Saıasat • 02 Shilde, 2021

Ortalyq Azııa aımaǵyndaǵy jetekshi qarjy ortalyǵy

35 ret kórsetildi

Prezıdent Qasym-Jomart Toqaev «Astana» halyqaralyq qarjy ortalyǵyn basqarý jónindegi keńestiń keńeıtilgen otyrysyn ótkizdi, dep habarlady Memleket basshysynyń baspasóz qyzmeti.

Jıyn barysynda «Astana» halyqaralyq qarjy ortalyǵynyń 2020 jyly atqarǵan jumystary qorytyndylandy, sondaı-aq ony ári qaraı damytý jónindegi usynystar qarastyryldy.

Is-sharaǵa qatysýshylardyń baıandamasyn tyńdaǵan Qasym-Jomart Toqaev qarjy orta­lyǵyn odan ári damytýdyń bir­qa­tar ózekti mindetterin belgilep berdi.

Atap aıtqanda, Prezıdent AHQO bırjasyndaǵy kompanııa­lardy tıimdi jekeshelendirýdiń mańyzdy ekenin atap ótti. So­ny­men qatar buǵan deıin qabyl­danǵan Jekeshelendirýdiń 2021-2025 jyldarǵa arnalǵan keshendi josparyna nazar aýdardy. Onda 600-ge jýyq memlekettik ak­tıv­ti básekelestik ortaǵa salý­dyń merzimi men joldary aıqyn­dal­ǵan.  

– Qarjy ortalyǵyn damytý barysynda birqatar iri kom­pa­nııany, atap aıtqanda «Qaz­mu­naı­gazdy», múmkin «Qaztrans­gaz­dy» da IPO-ǵa shyǵarýdyń mańyzy zor. «Samuryq-Qazyna» qo­ryna qarasty iri kompanııalar IPO-ǵa shyǵarýda basymdyqqa ıe ekeni sózsiz. Otandyq qor alań­­da­rynyń áleýetin barynsha paı­­dalana otyryp, «Halyqtyq IPO» ótkizýdi qoldaımyn, – dedi Mem­leket basshysy.

Qasym-Jomart Toqaev AHQO bırjasyna memlekettik baǵaly qaǵazdardy shyǵarý týraly usy­nysty qoldady.

 – Jumys istep jatqan ınves­tordy qazaq­standyq bir alańnan ekinshi alań­ǵa jaı aýys­tyra salý bolmaýǵa tıis. Kerisinshe, «qosymsha qun» qalyp­tasýy kerek. Ortalyqtyń mindeti – memlekettik qaǵazdardy ornalastyrý úshin barynsha tıimdi jaǵ­daı jasalýyn qamtamasyz etý, – dedi Prezıdent. 

Sonymen qatar Qasym-Jomart Toqaev AHQO-nyń lısen­zııa­syna ıe kompanııalardyń eli­mizdegi búkil qarjy naryǵyna qoljetimdiligin qamtamasyz etý jónindegi usynysty qoldady. Onyń pikirinshe, qarjy júıesiniń turaqtylyǵyna tónetin qa­ýip-qaterlerdi taldap, baǵa berý kerek.

– Básekeles retteýshi rejim­der problemasynyń jáne biryńǵaı retteýshiniń, ıaǵnı ja­ýapty memlekettik organnyń bolmaýy máselesiniń aldyn alǵan jón. Qarjylyq, fıskaldyq jáne valıýtalyq zańnamada shıkilik bol­maýǵa tıis. Áıtpese, sol arqy­ly baqylaýǵa alynbaǵan kapı­taldyń elimizden jylystatylýy múmkin, – dedi Prezıdent.

Otyrysty qorytyndylaı kele, Prezıdent «Astana» halyq­aralyq qarjy ortalyǵynyń 2020 jyly atqarǵan jumystarynyń esebin bekitip, Úkimetke, Ulttyq bankke jáne basqa da múddeli organdarǵa úsh aı merzim ishinde aıtylǵan bastamalar boıynsha kelisilgen usynystar engizýdi tapsyrdy. 

AHQO-nyń daǵdarystan keıingi qaıta qalpyna keltirý kezeńindegi mańyzdy róline toqtalǵan Qasym-Jomart Toqaev atalǵan alańnyń barlyq áleýetin paıdalaný qajettigin atap ótti. Bul Ortalyq, Ulttyq bank, Qarjy naryǵyn retteý jáne damytý agenttigi arasyndaǵy júıeli ári úılesimdi is-qımyldardy jolǵa qoıýdy qajet etedi. 

– Tek birlesken kúsh-jiger ǵana alǵa qoıǵan maqsattar men mindetterge qol jetkizýge múm­kin­dik beredi. Bul Qazaqstannyń odan ári damýy úshin asa mańyzdy, – dedi Qasym-Jomart Toqaev.

Prezıdenttiń pikirinshe, AHQO Ortalyq Azııa aıma­ǵyn­daǵy jetekshi qarjy ortalyǵyna aınalǵan.

– Bizdiń ortaq mindetimiz – Ortalyqtyń áleýetin tolyq paıdalanyp, onyń aımaqtyq jáne jahandyq deńgeıdegi aýqymyn keńeıte túsý, – dedi Memleket bas­shysy.

Jıyn barysynda Stra­te­gııalyq josparlaý jáne reformalar agenttiginiń tóraǵasy, AHQO basqarýshysy Qaırat Kelim­betov, Qazaqstan Prezıdentiniń ekonomıkalyq damý jónindegi shtattan tys keńesshisi, Refor­­malar jónindegi keńes tóraǵa­synyń orynbasary Ser Sýma Chakrabartı, Islam damý banki tobynyń prezıdenti Bandar Had­jar, Citigroup bankiniń úkimet­ter men memlekettik sektory jahandyq bloginiń basshysy Djýlı Monako, G30 toby Qam­qor­shylar keńesiniń tóraǵasy Djeı­kob Frenkel jáne AHQO-nyń birqatar ınstıtýtynyń jetek­shileri baıandama jasady.

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar