Amerıka ýnıversıtetiniń magıstranty «Birikken Ult jeńedi!» halyqaralyq baıqaýynyń jeńimpazy boldy

Resmı marapattaý rásimi onlaın rejıminde ZOOM platformasynda júrgizildi. Onlaın is-sharaǵa AQSh, Túrkııa, Reseı, Qyrǵyzstan, О́zbekstan, Qazaqstan ýnıversıtetteriniń stýdentteri men magıstranttary, professorlary men oqytýshylary qatysty.

Baıqaýdyń jeńimpazdaryn marapattaý rásimin L.N.Gýmılev atyndaǵy Eýrazııa Ulttyq Ýnıversıtetiniń halyqaralyq baılanystar jónindegi prorektory Joldasbekova Aqbota Nııazqyzy quttyqtaý sózben ashty. Ýnıversıtet prorektory halyqaralyq baıqaý Qazaq Eliniń táýelsizdik jyldaryndaǵy jetistikterin halyqaralyq deńgeıde nasıhattaýdy, jastardyń bolashaqqa senimi men otansúıgishtik sezimderin kúsheıtýdi maqsat etkenin aıtty.

Osyndaı joǵary dárejede uıymdastyrylyp ótkizilgen baıqaýlar ýnıversıtettiń halyqaralyq bedelin ósirip, ǵylymı baılanystaryn keńeıtetinine senim bildirdi. Qazaqstan táýelsizdiginiń 30 jyldyǵy men L.N.Gýmılev atyndaǵy EUÝ-diń 25 jyldyq mereıtoılar 2-shi ret ótkizilip otyrǵan halyqaralyq baıqaýdyń ıdeologııalyq mazmunyn baıytqanyn jetkizdi. EUÝ Prorektory Aqbota Joldasbekova halyqaralyq baıqaýǵa qatysýshylarǵa, baıqaý jeńimpazdaryna, uıymdastyrýshylarǵa mol tabystar men shyǵarmashylyq shabyttarynyń sharyqtaı berýin tiledi.  

Budan keıin halyqaralyq baıqaýdy uıymdastyrý Komıssııasy Tóraǵasynyń orynbasary, Jýrnalıstıka jáne saıasattaný fakýltetiniń dekany Q.О́.Saq, Teleradıo jáne qoǵammen baılanys kafedrasynyń meńgerýshisi S.M.Dúısenǵazy jáne baıqaý ıdeıasynyń avtory, jetekshisi fılologııa ǵylymdarynyń kandıdaty, qaýymdastyrylǵan professor U.M.Esenbekova baıqaýdyń ıdeıasy, konsepsııasy men baıqaýǵa kelip túsken jumystardyń mazmuny men kásibı deńgeıi týraly baıandady.

Baıqaýdy uıymdastyrýshylar barlyq jumystar onlaın formatta ótkenine qaramastan, halyqaralyq sharanyń ıdeıasynda jazylǵan qundylyqtardyń durystyǵy dáleldenip, maqsattardyń barlyǵyna qol jetkendigin atap ótti.

Baıqaý ıdeıasynyń avtory professor Ulbosyn Esenbekova baıqaýǵa qatysýshy stýdentter men magıstranttardyń jasampaz energııasy, shyǵarmashylyq qýaty «Birikken Ult jeńedi!» halyqaralyq baıqaýynda barynsha kóringenin  jetkizdi.

Baıqaýǵa qatysýshy jastardyń teorııalyq jáne praktıkalyq qabiletteri osyndaı shyǵarmashylyq ortada barynsha shyńdalatynyn, otandyq jáne sheteldik ýnıversıtetterdiń arasyndaǵy osyndaı baılanystardyń tıimdi ekeni anyq.

Halyqaralyq baıqaýǵa qoldaý kórsetken EUÝ Rektory E.B.Sydyqov «Birikken Ult jeńedi!» halyqaralyq baıqaýynyń Gran Prı, I-shi dárejeli, II-shi dárejeli jáne III-shi dárejeli dıplomdar men arnaıy nomınasııalarmen marapattalǵan jumystarǵa syılyqtar taǵaıyndady. Bul syılyqtardan bólek Baıqaý ıdeıasynyń avtory professor U.M.Esenbekova jeńimpazdarǵa óziniń atynan qosymsha syılyqtar tapsyrdy. 

L.N.Gýmılev atyndaǵy EUÝ-diń Prorektory Aqbota Joldasbekova «Birikken Ult jeńedi!» halyqaralyq baıqaýynyń Gran Prı júldesin amerıkalyq Mıchıgan ýnıversıtetiniń magıstranty Moldaǵalıeva Móldir jeńip aldy. «Elimdi ańsap...» atty beıne materıaly baıqaýǵa kelip túsken eń úzdik jumys dep ataldy.

Baıqaýdyń I-shi dárejeli, II-shi dárejeli jáne III-shi dárejeli dıplomdarymen Qazaqstan, Túrkııa, Qyrǵyzstanyń, Reseıdiń ýnıversıtetteriniń bilim alýshylary marapattaldy.

Budan basqa baıqaýdyń 17 nomınasııasy boıynsha  jeńimpazdar da anyqtaldy. «Birikken Ult jeńedi!» baıqaýy tarıhı tulǵalarymyz ben qazaqtyń qaıratker azamattarynyń eńbekteriniń umytylmaıtynyn dáleldep berdi.

Baıqaý qorytyndysyn resmı jarııalaýǵa arnalǵan konferensııada Qazaqstan Respýblıkasy Premer-Mınıstriniń baspasóz Hatshylyǵynyń basshysynyń orynbasary Dýman Hamıtuly, «Qazaqstan» teleradıokorporasııasy Almaty fılıalynyń dırektory Saýle Janıbekqyzy Jırenshına, «Qazaqstan» ulttyq telearnasynyń dırektory Erkin Tańatqanuly Mýhamedjanov, «Habar» arnasynyń bas redaktory, «Habar» Agentiginiń Kórkemdik keńesiniń tóraǵasy Aıdos Turysbek, «Atyraý-Aqparat» medıaholdınginiń Bas dırektory Ysqaq Egemberdıev, Qazaqstan Jýrnalıster Odaǵy, Túrkistan oblystyq fılıalynyń tóraǵasy Ǵalymjan Elshibaı baıqaý jeńimpazdaryn jáne baıqaýdy ótkizý ıdeıasynyń avtory, jetekshisi, Qazaq teledıdarynyń Joǵary dárejeli dıktorynan bastap, «Qazaqstan» ulttyq telearnasynda basshylyq qyzmetter atqarǵan belgili telejýrnalıst, EUÝ professory U.M.Esenbekovany 50-jasqa tolǵan mereıtoıymen quttyqtady. Bul da áriptester men ustaz, shákirt arasyndaǵy syılastyqtyń úlgili kórinisi boldy.

Jeńimpazdardy resmı marapattaý rásiminde baıqaýdy ótkizýge belsendi qatysqan L.N.Gýmılev atyndaǵy EUÝ-diń Teleradıo jáne qoǵammen baılanys kafedrasynyń aǵa oqytýshysy Pernebekova Aıjan Pernebekqyzyna, basqa da oqytýshylar men bilim alýshylardyń eńbekteri erekshe atalyp ótip, alǵystar aıtyldy.