Álem • 03 Maýsym, 2021

Vogue jýrnaly Malalanyń sýretimen shyǵady

13 ret kórsetildi

Pákistandyq belsendi Malala Iýsafzaıdyń sýreti brıtanııalyq Vogue sán jýrnalynyń muqabasynda basyldy.

Búginde Oxford ýnıversıtetiniń túlegi birneshe jyl buryn Talıban saıasatynyń qysymyna ushyrap, oqý, dárigerge kóriný syndy negizgi qajettilikterinen aıyrylǵan bolatyn. Keıin bul týraly ashyq aıtyp, álemdik arenada Aýǵanstandaǵy jaǵdaıdy búkpesiz jetkizýge múmkindik aldy.

17 jasynda Nobel syılyǵyn ıemdengen Malala búginde birqatar belsendi qyzben dos ekenin aıtady. Olardyń qatarynda ekobelsendi Greta Týnberg, Emma Gonsalez bar.

Vogue jýrnalynyń shilde aıyndaǵy nómiri Malalanyń sýretimen shyqpaq. Malala fotoǵa Stella McCartney syndy álemdik deńgeıdegi sán úıiniń kóılegin kıgenimen, basyna pýshtýndarǵa tán oramal taǵyp túsipti. Malalanyń ózi «basymdaǵy oramal – musylman áıelderdiń bas kıimi ári pýshtýndardyń etnostyq kıimi» dep túsindirdi.

«Musylman áıelder, pýshtýndyq nemese pákistandyq qyzdar ulttyq kıim kıgende kórinbeıtin keıipke enip, patrıarhaldy qoǵamnyń erejelerin ustanady. Men bárine mádenıetińizge qaramaı, óz oıyńyz ben pikirińiz bola alatynyn aıtqym keledi», deıdi ol.

Sonymen qatar áleýmettik jelidegi paraqshasynda bul tájirıbe oǵan qyzyq kóringenin, úırenshikti bolmaǵanyn jazypty. Jýrnaldyń jańa juldyzy «Muny kórgen qyzdar álemdi ózgerte alatynyn bilip júrsin degim keledi», dep jazypty.

Malala Iýsafzaı Oxford ýnıversıtetiniń saıasattaný, fılosofııa jáne ekonomıka bóliminde oqydy. Jaqynda óziniń prodıýserlik ortalyǵyn ashty. Qazir qyzdardyń bilim alýy, áıel quqyǵy sııaqty derekti fılmdermen qatar, balalarǵa arnalǵan fılmder, anımasııa men komedııa janryndaǵy kıno túsirýmen aınalysady.

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar