Álem • 01 Maýsym, 2021

Danııa saıasatkerlerdi «tyńdaýǵa» kómektesti

40 ret kórsetildi

Danııanyń bar­­­laý qyzmeti AQSh Ulttyq qaýip­­sizdik agent­tigine eýro­palyq saıasatkerler týraly aqparat jınaýǵa kómektesken. Málimdeme ıeleri saıasatkerler tiziminde Germanııa kansleri Angela Merkel de bar deıdi.

Danııalyq Danmarks Radio telekompanııasy «2012 men 2014 jyl arasynda Danııa Qorǵanys jáne barlaý qyzmeti sýasty ınternet kabelderi arqyly aqparat urlap, AQSh agenttigine járdemdesti» degen aqparat taratty.

Aqparattyq tehnologııalar mamany Edvard Snoýden AQSh 2013 jyly Merkeldiń telefonyn tyńdaýǵa aldy dedi. Degenmen bul aqparatty Aq úı joqqa shyǵardy.

Al jaqynda Danmarks Radio birqatar eýropalyq basylymmen birge jańa zertteý jasap, birneshe saıasatkerdiń habarlamalary oqylyp, telefon áńgimeleri tyńdalǵanyn anyqtady. Kompanııa bul aqparatty 9 derekkóz rastaǵanyn habarlady.

Danııa Qorǵanys mınıstrligi jaýap bermegenimen, 2019 jylǵa deıin qorǵanys mınıstri qyzmetin atqarǵan Trın Bramsen kompanııaǵa óte jaqyn seriktesterdiń qurylǵylaryn júıeli tyńdap otyrý nemese baqylaýǵa alý tyıym salynǵan ereje ekenin aıtty. 

Bul jańalyqty estigen Fransııa aqpa­rat rastalsa, seriktestik setineı­tinin bil­dirdi. «Danııalyq áriptesterimizdiń AQSh-qa qoldaý bildirmegenin, júıede qate ke­tip nemese taǵy bir túsinispeýshilik bol­­ǵany týraly málimdeme kútemiz. О́ıt­­keni bul kúdik rastalsa, budan arǵy dos­tas­tyǵymyzǵa kúmán bar», dedi Fran­sııanyń Eýropa mınıstri Klement Bon.

Bul málimdeme óte qolaısyz ýa­qyt­ta jasalyp otyr. О́ıtkeni alda tran­satlant seriktestiginiń máselesi talqylanbaq. Eki aptadan keıin AQSh prezıdenti Djo Baıdenniń Eýropaǵa saparlap kelip, alǵash ret G7 sammıtine qatysýy josparlanǵan.

Sońǵy jańalyqtar

Qamystan óndirilgen qumsheker

Aımaqtar • Keshe

Erlikke toly eńbek

Qazaqstan • Keshe

Shıraz bulbuly

Ádebıet • Keshe

Ata jurtta

Ádebıet • Keshe

Oqý men oqymaý hám talǵam

Ádebıet • Keshe

Abaı oblysynyń aty ozdy

Aımaqtar • Keshe

Uqsas jańalyqtar