Qazaqstan • 23 Maýsym, 2021

Keden qoımalary daıyn ba?

96 ret kórsetildi

Sanaýly kúnderden keıin aıaqkıim ónimderin sıfrlyq tańbalaý mindetti sharaǵa aınal­maq. Qazir osyǵan da­ıyndyq jumystary júrip jatyr. Bul rette keden qoı­ma­lary Qazaqstanǵa syrt­tan ımporttalatyn aıaqkıim ónimderine Data Matrix kodyn engizý barysyn synaqtan ótkizýde.

Mindetti sıfrly tańbalaý engi­zilgennen keıin aıaqkıim ımporttaý­shylary ónimge Data Matrix kodyn engizýi tıis. Ony birden óndiris ba­­rysynda nemese Qazaqstannyń ke­­den qoımasynda engizýge bolady. «ALG Company» JShS bas dı­rek­­­to­rynyń orynbasary Danııar Ib­raev­­­tyń ­aıtýynsha, kompanııanyń keden qoımasy aıaqkıim salasyndaǵy jańa erejelerge saqadaı saı.

– Tańbalaý qoldanystaǵy prosesterge áser etpeıdi. Tek qoıma aıasyn­da júzege asyrylýy qajet qo­symsha operasııalar paıda bolady. Bú­ginde yntymaqtasa jumys isteıtin ım­porttaýshylardyń ónimderin óń­deýge arnalǵan aımaqtar daıyn­dap jatyrmyz. Prosess naqty ımport­taýshylardyń jetkizý kólemine baı­lanysty júrgiziledi. О́ıtkeni ónim­derdiń kólemi ártúrli. Alaıda bul ju­mysty qıyndatady dep oılamaımyn. Sıfrly tańbalaý naryqty «kó­leńkeden» shyǵarý úshin qajet eke­­nin túsinip otyrmyz. Bárimiz ashyq­­­t­yqqa umtylýǵa tıispiz, – deıdi D.Ibraev.

Keden qoımasynyń qyzmeti úshin ımporttaýshy jalpy kólemine baı-­
lanysty bir jupqa 30 teńgeden 300 teńgege deıin qarjy tólemek. Sonymen qatar bul somaǵa jóneltý, saqtaý, býyp-túıý, stıketteý, skaner­leý jáne esepke alý sekildi qosymsha shy­ǵyndar kiredi. Ortasha eseppen al­ǵanda ımporttaýshylar úshin tań­balaý shyǵyndary bir jup aıaq­­­-
kıim qunynyń 0,1-2,5 paıyzyn qu­raı­dy.

Keden qoımasyndaǵy tańbalaý prosesterin ımporttaýshylardyń óz­deri de synaqtan ótkizdi. Olardyń arasynda 2006 jyldan beri ártúrli taýar toptaryn jetkizýmen aınalysatyn «Altyn Promotion» kompa­nııasy da bar.

– Zańsyz satýshylar jumysy­myz­ǵa kedergi keltirýde. Bizdiń zertteýi­miz boıynsha, olar qazir naryq kóleminiń 80 paıyzǵa jýyǵyn «jaýlap» alyp otyr. Olar sertıfıkattaýmen aına-­
lyspaıdy, kedendik rásimderden ótpeıdi. Qysqasy, adal jumys isteýge qulyqsyz. Al biz salyq tóleımiz. Olar salyqtan jaltaryp otyr. Bu­laı bolmaýy kerek. Ereje bárine ortaq, – deıdi «Altyn Promotion» kom­pa­nııasynyń dırektory Altyn Qandybaeva.

Importtaýshynyń pikirinshe, Data Matrix kodyn engizýdiń aıaqkıimniń túpkilikti baǵasyna áseri shamaly. О́ıtkeni baǵaǵa birinshi kezekte júk tasymaldaýshylardyń qyzmeti yqpal etedi. Bıyl olardyń qyzmeti qymbattady.

– Biz sala ókilderiniń tańbalaýdyń negizderi men maqsattary týraly jal­py túsinigi qalyptasqanyn baı­qap otyrmyz. Árıne, suraqtar joq emes, bar. Biz óz tarapymyzdan sıfr­ly tańbalaýdy engizý úderisin súıe­meldeýdi jalǵastyrýǵa jáne bıznes­tiń barlyq saýalyna jaýap berýge daıynbyz. Importtaýshylarmen, aıaq­-
kıim óndirýshilermen, satýshylarmen arnaıy vebınarlar ótkiziledi. Sondaı-aq kedendik qoımalar men kásip­oryndar da tańbalaý prosesin py­syqtap jatyr, – deıdi Sıfrlyq eko­nomıkany damytý ortalyǵynyń bas­qarýshy dırektory Oljas Bek­turov.

Eske sala keteıik, taýarlardy sıfr­ly tańbalaý Eýrazııalyq eko­no­mı­kalyq odaq aýmaǵynda júzege asy­rylatyn joba bolyp sanalady. Qazaqstanda temeki ónimderin min­detti tańbalaý 2020 jyldyń 1 qaza­nynan bastap engizildi. Qazirgi ýaqytta dári-dármekterdi, alkogoldi, sút ónimderin jáne jeńil ónerkásip taýar­laryn sıfrly tańbalaý bo­ıynsha qanatqaqty jobalar júzege asyrylýda.

 

Sońǵy jańalyqtar

Atyraý oblysynda 77 brakoner anyqtaldy

Aımaqtar • 23 Qyrkúıek, 2022

Novak Djokovıch Qazaqstanǵa keledi

Tennıs • 23 Qyrkúıek, 2022

Atyraýda qonaqúıden órt shyqty

Oqıǵa • 23 Qyrkúıek, 2022

Bolgarııada tótenshe jaǵdaı jarııalandy

Oqıǵa • 23 Qyrkúıek, 2022

Uqsas jańalyqtar