Ekologııa • 24 Sáýir, 2021

Baýyrjan Baıbek «Birge – Taza Qazaqstan» ekologııalyq aksııasyna qatysty

47 ret kórsetildi

«Nur Otan» partııasy Tóraǵasynyń birinshi orynbasary qalalyqtarmen birge ekologııalyq aksııaǵa qatysty.  Bul týraly ol Instagram jelisindegi paraqshasynda jazdy, dep habarlaıdy Egemen.kz.

Onyń aıtýynsha, partııa Ortalyq apparatynyń qyzmetkerleri Shyńǵys Aıtmatov atyndaǵy kósheniń boıyna 80 túp aǵash otyrǵyzǵan. Ákimdiktiń deregi boıynsha, bıyl qalada barlyǵy 1 mln-nan astam jasyl jelek otyrǵyzý josparlanyp otyr.

«О́zderińizge málim, elordamyzdyń negizi qalanǵan sátten bastap Elbasy, memleketimizdiń Tuńǵysh Prezıdenti Nursultan Nazarbaev qalanyń sáýlettik kelbetine ǵana emes, sonymen qatar naǵyz jaıly qalalyq orta qurýǵa da erekshe nazar aýdardy. Búginde munda kóptegen saıabaq, skverler men alleıalar salynyp, qalalyqtardyń súıikti demalys oryndaryna aınaldy. Qalada da, sonymen qatar onyń mańaıynda da josparly túrde jasyl jelekter sany artyp keledi. Qolaıly klımattyq jaǵdaı qalyptastyrýda Elbasy bastamashylyq etken elorda mańynda «jasyl beldeý» qurý jobasynyń mańyzy zor», dep jazdy ol.

Baýyrjan Baıbek atap ótkendeı, ekologııa sapasyn jaqsartý máselesi – «Nur Otan»-nyń saılaýaldy baǵdarlamasynyń da negizgi baǵyttarynyń biri.

Taıaýdaǵy 5 jylda partııa el kóleminde orman alqabyn ulǵaıtý jáne 2 mlrd-tan astam aǵash otyrǵyzý mindetin qoıyp otyr. Qalalar aýasynyń sapasyn jaqsartý, sý resýrstaryn utymdy paıdalaný, qaldyqtardy qaıta óńdeý boıynsha jumystar jalǵasýda. Osyǵan oraı 2025 jylǵa deıin Nur-Sultanda, Almatyda, Shymkentte, Atyraýda, Tarazda jáne Aqtóbede 6 qoqys óńdeý zaýytyn iske qosý josparlanyp otyr.

«Nur Otan»-nyń ekologııalyq saıasatyn iske asyrý aıasynda Almatydaǵy JES-2-ni gazǵa aýystyrý, Oral ózeni basseıniniń ekojúıesin saýyqtyrý baǵdarlamasyn qabyldaý jáne kólderdi tazartý boıynsha jumystar júrgizý josparlanýda. Burynǵy Semeı ıadrolyq synaq polıgonynyń, Baıqońyr ǵarysh aılaǵynyń jáne Aral teńiziniń soltústik bóligin qalpyna keltirýdiń ekologııalyq máselelerin sheshý jalǵasyn tabady», dedi Baýyrjan Baıbek.

Onyń taratqan aqparatyna súıensek, elordada partııanyń saılaýaldy baǵdarlamasy boıynsha bes turǵyn alqapta 10 skver salý, jaǵalaý jıegin abattandyra otyryp, Aqbulaq jylǵasynyń arnasyn rekonstrýksııalaý, Vıacheslav jáne Qoıandy sý qoımalarynda tabıǵatty qorǵaý sharalaryn iske asyrý jáne taǵy da basqa kóptegen sharalar kózdelgen.

Sońǵy jańalyqtar

Tarazda Qonaev eskertkishi boı kóterdi

Aımaqtar • Búgin, 12:50

Qazaqstanda qansha adam vaksına aldy

Koronavırýs • Búgin, 10:42

Elimizde 1452 adamnan koronavırýs anyqtaldy

Koronavırýs • Búgin, 09:05

Uqsas jańalyqtar