Sport • 18 Maýsym, 2021

Bári de buqaralyq sport úshin

145 ret kórsetildi

Jetisýda buqaralyq sporttyń damýyna erekshe kóńil bólinip otyr. Ár aýdan men aýylda turǵyndardyń salamatty ómir saltyn ustaýyna tolyq jaǵdaı jasalǵan. Onyń bir kórinisin jańadan ashylyp jatqan sport, saýyqtyrý keshenderiniń sanynan-aq baıqaýǵa bolady. Mysaly, qazir Almaty oblysynda 10 dene shynyqtyrý-saýyqtyrý kesheni jumys isteıdi.

Jaqynda bul tizim tolyǵyp, taǵy eki keshenge kóbeıdi. Kóksý aýdanynyń Balpyq bı aýylynda jáne Raıymbek aýdanynyń Narynqol aýylynda jańa nysandar salynyp bitip, iske qosyldy. Kóksý aýdanynyń ortalyǵy Balpyq bı aýylynda 17 myń adam turady. Al jańa sport keshenin eń qajetti kezeńde salynyp, paıda­lanýǵa berildi deýge  ábden bolady.

– Elbasy Nursultan Nazarbaev­tyń 100 dene shynyqtyrý-saýyq­tyrý keshenin salý týraly tap­syr­masyna oraı aýdanymyzda sáýletti sport kesheni ashyldy. Endi aýyldaǵy 17 myń turǵyn munda densaýlyǵyn shyńdap, kásibı sporttyń 12 túrimen aınalysa alady. Zamanaýı sport kesheniniń qurylysyna 673 mln teńge jumsaldy. Ǵımarattyń jalpy alańy 3 myń sharshy metr. Kúres, boks, komandalyq oıyndar zaldary, skalodrom, trenajer zaly jabdyqtalǵan, sol sııaqty 180 oryndyq kórermen trıbýnasy bar. Basketbol, voleıbol, gandbol, mınıfýtbol, badmınton, boks, tennıs, kúres sııaqty sporttyń 12 túrimen aınalysýǵa barlyq jaǵdaı jasalǵan. Sonymen birge jabdyqtalǵan medısınalyq kabınet,  dýshy bar kıim sheshetin, iletin oryn, 16 oryndyq býfet te bar. Múmkindigi shekteýli jandardyń da sportpen aınalysýyna barlyq múm­kindik qarastyrylǵan, – deıdi Kók­sý aýdanynyń ákimi Almas Ádil. 

Al Raıymbek aýdanynda­ ashyl­­ǵan zamanaýı sport ke­she­­ni­niń qurylysyna jáne ma­terıal­­dyq-tehnıkalyq bazasyn qalyp­tastyrýǵa oblystyq bıýd­jet­ten 1,3 mlrd teńge bólingen eken.

– Narynqol aýylynda sa­lyn­ǵan bul dene shynyqtyrý-saýyq­tyrý kesheni – eldi mekendegi eń ir­geli sporttyq nysan. Keshende sport­tyq oıyn túrlerine, kúres, boks, ústel tennısine arnalǵan zal­dar jáne trenajerlyq zal bar. Sonymen qatar kıim sheshe­tin ból­me, býfet, keń ashana, me­dı­sınalyq jáne massaj kabı­netteri, demalys bólmesi, ákim­shilik kabınetteri, májilis zaly da qarastyrylǵan. Kórermen trıbýnasy 180 orynǵa arnalǵan. Aýlada voleıbol, ashyq fýtbol alańdary bar, munda jazǵy kúnderi sportshylar taza aýada jattyǵady. Ba­lalardy tájirıbeli sportshylar jattyqtyrady. Ǵımarattyń jalpy alańy – 4,8 myń sharshy metr, mańaıyna beıne­baqylaý ornatylǵan, – deıdi Raıymbek aýdany­­nyń ákimi Nurjan Qudaı­bergenov

2018 jyly Elbasy Nursultan Nazar­baevtyń Jarlyǵymen Raıym­bek jáne Kegen aýdandary qaıta quryldy. Osyǵan baılanysty aýdan ortalyǵynda ákimshilik ǵımarattardy salý, jóndeý jumystary bastaldy. Jańa turǵyn úıler salynyp, paıdalanýǵa berildi. Qysqa ýaqyt ishinde úlken jumys jasaldy. Iske qosylǵan sport kesheni de sol qatarda.  Sý jańa ǵımarat ishinde boks, kúres, fýtbol, jattyǵý zaldary men stadıon bar. Sondaı-aq medısınalyq jáne massaj ka­bıneti,  ákimshilik úı-jaılary, kıimjaıy bar býfet jáne vestıbıýl ornalasqan.

– Bul sport kesheninde tek balalar men jasóspirimder ǵana emes, memlekettik qyzmetkerlerden bas­tap, zeınetkerlerge deıingi barlyq aýyl turǵyny da jat­tyǵýmen aına­lysa alady. Osy aımaqtan kóp­tegen sportshy shyqty. My­saly, erkin kúresten Rýslan Ju­mabekov, Ardaq Nazarov, Beıbit Nazarov, Jasulan Qydyrbaev ta – Raıymbek aýda­nynyń týma­lary. Osyndaı zamanaýı sport keshe­ninen álemdik jarystarda Olım­pıada shyńdaryn baǵyndyratyn sportshylar shy­ǵady dep úmit­tenemiz, – dep qo­ry­tyndylady Al­maty oblysy dene shynyqtyrý jáne sport bas­qarmasynyń basshysy Nur­baqyt Teńizbaev.

Aıtpaqshy, aldaǵy ýaqytta Balqash aýdanynyń ortalyǵy Ba­qa­nas aýylynda da jańa sport ke­sheni ashylmaq. Iаǵnı jyl sońyna deıin Jetisýdaǵy dene shynyq­tyrý-saýyqtyrý keshenderiniń sany on beske jetpek.

 

Sońǵy jańalyqtar

Jastar qalaýy – jarqyn keleshek

Referendým-2022 • Keshe

Referendýmdy qoldaýǵa úndeý jasady

Referendým-2022 • Keshe

Aǵa býynnyń aıtary bar

Referendým-2022 • Keshe

Áljannyń kise belbeýi

Tarıh • Keshe

Uqsas jańalyqtar