Aımaqtar • 26 Mamyr, 2021

Ákimin ózi tańdaǵan aýyl

785 ret kórsetildi

 

Qazir aýyl ákimderin tikeleı saılaý máselesi qoǵamda qyzý talqylaný ústinde. Buǵan deıin aýyl ákimderin turǵyndardyń ózderi saılamaǵany belgili. Degenmen Pavlodar oblysyndaǵy Keńtúbek aýylynyń turǵyndary ózderi tańdaǵan ákimniń saılanýyna qol jetkizgen edi.

 

Bul oqıǵa osydan eki jyl buryn boldy. Keńtúbek aýylynyń turǵyndary ákim etip ózderi usynǵan adamdy saılaǵylary keletinin, al aýdan ákimi tarapynan usynylǵan kandıdatýraǵa kóńilderi tolmaıtynyn jetkizip, bizge hat jazǵan edi.

Máseleniń mánisine kelsek, 2019 jyldyń tamyz aıynan bastap jeltoqsan aıyna deıin Keńtúbek aýylynda ákim bolmaǵan. Sondyqtan, aýdandyq aýmaqtyq saılaý komıssııasy qyzmetinen shyǵyp qalǵan ákimniń ornyna kezekten tys saılaý ótkizýdi uıǵarady. Saılaý kúni qarashanyń 13-ine belgilengen. Biraq saılaý ýaqyty keıinge qaldyrylǵan. Sebebi aýdandyq ákimdik usynǵan ákimniń kandıdatýrasyn aýyldyqtar qoldamaı, ózderi surap otyrǵan, aýyldan shyqqan adamdy saılaýǵa qatystyrýdy suraǵan.

 Sóıtip saılaý qarashanyń 27-i kúni ótti, aýdandyq máslıhattyń 11 depýtatynyń 9-y qatysyp, 6-y daýys berdi, 3-i qalys qaldy. Aýdan ákiminiń ókimi 7 jeltoqsanda shyqty. Aýyl ákimi bolyp, turǵyndar biraýyzdan qoldaǵan Serik Baqaýov saılandy.

– Aýylǵa ákim bolý týraly aýdan ákimdigi tarapynan maǵan usynys bolǵan joq. Aýyl turǵandary, aqsaqaldar bar – bári maǵan senim artyp, óz aýylyń, ósken jeriń – aýylǵa ákim bol dep ótinish bildirdi, – dedi Serik Bekenuly.

 Bul oraıda aıta ketetin jaıt – Serik Baqaýovtyń oblystyń burynǵy ákimimen tegi uqsas bolǵanymen, týystyq eshqandaı qatysy joq. Ol 1969 jyly 27 mamyrda burynǵy Jaltyr, qazirgi Keńtúbek aýylynda dúnıege kelgen. 1986 jyly eńbek jolyn shopandyqtan bastaǵan. Ásker qatarynda boryshyn ótegen soń, 1995 jyly Semeı zooveterınarlyq ınstıtýtyn bitirgen. Instıtýttan soń ózi ósken Maı aýdanyna oralyp, aýdandyq veterınarlyq stansada, aýdandyq veterınarlyq komıtettiń bólim meńgerýshisi, aýmaqtyq ınspeksııanyń bas mamany, mal dárigeri ınspektory qyzmetterin atqarǵan. 2008-2010 jyldary aýdandaǵy Malaısary aýylynyń ákimi, 2010-2014 jyldary aýdandyq kásipkerlik jáne aýyl sharýashylyǵy bóliminiń basshysy, «Akjar – О́ndiris» agrofırmasynyń dırektory, aýdandyq máslıhat apparaty bóliminiń meńgerýshisi qyzmetterin atqarǵan.

Jýyrda biz Keńtúbek aýylyna baryp qaıttyq.

– Serik Bekenulynyń qyzmetine kóńilimiz tolady. Aýylǵa qarasty eki bólimsheni de aralap turady. Ár máseleni birlesip qarastyryp kelemiz. О́zimiz biraýyzdan usynyp, saılap alǵan ákimge árqashan qoldaý kórsetýge daıynbyz. Bizge aýyldyń saqtalǵany, jóndelip, durystalǵany kerek, – deıdi aýyl aqsaqaly Sábet Maıqybaev. Kásipker Ermek Syzdyqbaev, Temiruzaq Sabyruly da ózderi saılaǵan ákimmen birlese jumys isteıtinderin aıtyp, oǵan senim bildirdi.

– Aýyl ákimin saılaý demokratııalyq ózgeriske jol ashady. Árıne, turǵyndar ózderi jaqsy biletin adamdy saılaıdy ǵoı. Biz solaı jasadyq. Kerek sátinde qoldap, kez kelgen ýaqytta aryz-shaǵymdaryn da aıta alady. О́ıtkeni, Serik Bekenuly bizdiń aýyldyń ereksheligi men búkil ahýalynan habardar, turǵyndardyń jaǵdaıyn jaqsy biledi, al turǵyndardan túsetin aryzdardyń basym bóligi áleýmettik salaǵa, kómekke qatysty, –deıdi Ermek Syzdyqbaev.

– Aýylǵa medpýnkt qajet, aýdan ortalyǵy Kóktóbe men aýyl arasyndaǵy úsh shaqyrymdaı jerde turǵyndar aýrýhanaǵa jaıaýlap barady. Osyny oblystyq densaýlyq saqtaý basqarmasynyń basshysyna jetkizseńiz eken, bul máseleni sheshý osy basshynyń quzyrynda eken, – dedi Temiruzaq Saparuly.

Jalpy, Keńtúbek aýylynda eki shaǵyn bólimsheni qosqanda, barlyǵy bir myńǵa jýyq adam turady. Byltyr 24 otbasy ońtústik óńirlerden kóship kelse, bıyl Qytaıdan 4 otbasy qonys aýdaryp kelmekshi. Aýyl mektebinde 147 oqýshy bilim alyp júr.

– Qazir elimizde qabyldanǵan memlekettik baǵdarlamalar jóninde turǵyndar arasynda túsindirý jumysyn júrgizý asa qajet. Osy arqyly shaǵyn jáne orta bıznesti damytýǵa múmkindik bar. Mektep ishinen qyzyǵýshylyq bildirgen turǵyndardyń kompıýterlik saýatyn ashyp, árqaısysyna «Elektrondy úkimet» baǵdarlamasy boıynsha kabınet daıyndatý qajet. Aýylsharýashylyq jerlerin maqsatsyz paıdalanatyn jáne múlde paıdalanbaıtyn jer telimderin memleket qoryna qaıtarý, aýyldy abattandyrý, kóshelerdi jaryqtandyrý, aýyl ishindegi kóshelerdi jóndeý, aýyzsýmen qamtamasyz etý, maldy birdeılendirý jáne veterınarlyq qaýipsizdik is-sharalaryn ótkizý, kúl-qoqys polıgonyn retke keltirý sekildi aldymyzda kóptegen jumys kútip tur, – deıdi Serik Bekenuly.

Keńtúbekte bıyl 300 túp aǵash egilipti. Qazir kúndelikti sýarý, tazalaý, aǵartý jumystaryn aýyl belsendileri birlese atqarý ústinde.

– Prezıdentimiz Qasym-Jomart Toqaevtyń aýyl ákimderin tikeleı saılaý týraly bastamasy óte durys sheshim. Bul turǵyndardyń elimizdegi saıası ahýalǵa belsene aralasyp, memlekettiń damýyna úles qosýyna septigin tıgizetini sózsiz, – dedi Serik Bekenuly.

Aýyl ákimin turǵyndardyń ózderi tikeleı daýys berý arqyly saılaýdyń durystyǵyna Keńtúbek aýylynyń mysaly arqyly kóz jetkizgendeı boldyq.

 

Pavlodar oblysy,

Maı aýdany

Sońǵy jańalyqtar

Ozyq óndiris ornynda boldy

Aımaqtar • Búgin, 08:20

Ult saýlyǵyn ulyqtaǵan megapolıs

Elorda • Búgin, 08:18

Baǵdaryń qalaı, bas qala?

Elorda • Búgin, 08:17

«Astana Operamen» dos bolaıyq

Teatr • Búgin, 08:15

Dımash pen Djekson

О́ner • Búgin, 08:10

Utqanymyz shamaly bolyp tur

Qoǵam • Búgin, 08:05

Irikteýdiń ekinshi kezeńine ótti

Sport • Búgin, 08:02

Egizder festıvali

Qoǵam • Búgin, 08:00

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Uqsas jańalyqtar