Oqıǵa • 18 Maýsym, 2021

Jastarmen júzdesý

32 ret kórsetildi

Elordadaǵy Dostyq úıinde Qazaqstan halqy As­sambleıasy Tóraǵasynyń orynbasary Ma­rat Ázil­hanovtyń jastar uıymdary je­tek­shilerimen beıresmı formattaǵy kezdesýi ótti.

Otyrysqa Aqparat jáne qoǵamdyq damý vıse-mınıstri Ashat Oralov, Parlament Májilisiniń depýtattary, Prezıdent jáne QHA ja­nyn­daǵy Jastar saıa­saty jónindegi keńesterdiń músheleri, respýblıkalyq jastar uıymdarynyń jetekshileri qatysty.

Is-sharada QHA janyndaǵy «Jarasym» respýblı­kalyq jastar uıymy men jastar uıymdary arasyndaǵy yntymaqtastyq týraly memorandýmǵa qol qoıyldy.

Sondaı-aq jas kásipkerlerdi QHA qyzmetine tartý, QHA men Nur Otan partııasy jastar qurylymdarynyń ózara árekettesýi, óńirlik volonterlik uıymdar men Dostyq úıleri arasyndaǵy baılanysty damytý máse­leleri talqylandy.

Kezdesýge qatysýshylar jastar bastamalaryn qol­­daýǵa jáne jastardyń áleýmettik múmkindikterin keńeı­týge baǵyttalǵan birlesken jobalardy, sondaı-aq qaıyrymdylyq pen eriktilikti keshendi damytý or­talyǵy retinde óńirlik Dostyq úılerin damytý pers­pektıvalaryn sóz etti.

Marat Ázilhanov Qazaqstan halqy Assambleıasy jas­tarǵa jáne olardyń jobalaryna belsendi qol­daý kórsetýge daıyn ekenin jáne jastar qozǵalysy jobala­ryn damytý men jastar qoǵamdastyǵymen ózara is-qı­myl­dy kúsheıtý ortalyǵyna aınalýy tıistigin atap ótti.

Sońǵy jańalyqtar

Bir kúnde 3907 adam koronavırýstan aıyqty

Koronavırýs • Búgin, 09:45

15169 adam koronavırýs juqtyrdy

Koronavırýs • Búgin, 09:17

Uqsas jańalyqtar