Álem • 15 Maýsym, 2021

Baıden seriktestikti nyǵaıtýdy usyndy

26 ret kórsetildi

Anglııada G7 sammıtine qatysqan AQSh prezıdenti Djo Baıden otyrysqa qatysty oń pikirin bildirdi. Kóshbasshylardyń kezekti jıynyna alǵash ret qatysyp otyrǵan saıasatker ony «Erekshe ári nátıjeli jumys» dep baǵalady.

Jeksenbide Baıden koronavırýs pandemııasynan keıin damýshy elderge kómek kórsetý, jahandyq jylynýǵa qarsy jospar, halyqaralyq kompanııalarǵa salynatyn salyq kólemin azaıtý boıynsha kelissózderge qatysty.

Buǵan deıin birqatar eýropalyq eldiń qarjy mınıstrleri transulttyq korporasııalarǵa jahandyq eń tómengi salyqty maquldaý týraly usynys bildirgen-di. Mınıstrler iri transulttyq kompanııalarǵa kem degende 15% kóleminde jahandyq eń tómengi salyqty engizýdi maquldaǵannan keıin,  G7 sammıtinde kóshbasshylardyń korporasııalardyń keıbir elderdi qajetti kiristerden aıyratyn salyqtardy boldyrmaýy úshin salyqqa qatysty qarardy qabyldaıtyny belgili edi.

Eń tómengi mólsherlemeni Amerıka Qurama Shtattary qoldady jáne prezıdent Djo Baıden úsh kúnge sozylǵan G7 sammıtinde jahandyq ekonomıkany birlesip kóterý áldeqaıda ońtaıly ekenin eske saldy.

Bıylǵy sammıt pandemııadan keıin halyqaralyq kóshbas­shylardyń qaıtadan bir ortaǵa jınalǵanyn kórsetýdi de maqsat etti. Sonymen qatar AQSh-tyń burynǵy prezıdenti Donald Tramp úzgen baılanysty qaıta qalpyna keltirýdi de kózdedi. Sondaı-aq Kanada, Fransııa, Germanııa, Italııa, Japonııa, Anglııa jáne AQSh syndy damyǵan elder klýby damýshy elderge Qytaıǵa qaraǵanda jaqynyraq ekenin ári shyn janashyr ekenin taǵy bir eske salýdy jón kórdi.

Sammıtke qatysqan memleketter basshylary Qytaıǵa adam quqyǵyn syılap, oǵan nuqsan keltirmeý mańyzdy ekenin, Gonkongtaǵy jaǵdaıdy azamattarǵa qysym kórsetpeı sheshý qajettigin eskertti.

Jahandyq jylynýǵa qatysty oıyn bildirgen Djo Baıden Tramp ákimshiliginiń ulttyq qaýipsizdikke jahandyq jylynýǵa qatysty saıasaty basqa baǵytta bolǵanyn, AQSh-tyń endigi kózdegeni beıbit saıasat ekenin málimdedi. Baıden áriptesterine seriktestiktiń nyǵaıa túsýine, ortaq mindetterge birge jetýge nıetti ekenin bildirdi.

 

Sońǵy jańalyqtar

Bir kúnde 3907 adam koronavırýstan aıyqty

Koronavırýs • Búgin, 09:45

15169 adam koronavırýs juqtyrdy

Koronavırýs • Búgin, 09:17

Uqsas jańalyqtar