«Qyzyl aımaqqa» qaıta oraldy

Sanıtarlyq-epıdemıologııa­lyq baqylaý departamentiniń málime­tinshe, indet juqtyrýshylar kó­beı­gen. Sáýirdiń sońynda 308 jaǵ­daı tirkelse, sońǵy aptada 394 jaǵ­daı anyqtaldy. О́ńirde osy ýa­qytqa deıin 20 225 adamnyń indet juq­tyrǵany anyq­talǵan.

Qazir oblysaralyq, ob­lys­ishilik, qalaaralyq jolaýshylar tasy­maly toqtatyldy. Oıyn-saýyq or­talyqtary, saýda úı­leri senbi jáne jeksenbi kúnderi ju­mys iste­meıdi. Sonymen qatar qo­ǵam­dyq tamaqtaný oryndary, monshalar, sporttyq-saýyqtyrý ortalyqtary, bazarlar qyzmetine tyıym salyndy.

Al qalalyq jáne aýyldyq mektepter synyptaǵy balalar sanyn 25 oqýshydan asyrmaı dástúrli for­matta oqytady. Kezekshi toptardy qospaǵanda, mektepke deıin­gi mekemelerdiń qyzmetine tyıym salyndy. Jyl basynan beri 1 573 oqýshy dert juqtyrǵan. Qart­tar men múmkindigi shekteýli tul­ǵalarǵa ar­nal­ǵan medısınalyq-áleýmettik mekemeler, balalar, sábıler úıleri jabyq formatta qamqorshylyqtaǵy adamdar men qyzmetkerlerdiń syrt­qy baılanysyn shekteý arqyly ju­mys isteýde.

Oblys ákimdigi qalalar men aýdandarda ekpe egiletin jerlerdiń tizimin turǵyndarǵa habarlap, aq­­parattyq jumystardy jal­ǵastyrýda. Qazir 135 egý orny da­ıyn­dalǵan. Arnaıy oryndarǵa baryp ekpe jasaıtyn 37 top ta bar.

Oblys ortalyǵynda mobıldi vaksınalaý pýnktteri iske qo­syl­dy. Endi qala turǵyndary mo­bıldi, shatyrly nemese stasıo­narly pýnktte, kóshede saýda úılerinde, mádenıet úılerinde ekpe alýlaryna bolady.

Aldaǵy kúnderi óńirdegi ujymdarda qyz­metkerlerdiń tu­raqty ım­mýnıtetin qalyp­tastyrý úshin 450 myń adamǵa vak­sına salynady. Ujym qyz­metkerleriniń 80 paıyzy qashyqtan jumys isteýge kóshirildi.

– Búginde oblysta reseılik Spýt­nık-V vaksınasynyń birin­shi komponentin 53 956 adam, ekinshi komponentin 16 723 adam qabyldady. Al otandyq QazVac vaksınasy 908 adamǵa egildi. Jalpy, kúnine 5 myń, eń az degende 1 myń adam vaksına qabyldaýda. Sońǵy táýlikte
3 600 adam ekpe aldy. Al QazVac vaksınasynyń 2 myń danasy jetkizildi. Ony qabyldaǵandar ınfo­júıege engiziledi, – deıdi obly­s­tyq densaýlyq saqtaý bas­qar­masynyń basshysy Aıdar Seıitqazınov.

О́ńirge Densaýlyq saqtaý mı­nıstrligi arqyly mamyr aıynda 45 myń mólsherinde Spýtnık-V, QazVac vaksınasynyń 2 myń danasy jetkiziledi. Qazaqstandyq vak­sınanyń ekinshi komponenti 21 kúndik aralyqpen salynady. Son­daı-aq Sinopharm vaksınasynyń 14 myń danasy jetkizilgen.

Oblys turǵyndary otandyq QazVac vaksınasynyń birinshi kom­ponentin qabyldaı bastady. Ekinshi komponenti 21 kúnnen soń salynady. Shalǵaıdaǵy aýyl tur­ǵyndarynyń da ekpe alýyna jaǵdaı jasaldy. Turǵyndar otandyq jáne qytaılyq vak­sınanyń aıyrmashylyqtary jaıly jıi suraq beretini belgili. Mamandar vaksınalardyń quramy da, belsendi zattarynyń bolýy da, tıimdiligi de birdeı degen pikirde. Aıyrmashylyǵyna kelsek, otandyq vaksınanyń saqtaý merzimi 6 aıǵa jetse, qytaı vaksınasyn 12 aı saqtaýǵa bolady eken.

Sondyqtan turǵyndar arasynda dúrbeleń týyndamas úshin olar ekpeni qaıdan alatyny týraly aqparattan habardar bolýy tıis. Qalalar men aýdandardyń ákimderine barlyq egý pýnktterin aralap, olardyń ju­mysyn úzdik­siz baqylaıtyn tu­raqty toptar qurý tapsyryldy. Al Aıdar Seıit­qazınovtyń aıtýynsha, qa­zir­gi ýaqytta ınfeksııalyq sta­­sıo­narlardyń júktemesi 30 pa­ıyz nemese 630 tósektik oryndy quraıdy. Jan­saqtaý bóliminde 29 naýqas bar, onyń 11-i ókpeni jasandy jeldetý ap­paratyna qosylǵan. Jyl basynan beri óńirde indetten 72 naýqas qaıtys bolǵan. Olardyń kóbi – egde jas­taǵy, burynǵy aýrýlary bar adam­­dar. Sondaı-aq jyl basynan beri pnevmonııadan 13 adam kóz jum­dy.

Basqarmanyń málimetinshe, qa­zirgi kezde emhanalar janynda 175 mobıldi brıgada jumys isteıdi. Sta­sıonarlarda 45 kúnge jetetin dárilik zattar qory bar, PTR testileý júrgizetin 6 zerthana jumys isteýde.

Oblys ortalyǵyndaǵy 35, Eki­bas­­tuzdaǵy 5 jáne Aqsý qa­lasyndaǵy 1 qyzmet kórsetý orny Ashyq júıesine qosyldy.

Maqala jazý barysynda óńiri­miz­degi «Qosaq» baqylaý-ótkizý pýnk­­­tindegi avto-ót­kelden indet juq­tyrýdyń úsh ras­talǵan jaǵdaıy anyq­tal­ǵany jaıly habar kelip tústi. Epıdemııalyq baqylaý departamentiniń má­limetinshe, olar­dyń biri tasymaldaý jasaıtyn Aq­tóbe qa­lasynyń, ekeýi Pavlodar qala­synyń turǵyndary eken.

– О́tken táýlikte 726 azamat shekaradan ótti, onyń 266-sy jaıaý ótken jáne 460-i júk kóliginiń júrgizýshisi, 9 adam karantındik aýrýhanaǵa ornalastyryldy. Oblys aýmaǵyndaǵy memlekettik shekaranyń tórt baqylaý be­ketinde jolaýshylardyń jú­rýin baqylaý jalǵasýda, – deıdi departamenttegiler.

Pavlodar oblysy