«Sary aımaqqa» qaıta oraldy

Densaýlyq saqtaý basqarma­sy­nyń basshysy Aıdar Seıitqazı­novtyń aıtýynsha, qazir óńirde ekpe alýshylar qatary kóbeıýde. Oblysta koronavırýsqa qarsy ek­pe­­niń alǵashqy komponentin 66 147 adam alǵan. Ekinshi komponent 24 973 adamǵa salynǵan. Otandyq vaksınany 968 adam aldy.

Qaýipti indetten qorǵanýdyń birden-bir joly – ekpe alý ekenin óńir turǵyndary da túsine bastady. О́ıtkeni, indettiń qaýiptiligin óńirdiń «Qyzyl aımaqqa» qaıta­la­nyp túse berýinen-aq kórip, bilip otyr. Oblys ortalyǵyndaǵy Toraıǵyrov ýnıversıtetiniń oqy­t­ýshylary men stýdentteri, qyz­metkerleri oqý ornyndaǵy dári­ger­lik ambýlatorııadan ekpe alýdy bastap ketti. Medısınalyq bólim­sheniń bas dárigeri Nurlan Oraza­lın­niń aıtýynsha, ekpe egý sharasy kúni boıy ótedi. Qazir vaksınanyń alǵashqy komponentin 150-ge jýyq adam alsa, ekinshi dozany 20-dan astam adam qabyldaǵan.

– Árıne, stýdentter de bar. Medısınalyq bólimshe óz erkimen ekpe alǵysy keletin kez kelgen adam­dy qabyldaıdy. Medbıkeler vak­sına saldyrýǵa kelgen ár adam­nyń densaýlyǵyn tekseredi. Indetke qarsy egiletin ekpe jaıynda túsindirip, jazbasha túrde ruqsat alady. Ekpe qabyldaǵandardyń ishinde jaǵdaıy nasharlaǵan adamdar bolǵan emes, – deıdi dárigerler.

Dárigerlik ambýlatorııada kúni­ne 10-15 adamǵa ekpe jasalady. Me­dısınalyq bólimsheniń dáriger­leri de ekpe alýda.

Aýdandarda da indetke qarsy ekpe egý sharasy júrgizilýde. Ár aýdanda ekpe salý barysy durys uıymdastyrylǵan jaǵdaıda mamyr aıynyń sońyna qaraı adamdardy 5-ten 15 myńǵa deıin vak­sı­nalaýǵa bolar edi. Sondyqtan, oblys ákimdigi turǵyndar arasynda dúrbeleń týmas úshin, olar ekpeni qaıdan alatyny týraly aqparattan habardar bolýy tıistigin, qalalar men aýdandar ákimderine barlyq egý pýnktin aralap, jumysyn úzdiksiz baqylaıtyn turaqty toptar qurýdy tapsyrdy. Mysaly, Baıanaýyl aýdanynda 2 464 adam vaksına alǵan. Aýdandyq aýrýhananyń bas dárigeri Serikjan Arynovtyń aıtýynsha, shalǵaıda, taý baýraıyndaǵy aýyl turǵyndaryna ekpe salýǵa arnaıy brıgada bardy. Medısınalyq brıgada árbir aýyldan shaqyrtý túsken boıda jolǵa shyǵady. Quramynda 2 dáriger, 2 medbıkesi bar brıgada ár aýyldan 20-30 adamǵa deıin ekpe salýda.

– Osy aptada Q.Sátbaev atyndaǵy jáne Uzynbulaq aýyldaryndaǵy turǵyndarǵa ekpe egildi. Sonymen birge, Baıanaýyldaǵy «Maıqaıyń altyn» AQ-tyń 775 jumysshy-qyzmetkeri de ekpe qabyldady, – deıdi S.Arynov.

Aýyldaǵy jáne aýyldar ma­ńa­ıyn­­­daǵy kásiporyndar úshin eńbek adamynyń densaýlyǵy ma­ńyz­dy. Indet kezindegi basty shart – qaýipsizdik. Kompanııa qyzmetkerler men merdigerlerdiń qaýipsizdigine, densaýlyǵyn saq­taýǵa basymdyq berýde. Eńbek adam­daryn qorǵaý jáne jumys­ta­ǵy kidirister qaý­pin azaıtý úshin indetke qarsy tes­tileý men oq­shaý­laýdy qosa alǵan­da, keshendi sharalar áli de qabyl­da­ný­da. Iаǵnı, «sary aımaqqa» ótý «qyzyl aımaqtaǵy» shekteý sharalarynda ekpe alý arqyly ujymdyq ımmýnıtet qalyptasa bastaǵanyn bildiredi. Oblys ákimdigi qalalar men aýdandarda ekpe egiletin jer­ler­diń tizimin turǵyndarǵa habar­lap, aqparattyq jumystardy jal­ǵas­tyrýda. Qazir 135 egý orny da­ıyndalǵan. Arnaıy oryndarǵa ba­ryp ekpe jasaıtyn 37 top ta bar. Son­dyqtan, qandaı aımaq bolsyn, indet taralýy jaǵdaıynda saqtaný, jaqy­nyna janashyr bolý árkimniń min­deti.

Pavlodar oblysy