Saıasat • 22 Maýsym, 2021

Jastar keńesiniń otyrysy ótti

32 ret kórsetildi

Qazaqstannyń Azııadaǵy ózara is-qımyl jáne senim sharalary jónindegi keńe­sine 2020-2022 jyldary tóra­ǵa­lyq etýine baılanysty Nur-Sul­tan qalasynda onlaın-formatta AО́S­ShK Jastar keńesiniń IV otyrysy ótti. Otyrysqa AО́SShK múshe-memle­ket­terdiń memlekettik organdary men jas­tar uıymdarynyń ókilderi qatysty.

Talqylaýdyń negizgi taqyryptary: BUU-nyń Turaqty damý maqsattaryna ártúrli deńgeıde (TDM) qol jetkizý, sondaı-aq jańa syn-tegeýrinder men qaýip-qaterlerge, atap aıtqanda TDM sheńberindegi ekologııaǵa baılanysty jastardyń tájirıbesi men róli.

Otyrysqa Qazaqstan Respýblıkasynyń Aqparat jáne qoǵamdyq damý vıse-mınıstri Ashat Oralov tóraǵalyq etti. Sondaı-aq is-sha­raǵa qatysýshylarǵa AО́SShK Hatshylyǵynyń Atq­arýshy dırektory Qaırat Sarybaı beınejoldaý jasady.

О́z sózinde Ashat Oralov Prezıdent Qasym-Jomart Toqaevtyń BUU-nyń 75 jyldyq mereıtoıy aıasynda memleketterdi «aǵymdaǵy syn-qaterlerdi, sonyń ishinde jastar máseleleri bo­ıynsha qıyndyqtardy eńserý úshin kúsh-jigerdi shoǵyrlandyrýǵa» shaqyrý bastamasyn atap ótti.

Budan basqa Qazaqstan volonterler ró­lin moıyndaý nyshany retinde BUU-ǵa volon­terlerdi jumyldyrýdyń halyqaralyq jylyn jarııalaýdy usyndy. О́z kezeginde Qazaqstan 2020 jyly jarııalaǵan Volonter jylynyń tájirıbesimen bólisýge daıyn.

Sondaı-aq Qazaqstan Táýelsizdiginiń 30 jyl­dyǵy aıasynda jáne AО́SShK-niń 30 jyl­dyǵy qarsańynda bıyl 1 maýsymda Nur-Sul­tan qalasynda Beıbitshilik jáne kelisim sara­ıynyń aýmaǵynda AО́SShK-ge múshe 27 memleket ókiliniń qatysýymen AО́SShK alleıasyn ashýdyń saltanatty rásimi ótti.

Jahandyq ekologııalyq problemalardyń ózektiligin nazarǵa ala otyryp, jastar keńesi­niń tóraǵasy 2021-2022 jyldary AО́SShK elderiniń jastaryn tarta otyryp, «Taza planeta» birlesken ekologııalyq aksııasyn ótkizýdi usyn­dy. Bul aksııa ár azamattyń ekologııalyq máde­nıetin arttyrý boıynsha AО́SShK-ge qaty­sýshy elderdiń turaqty damýynyń mańyzdy negizi bolmaq.

Otyrys qorytyndysy boıynsha usynymdar qabyl­dandy. Otyrysqa qatysýshylar AО́SShK-niń jastar uıym­darymen dıalog pen áriptestik qa­ty­­nastaryn jandandyrýǵa, sondaı-aq jas ma­­man­­dardyń áleýmettik, ekologııalyq já­ne má­­denı salalarǵa qatysýyn qoldaýǵa ýaǵ­da­lasty.

Jalpy, qatysýshy delegattar talqylanǵan máseleler AО́SShK elderinde jastar saıasatyn ilgeriletý úshin ózara qyzyǵýshylyq týdyratynyna senimdi.

AО́SShK týraly ıdeıany alǵash ret Qazaqstan Respýblıkasynyń Tuńǵysh Prezıdenti – Elbasy N.Á. Nazarbaev 1992 jylǵy 5 qazanda BUU Bas Assambleıasynyń 47-sessııasynda jarııa etkeni belgili. Bul bastamanyń qozǵaýshy kúshi Azııada beıbitshilik pen qaýipsizdikti qamta­masyz etý boıynsha tıimdi ári qolaıly qury­lym qurýǵa umtylý boldy.

AО́SShK Jastar keńesiniń úshinshi otyrysy 2018 jyly 13-14 sáýirde Baký qalasynda ótti, onyń qorytyndysy boıynsha AО́SShK-ge qatysýshy elder jastarynyń qajettilikterin eskeretin usynystar ázirlendi.

Otyrys basynda qatysýshylarǵa Qazaq­stannyń mádenı jáne týrıstik tanymal jerleri týraly beınerolık kórsetildi.

Sońǵy jańalyqtar

Bir kúnde 3907 adam koronavırýstan aıyqty

Koronavırýs • Búgin, 09:45

15169 adam koronavırýs juqtyrdy

Koronavırýs • Búgin, 09:17

Uqsas jańalyqtar