Aımaqtar • 01 Shilde, 2021

Balqash kóline qaýip tónip tur ma?

124 ret kórsetildi

Kóldiń turaqty deńgeıde saqtalýyna (Baltyq júıesiniń 341 M belgisinen tómen emes) jyl saıyn oǵan 12 mlrd m3 sý aǵynynyń quıylýymen kepildik beriledi. Bul rette aǵynnyń 70%-y transshekaralyq Ile ózeni arqyly keledi, dep habarlaıdy Egemen.kz.

Gıdrologııalyq derekterdi taldaý kórsetkendeı, Ile ózeniniń aǵysy 2001 jyldan 2020 jylǵa deıin 13,8 mlrd m3 qurady. Kólge jyl saıyn shamamen 20 mlrd m3 sý aǵyny quıylady, Ileden keıingi eń iri ózender - Qaratal, Aqsý, Lepsi, Aıagóz ózenderi.

Memleket basshysy Q.K. Toqaevtyń tapsyrmasyna sáıkes Almaty oblysynyń ákimdigi jáne basqa da ýákiletti memlekettik organdarmen birlesip Balqash kólin saqtaý boıynsha arnaıy jospar ázirlendi. Josparda ónerkásiptik kásiporyndardyń zııandy tógindilerin qysqartý, Ile ózeni aǵyndaryndaǵy tazartý jáne túbin tereńdetý jumystary, ırrıgasııalyq jáne drenajdyq júıelerdi qaıta qurý jáne sýdy únemdeý úshin Ile ózeni basseıninde gıdromelıoratıvtik júıelerdi qaıta jańartý jáne sýarýdyń zamanaýı tehnologııalaryn engizý, Ile ózeni aǵynynyń aýytqýyn azaıtý úshin Qapshaǵaı sý elektr stansııasynyń Kerbulaq kontrrettegishin salý jónindegi is-sharalar kózdelgen.

Bul is-sharalar ázirlenip jatqan sý resýrstaryn basqarý jónindegi ulttyq joba sheńberinde iske asyrylatyn bolady.

Sondaı-aq Balqash kóliniń ekologııalyq jaı-kúıin jaqsartý maqsatynda jáne Ile ózen atyraýlaryndaǵy balyq qorlarynyń ónimdiligin qalpyna keltirý jáne odan ári molaıtý úshin 2006 jyldan bastap jyl saıyn Almaty oblysynyń ákimdigi kól atyraýyndaǵy arnalardy keńeıtýdi jáne tereńdetýdi júrgizýde.

2020 jyly Balqashqa quıatyn arnalardy mehanıkalyq tazalaý jáne tereńdetý boıynsha 5 joba iske asyryldy. Bıyl Ile ózeni sýynyń kólge quıýyn arttyrý úshin 4 nysan boıynsha jumystar júrgizilýde. 2022 jyly 4 jobany iske asyrý josparlanýda.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar