02 Maýsym, 2021

Krıogendi janarmaı quıý stansasy ashyldy

36 ret kórsetildi

Aqmola óńirinde elimizdegi alǵashqy krıogendi janarmaı quıý stansasy ashyldy. Bul – Qazaqstan, Reseı jáne QHR-dyń birlesken jobasy.

Suıytylǵan tabıǵı gazdyń (STG) álemdik naryqtaǵy úlesi jedel qarqynmen ósip kele jatqany málim. Boljamǵa sáıkes, 2035 jylǵa qaraı STG-ny tutyný men onyń óndiris kólemi eki esege ósedi. Elimizdegi alǵashqy krıo­gen­di janarmaı quıý stansasynyń ashy­lýy óńirdegi kólik júk tasy­malynyń damýyna jańa ser­pin beredi dep kútilýde. Sebebi qazir álem boıynsha taýarlar men júkterdi jetkizýdiń jyldam ári arzan qyzmetteri suranysqa ıe. Mamandardyń aıtýynsha, bul halyqaralyq joba kólik ın­fraqurylymyn damytyp, Ji­bek jolynyń tamyryna qaıta qan jú­girtedi. Jańa nysan suıytylǵan tabıǵı gazdy paıdalanatyn kólik­terge arnalǵan. Atalǵan ónim – janarmaıdyń qaýipsiz jáne ekolo­gııalyq taza túri, onyń quny da benzınnen áldeqaıda arzan.

Modýldik krıogendi janarmaı quıý stansasy sorǵylarmen jaraqtalǵan STG blogynan, ty­ǵyz­dalǵan gaz blogynan j­áne syıymdylyǵy 17 myń ton­nany quraıtyn krıogendi tank-konteıneri men basqarý blogynan turady. Stansanyń qýattylyǵy saǵatyna 12 júk kóligine deıin qyzmet kórsetýge qaýqarly. Onyń iske qosylýy júk tasymalynyń ýaqytyn eki esege qysqartýǵa múmkindik beredi.
«Gazdy suıyltý, tasymaldaý jáne saqtaý ındýstrııasy qarqyndy damyp keledi. Janar­maıdyń bul túri – energııaǵa qanyq jáne naryqta keńinen taralǵan otyn. Ony qoldanýdyń artyqshylyǵy kóp. Baǵasynda da aıyrmashylyq úlken, tabıǵı gaz 50%-ǵa arzan», dedi «Gazprom STG Tehnologııalary» JShQ dırektorlar keńesiniń tóraǵasy Alekseı Kahıdze.

Atalǵan janarmaı ekologııa­lyq tıimdiligi jaǵynan ǵana emes, jumys ónimdiligin arttyrý­da da septigi mol, deıdi mamandar.

«Bıyl birqatar basymdyqqa ıe 3 myńǵa jýyq tehnıkany áke­lý­di josparlap otyrmyz. Su­ıyltý kezinde gazdy tazar­tý­dyń ozyq tásili qoldanylady, ol dızel otynymen salys­tyr­ǵanda zııandy zattardy 40%-ǵa deıin azaıtady. Budan bólek, qozǵaltqyshtyń jumys resýrsyn 15%-ǵa arttyrady», dedi «Gefest» JShQ kommersııalyq dırektory Aleksandr Tovpeko.

Sońǵy jańalyqtar

Kabýlda jarylys boldy

Oqıǵa • Búgin, 17:08

Otandyq fılmderdiń úlesi artady

Qazaqstan • Búgin, 16:20

Almatyda baqylaý kúsheıtildi

Koronavırýs • Búgin, 14:08

Aqsha emes, abyroı qymbat

Boks • Búgin, 13:04

Kúrshim ózeni de lastana bastady

Ekologııa • Búgin, 12:38

Tiliksiz ota jasaldy

Medısına • Búgin, 12:20

Uqsas jańalyqtar