Aımaqtar • 18 Sáýir, 2021

Qasıetti aıda qaıyrymdylyq jasady

34 ret kórsetildi

Batys Qazaqstan oblysyndaǵy Dádem ata – Jumaǵazy haziret qoǵamdyq qory ramazan aıynda 50 otbasyna qaıyrymdylyq kómegin kórsetti dep habarlaıdy Egemen.kz.

Qazaqstannyń Jalpyulttyq kıeli nysandary qataryna kiretin áýlıe Jumaǵazy haziret kesenesi – jyl boıy basynan adam úzilmeıtin zııarat orny. Keshen aýmaǵy tolyq abattandyrylyp, kelýshilerge qyzmet kórsetetin qonaq úı, namazhana, t.b. salynyp, tolyq jaǵdaı jasalǵan. Kıeli mekenniń shyraqshysy, «Dádem ata - Jumaǵazy haziret» qoǵamdyq qorynyń tóraǵasy Ǵarıfolla Janbozov únemi qaıyrymdylyq sharalaryn uıymdastyryp, halyqtyń alǵysyn alyp júredi. Ásirese ótken jyly pandemııa qyspaǵynda qalǵan aýyl halqyna júıeli kómek jasaldy.

- Qasıetti Ramazan – meıirim men qaıyrym aıy ǵoı. Bizdiń qoǵamdyq qorymyz jyldaǵy dástúr boıynsha aýyldaǵy az qamtylǵan otbasylarǵa bir aılyq azyq-túlik jıyntyǵyn úlestirýge sheshim qabyldadyq. Áleýmettik kómek ıelerin aýyl ákimdigi janynan qurylǵan arnaıy komıssııa anyqtady, - deıdi Ǵarıfolla Janbozov.

Qoǵamdyq qordyń kómegine Syrym aýdanyna qarasty Sholaqańqaty jáne Alǵabas aýyldyq okrýgterinde turatyn 50 otbasy ıe boldy. Olardyń árqaısyna 50 kg un, 6 kg makaron, 5 kg kúrish, 5 kg qant, 5 lıtr ósimdik maıy, 1 kg sháı sekildi kúndelikti turmysqa eń qajetti azyq túrleri jetkizilip berildi. Aýyl adamdary qor jetekshisine shynaıy alǵysyn aıtty. Osy bir jolǵy aksııanyń ózinde ǵana qaıyrymdy azamat 700 myńdaı teńgeniń kómegin kórsetken eken.

- Halqymyz «jumyla kótergen júk jeńil» degen ǵoı. Koronavırýs jaǵdaıynda kóptegen otbasymyz qıyn jaǵdaıda qalǵany ras. Sondyqtan barymyzben bólisip jatyrmyz. Bizdiń osy bastamamyz basqa da aýqatty azamattarǵa, kásipkerlerge úlgi bolsa deımiz, - deıdi «Dádem ata - Jumaǵazy haziret» qoǵamdyq qorynyń tóraǵasy.

Sońǵy jańalyqtar

Shubaıqyzyl qyzǵaldaǵy

Tanym • Búgin, 00:16

Tán tunshyǵýly, jan shyńǵyrýly

Ádebıet • Búgin, 00:11

Tereńdik taǵylymy

Ádebıet • Búgin, 00:06

Syrdyń sáni – sekseýil

Aımaqtar • Búgin, 00:04

Qasym súıgen Saqypjamal

Rýhanııat • Keshe

Qazandaǵy atys

Álem • Keshe

Kenbaev keńistigi

О́ner • Keshe

Baıyrǵy qazaq beınesi

О́ner • Keshe

Elbasy Túrkistanǵa keldi

Elbasy • Keshe

Dollar baǵasy ósti

Ekonomıka • Keshe

Uqsas jańalyqtar