Qoǵam • 23 Sáýir, 2021

Memleket kepildigimen kásip ashqan ana

1525 ret kórsetildi

Aýyl – qazaqtyń altyn besigi. Desek te, altyn qazyǵyna balaǵan aýyldan ókshe kótermegen aǵaıynnyń bári birdeı turaqty jumyspen qamtylǵan emes. Sol sebepten, shaǵyn jáne orta kásipkerlikke bet burǵysy keletinder kóp. Solardyń qatarynda Jylyoı aýdanynyń turǵyny Nuraına Nurhatova da bar.

 

Biraq kásipkerlik te jalyna qol, saýyryna qamshy tımegen asaý sekildi yryqqa kóne qoı­maı­tyn sala. Muny ómirlik jary­men birge bes bala tárbıelep otyr­ǵan Nuraına Asylbekqyzy joq­q­a shy­ǵarmaıdy. Otaǵasymen aqyl­dasqan ol kásipkerligin aýyl sharýa­shylyǵy salasynda bastaýǵa bel býyp, «Aýyl sharýashylyǵyn qar­jy­laı qoldaý qory» AQ arqyly nesıe­sin kepildendirip otyr.

– Otaǵasynyń jalaqysyn, bes bala úshin beriletin járdemaqyny mise tutyp, otyra berýge bolatyn edi. Alaıda balalar ósip kele jatyr. Úlkenimiz – stýdent, odan ke­ıin­gisi kolledj bitir­geli otyr. Ke­ıin­gileri mektepte oqı­dy. Olardy eńbek etýge baýlý qa­jet. Onyń ús­tine ózim aýylda ós­ken­­dikten, tórt túlik­ti jaqsy kó­re­­min. Bul oıym­­dy otaǵasy da qol­­dady, – deıdi Nu­raına Nur­hatova. – Bul kásipker­ligimdi aýyl sharýa­shylyǵy salasynda bas­taýy­ma yqpal etti.

Degenmen qarjynyń joqtyǵy qolbaılaý bolypty. Banktiń pa­ıyzy joǵary nesıesin alýǵa táýekel etpedi. Sóıtip «Qarjyger» nesıe seriktiginen 6 mln 945 myń teńge qarjy aldy. Alaıda bul qarjyǵa kepildik qajettigi týyndady.

– Sol sebepten, «Aýyl sharýa­shylyǵyn qarjylaı qoldaý qory» AQ-nyń Atyraý oblystyq fı­lıalyna júgindim. Qor mamandary 5 mln 970 myń teńgeni kepilden­dirý týraly qujat rásimdedi. Bul – men alǵan qarjynyń 86 paıyzy. Alǵash ret kásip bastaǵanǵa osyndaı qoldaý kórsetilgenine qýandym. Áıtpese, bankti aıtpaǵanda, nesıe seriktestiginiń ózinen nesıe ala almaýym múmkin edi, – deıdi Nuraına Asylbekqyzy.

Oıǵa alǵan isin tezirek bastaýdy kózdegen ol byltyrǵy qańtar­da «Nuraına» jeke kásipkerligin tirketip, 9 ingen satyp aldy. Árıne, tórt túliktiń tóresine balanǵan túıege de jaıylym kerek. Sol sebepten, 800 gektar jerdi 10 jylǵa alyp otyr.

– Maqsatymyz – balalarymyzdy eńbekke tárbıeleý. Balalarymyzǵa mańdaı termen tapqan nannyń dámi tátti bolatynyn uǵyndyrsaq deımiz. Bıyl kolledj bitiretin ulymyz Bek­sultan kásibimizdi damytýǵa yn­ta bildirip otyr, – deıdi aýyl sha­rýa­shylyǵy salasynda kásibin bas­taǵan kóp balaly ana.

Onyń iske asyrýdy kózdegen jospary da kóp. Sonyń biri – bolashaqta túıe sútin óńdeıtin shaǵyn seh ashý.

– Qazir túıe sútinen daıyndalatyn shubatqa suranys artyp keledi. Sondyqtan qolǵa alǵan isimiz ilgeri basaryna senemin. Bálkim, biz de sút óńdeý sehyn iske qosýymyz múmkin. Sol kezde jumys oryndaryn ashatyn bolamyz, – deıdi N.Nurhatova.

Nuraına sekildi kásibin aýyl sharýashylyǵymen baılanys­tyr­ǵan jandarǵa «Eńbek» nátıje­li jumys­pen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy boıynsha qoldaý kórsetiledi. Buǵan «Aýyl sharýashylyǵyn qarjylaı qoldaý qory» aksıonerlik qoǵamy da atsalysyp otyr. Máselen, atal­ǵan qordyń óńirdegi fılıalynyń dırektory Gúlzada Shalaǵulovanyń málimetinshe, jyl saıyn aýyl sharýashylyǵy salasynda kásip ashqandarǵa nesıe de beriledi. Kásip­kerler nesıesiniń basym bóli­gin kepildendirýge de qoldaý kór­setilip keledi.

– Qordyń ustanyp otyrǵan bir­neshe maqsaty bar. Birinshiden, bıznes ashýdy jáne ony keńeıtýdi nesıe­lendirý. Ekinshiden, kásipker­lerge nesıe seriktestikteri men mık­­roqarjylyq uıymdar, ekin­shi deńgeıli bankter arqyly beril­gen nesıelerdi kepildendirý. Úshin­shiden, mal sharýashylyǵyn saqtan­dyrýdy kózdeıdi. Basty ustanym – klıentterimizdiń tabys tabýymen birge, aýyl turǵyndarynyń shaǵyn nesıeleý júıesine qoljetimdili­gi men tıimdiligin arttyrýǵa múm­kin­dik jasaý. Aýyl sharýashylyǵy salasyndaǵy kásipkerlikti qoldaýǵa beriletin nesıeniń ózindik sharttary bar. Máselen, sońǵy úsh jylda óńir kásipkerlerine 287,2 mln teńgeniń nesıesi berildi. Budan bólek 140,2 mln teńgeniń nesıesi kepildendirildi, – deıdi G.Shalaǵulova.

Onyń aıtýynsha, sońǵy úsh jyl­da oblysta 56 joba boıynsha kepildendirý rásimdelipti. Qor ta­rapynan jasalyp otyrǵan mun­daı qoldaý Atyraýda aýyl sharýa­shy­lyǵy salasynda kásibin ashýǵa nıettiler qataryn kóbeıte tústi. Ásirese, asyl tuqymdy tórt túlikti satyp alyp, ónim óńdeýge bet burý baıqalyp otyr.

 

Atyraý oblysy

 

Sońǵy jańalyqtar

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar