Ekpe alýǵa yntalandyrý qajet

Mysaly, osyndaı yntalandyrý sharasy «Qazaqstan alıýmı­nıı» AQ-da qolǵa alyndy. О́ndiristik kom­­panııada ekpe qabyldaǵan ju­mys­shy-qyzmetkerleriniń eńbek de­ma­lystaryna bir kún qosylǵan. Al Baıanaýyldaǵy «Kristall» demalys aımaǵy ekpe alǵan metallýrgter ujy­my úshin jaz boıy ashyq.
Jalpy, óńirde vaksına alý barysy, ujymdyq ımmýnıtetke jetý kórsetkishi áli tómen deńgeıde. Son­dyqtan, oblys ákimdigi, densaý­lyq saqtaý basqarmasy basqa da ujym­dardyń «Qazaqstan alıýmınıı» AQ ká­siporny sekildi ekpe alý úshin yn­talandyrý júıesiniń qajettigine nazar aýdarýǵa shaqyrady.
Densaýlyq saqtaý basqarmasy bas­shysynyń orynbasary Sáý­le Arystanovanyń aıtýynsha, in­det­ke qarsy ujymdyq ımmýnı­te­t­ti qa­lyptastyrý úshin óńir tur­ǵyn­darynyń kem degende 60 pa­ıyzyna, ıaǵnı 450 myńnan as­tam adamǵa vak­­sına egý qajet. Bú­ginde vak­sınalardyń birinshi kompo­nen­timen óńir turǵyndarynyń 22,5 paıyzy, al ekinshi komponentimen 14,6 paıyzy egilgen. Tipti, óndi­ris­tik eńbek ujymdarynda, keı­bir kásiporyndarda áli kúnge deıin ekpe alý baıaý ótýde. Mysaly, Eki­­­bastuzdaǵy «Bogatyr kómir» JShS-da bar-joǵy 10 paıyzy, al «Ertis ormany» rezervatyndaǵy 400 or­manshynyń birnesheýi ǵana ekpe alǵan.
О́ńirdiń bas sanıtar dárigeri Ba­tyrbek Álıev indettiń taralýy boıynsha Pavlodar oblysynyń qazir «jasyl aımaqta» ekenin, indet juqtyrýdyń aptalyq kórsetkishi 7,6 paıyzǵa tómendegenin jetkiz­di. Epıdemııalyq jaǵdaı, vaksı­nalaýdy júrgizý barysy jáne ka­rantındik shekteý sharalary týraly kezekti №14 qaýlynyń jaı-japsary da túsindirildi. Jańa qaý­lyǵa sáıkes, otbasylyq mereıtoı­lar, korporatıvtik, ujymdyq saltanatty is-sharalardy ótkizýge, son­daı-aq karaoke, qorqor tartý, býkmekerlik, oıyn-saýyq jáne túngi klýbtardyń jumysyna tyıym salynady.
– О́tken táýlikte indetti 43 adam juq­­­tyrǵan, olardyń 8-inde aýrý be­l­gisi joq, – deıdi B.Álıev. – О́t­ken apta ishinde 289 adam indet­ke shal­­dyqsa, onyń aldyndaǵy maý­sym­­nyń basynda 313 adam juq­tyr­ǵan. Qazir ınfeksııalyq stasıo­nar­­­lardaǵy naýqastardyń sany 12,2 paıyzǵa tómendegen. Oblys bo­­­­­ıyn­sha arýhanalarda indetten 7 naý­­­­­qas emdelýde. Vaksınanyń 1-ko­m­-
­­­­po­nentin turǵyndardyń 13,6 pa­­ıy­zy, 2-komponentin 8,9 paıy­zy qa­­byl­­daǵan. Al oblystyq den­saýlyq saq­­­taý basqarmasynyń máli­me­tinshe, óńir­­­de jyl basynan beri 120 naýqas kóz jumsa, indet juq­ty­ryp qaıtys bol­­­ǵandar arasynda jas adamdar da bar.
– О́ıtkeni bul naýqastar úıde emdelgen, dárigerge qaralmaǵan, birneshe kún ótken soń baryp je­del járdem shaqyrǵan. Kóz jum­ǵandardyń arasynda 1969, 1977 jyly týǵan naýqastar boldy. Aýrýhanaǵa túsken keıbir jastarda orta jastaǵy adamdarmen salystyrǵanda indet juqtyryp alǵannan basqa aýrýlary da bolmaǵan. Bul indettiń ta­ra­lýynyń aýyr túrde ótip jat­qanyn bildiredi. Eń tıimdisi – ekpe alý, – deıdi basqarma basshysy Aıdar Seıitqazınov.
Sondaı-aq ekpe alyp aýyrǵan naýqastar da bolǵany anyqtalypty. Qazir oblys ortalyǵyndaǵy emdeý oryndarynda stasıonarlyq 478 naýqas emdelýde. Aýrýhanalar­dyń 27,9 paıyzy, jansaqtaý bólimderi­niń 8,9 paıyzy bos emes. О́kpe­ni jasandy jeldetý qurylǵysyna ­4 naýqas qosylǵan. Sońǵy málimetter bo­ıynsha, óńirde 35 bala emdelýde, olar­dyń 22-si aýrýhanada, 7 júkti áıel indettiń jeńil túrimen aýyryp túsken. Barlyq aýrýhanada qajet­ti medısınalyq qural-jabdyq­tar daıyn. Emhanalar janynda 160 mo­bıldi brıgada jasaqtalǵan. So­­­­nymen birge, aýrýhana, emhanalar 45 kúndik dárilik preparattar qo­rymen qamtamasyz etilgen. PTR-test ótkizetin 6 zerthana jumys is­teýde, olar kúnine óńirde 1500-deı zertteý sharalaryn jasaıdy.
Sanıtarlyq-epıdemııalyq ba­qylaý departamentiniń máli­me­tinshe, oblysqa PTR teris nátıjesi bar anyqtamalardy usynbaǵan Re­seı, Tájikstan, Qyrǵyzstan azamattary shekaradan jiberilmedi. Sońǵy táýlikte shekaradan 818 adam ótken, onyń ishinde 538 jaıaý jáne 280 júk kóligi júrgizýshisi, elimizdiń 9 azamaty karantındik stasıonarǵa ornalas­tyryldy.

Pavlodar oblysy