Qazaqtelekom» AQ Ońtústik aımaqtyq telekommýnıkasııa dıreksııasynyń fılıalyna qoǵamdyq jumysqa joldama alǵan.

«Joǵary oqý ornyn bitirgen soń birden jumys tabyla qoımady. Biraq jas maman retinde «Jastar praktıkasy» baǵdarlamasy bar ekenin bilip, aldymen jumyspen qamtý ortalyǵynda jumyssyz retinde tirkelip, sol baǵdarlama arqyly «Qazaqtelekom» AQ fılıalyna joldama aldym. Bul meniń alǵashqy jumys tájirıbem edi. Baǵdarlamaǵa qatysqan soń osy jyly qoǵamdyq jumyspen dál sol mekemede jumysymdy jalǵastyryp, tájirıbe jınaqtap kelemin»,  deıdi 22 jas­taǵy baǵdarlama qatysýshysy.

Aqyly qoǵamdyq jumystar azamattardy ýaqytsha jumyspen qamtamasyz etý úshin uıymdastyrylady. Atalǵan jumys aldyn ala kásiptik daıarlaýdy talap etpeıdi jáne qatysý merzimi 12 aıdan aspaıdy. Jalaqysy – 25 aılyq eseptik kórsetkish (72 myń teńge) kóleminde.

Aıta keteıik, jyl basynan beri qoǵamdyq jumysqa 2 474 adamnyń 2 778-i joldanyp, jospar artyǵymen oryndalǵan. Al shahar­da jastar praktıkasymen jumysqa orna­lasqan mamandardyń da qarasy qalyń. Kó­bine eki qolǵa bir kúrek izdegen jastar alys­qa barmaı týǵan qalalarynda tájirıbe jınaq­taýda.

Ulbıke Ilesova – memlekettik baǵdar­lamanyń jemisin kórgen qala jastarynyń biri. Jıyrma jastaǵy qala turǵyny ótken jyly M.О́tebaev atyndaǵy joǵary jańa tehnologııalar kolledjin zańger mamandyǵy boıynsha  aıaqtaǵan. Oqý bitirgen soń birden jumys taba almaı, ol jumyspen qamtý ortalyǵynda jumyssyz retinde tirkelgen-di. Ol osy jyldyń naýryz aıynda Shymkent qalasynyń ishki saıasat jáne jas­tar isteri jónindegi basqarmasynyń Jastar resýrstyq ortalyǵyna jastar praktıkasy baǵdarlamasymen 6 aı merzimge jiberildi.

«Jastar praktıkasynyń» maqsaty – eń aldymen, kásibı tájirıbe jınaý. Sodan keıin ózin kórsetý arqyly jumysqa ornalasý múmkindigine ıe bolý. Aldaǵy ýaqyt­ta boıym­daǵy jaýapkershilik pen isker­ligim­niń arqasynda turaqty jumysqa orna­las­paq oıym bar», deıdi jas maman Ulbıke Ile­sova.

«Jastar praktıkasy» ýaqytsha jumys orny bolyp esepteledi. Baǵdarlamaǵa 29 jastan aspaǵan «jumyssyz» mártebesi bar jáne sońǵy úsh jyl ishinde joǵary oqý oryndary men kolledjderdiń tehnıkalyq jáne kásibı bilim alǵan túlekteri qatysa alady. Atalǵan baǵdarlamaǵa tek bir ret qatysýǵa bolady. Shymkentte jyl sońyna deıin bul baǵyt boıynsha 2500 adamdy jumyspen qamtý josparlanǵan.

 

Shymkent

 

Sońǵy jańalyqtar

Qazaqstanda et qymbattady

Qoǵam • Búgin, 15:10

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Uqsas jańalyqtar