Aımaqtar • 31 Mamyr, 2021

«Qyzyl aımaqtyń» saldary áli az emes

37 ret kórsetildi

Elimizdegi epıdemııalyq jaǵdaıdy baǵalaý matrısasyna sáıkes Pav­lodar oblysy 17 mamyrdan bastap «sary aımaqta». О́ńirde 25 ma­myr­dan bastap karantındik shekteý sharalary jeńildetildi.

Osy shekteý sharalaryna oraı oblystyń bas sanıtar dárigeri Batyrbek Álıev jańa №10 qaýlyǵa qol qoıdy. Buǵan deıin bir apta boıy epıdemııalyq jaǵdaı baqylaýda boldy. Iаǵnı 17 – 25 mamyr aralyǵynda ahýal turaqty ekenin kórsetip, shekteý sharalaryn jeńildetýge qatysty qaýly qabyldandy.

– Oblysta indet juqtyrýshy­lardyń sany azaıýda. 10-16 mamyr aralyǵynda 698 jaǵdaı anyqtal­sa, qazir bul kórsetkish tómendedi. 24 mamyr kúni 75 indet juqtyrý jaǵdaıy tirkeldi. Táýliktik ósim 0,4 paıyzdy qurady, – dedi B.Álıev.

Buǵan deıin oblys aýmaǵy in­dettiń taralýy boıynsha «qyzyl aımaq­ta» bolǵan kezde, bas sanıtar­lyq dárigerdiń qaýlysymen teatr­lar men kınoteatrlardyń jumysy­na tyıym salynǵan-dy. Endi «sa­ry aımaqtaǵy» jańa qaýly tártibi boıynsha kórermenderge mádenı oryndarǵa barýǵa ruqsat berildi, biraq zaldyń tolymdylyǵy adam sanynyń 20 paıyzynan aspaýy qa­jet. Sonymen birge dámhanalar men meıramhanalar qyzmeti buǵan deıin jumys kestesi 9:00-den 20:00-ge deıin bolsa, endi saǵat 7:00-den 24:00-ge deıin uzartylyp, adam­dardyń kelýi 50 orynnan aspaýy tıis dep bekitildi. Demalys kúnderi kelýshilerge saýda úıleri, spa-orta­lyqtar, basseınder, jabyq bazarlar ashyq, al senbi kúnderi saýnalarǵa barýǵa ruqsat etildi, monshalardyń da jumys ýaqytynan shekteýler alyndy. Aýdanaralyq jolaýshylar avtobýsy men shaǵyn avtobýstar da shekteýlerden keıin tasymalyn bastady. Jergilikti turǵyndardyń kúnniń ystyǵynda Baıanaýylǵa, Er­tis jaǵalaýyndaǵy týrıstik demalys oryndaryna barǵylary keleti­ni belgili. Jaz mezgiliniń demalys ýaqyty ekeni eskerilip, týrıstik oryn­darǵa sanıtarlyq talaptardy qa­tań túrde saqtaı otyryp, qyzmet kórsetýge ruqsat berildi.

Osy ýaqytqa deıin oblysta 22 900 adamnan indet juqtyrý anyq­talsa, 21 092 turǵyn jazylyp shyqqan. Ekpe jaǵdaıyna kel­sek, Spýtnık V alǵashqy kom­ponentin – 73 595, ekinshi dozany 33 376 adam qabyldaǵan. Otandyq vak­sı­nanyń birinshi komponentin – 1 008, ekinshisin 811 turǵyn saldyrsa, Hayat-Vax ekpesin 2 846 adam alǵan. Indetten jazylyp shyq­qan turǵyndar qosymsha em-shara qa­byldaı alady. Qazir óńirde indet juq­tyrǵan 250-ge jýyq naýqas qo­symsha em qabyldap, densaýlyǵyn jaqsartqan, «Býrabaı» shıpajaıyna da joldama arqyly bara alady. Em-sharalary Mindetti áleýmettik medısınalyq saqtandyrý júıesi boıynsha tegin júrgiziledi. О́ńirdegi barlyq aýrýhana men emhanada ­táý­lik boıy qyzmet kórsetetin sta­sıo­­narlarda 1 299 adam ońaltý sha­­ra­­laryna baryp, densaýlyǵyn jaq­sartqan. Al oblystyq densaýlyq saq­taý basqarmasynyń basshysy Aıdar Seıitqazınovtiń aıtýynsha, óńirde indetke qarsy ınfeksııa­lyq aýrýhanalardyń júktemesi 37 pa­ıyzdy, jansaqtaý bólimderindegi oryn­dardyń júktemesi 18 paıyzdy quraıdy.

– Qazir 37 naýqas jansaqtaý bó­liminde, 14-i ókpeni jasandy jel­detý apparatyna qosylǵan. Naý­­qas­tar ózin-ózi emdeýmen ýaqyt ótki­zip alǵan. Sondyqtan turǵyndar den­­saý­lyqtaryna qarap, ýaqtyly emhanaǵa kelýleri qajet, – dedi A.Seıit­qazınov.

Sonymen qatar oblysta koronavırýs juqtyrǵan 62 bala baqylaýǵa alynsa, 23 bala aýrýhanada emdelýde. Qazir Aqtoǵaı, Ýspen, Jelezın, Maı, Sharbaqty, Aqqýly aýdandary men Aqsý, Ekibastuz qalalary «qyzyl aımaqta».

 

Pavlodar oblysy

 

Sońǵy jańalyqtar

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar