Juqtyrǵan jurttyń qatary qalyń

«Sońǵy aptada «Delta» shta­mynyń taralýy ótken aptaǵa qaraǵanda respýb­lı­kanyń bar­lyq óńirinde ósken. Syrqattaný kórsetkishiniń ósimi 1,9 ese boldy. О́ńir­ler­degi tósektik oryn qo­ryn monı­to­rıngileý derekterine sáıkes 8 shildedegi jaǵdaı boıynsha jatyn oryndardyń respýblıka boıyn­sha júktelimi – 37 paıyz, rea­nı­masııalyq tósekterdiń júk­telimi – 32 paıyz», dedi vıse-mınıstr.

Sonymen qatar ol Hayat Vax jáne CoronaVac vaksı­na­larynyń tapshylyǵy týraly pikir bildirdi.

«Hayat Vax jáne Coro­naVac vaksınalaryn biz Qazaq­stanǵa shekteýli kólemmen jet­kiz­genbiz. Eń basynan bastap partııalardyń bárin dál orta­synan bólip jartysyn birin­shi komponentine, jartysyn ekinshi komponentine saqtap otyrmyz. Qazirgi kezde Hayat-Vax-tyń birinshi komponentiniń qaldyǵy 13 myńdaı. Qazaqstan boıynsha 486 myńnan astam adam ekpesin aldy. Sol sebepten ekinshi komponenttiń vaksınalary medısınalyq mekemelerdiń, uıymdardyń qoımalarynda saq­­taýly tur. Hayat Vax jáne CoronaVac-tyń birinshi komponentin alǵan azamattar ekinshi ekpesin sol mekemelerden ala alady. Biraz qalalarda rasynda da 486 myń adam alǵandyqtan vaksına biteıin dep qaldy», dedi vıse-mınıstr.

Sondaı-aq M.Shoranov atal­­ǵan vaksınalardyń qosym­sha par­tııasyn ákelý úshin kelis­sózder júrip jatqanyn atap ótti.

«Jalpy, biz bul vaksına­lardy bir mezgil kelisim­shartpen alyp kelgenbiz. Qazir kelissóz prosesi júrip jatyr. Sheshimi zaýyttyń óndi­ristik kólemine jáne kelisim­sharttaryna baılanysty. Biz naqty merzimin belgileýge tyrysamyz», dedi mınıstrdiń birinshi orynbasary.

Densaýlyq saqtaý mınıstr­liginiń taratqan málimetine súıe­nsek, 8 shildedegi aqparat boıynsha elimizde I komponentpen 4 020 128 adam vaksına saldyrdy, II komponentpen – 2 283 761 adam.

Shilde aıynyń basynan beri elimizde 1 682 bala koronavırýs juqtyrǵan. Ortalyq kommýnıkasııalar qyzmetinde BAQ ókilderiniń saýalyna jaýap bere otyryp, Sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova osyndaı statıstıka keltirdi.

«Balalar týraly aıtsaq, qańtar aıynan beri 28 267 bala koronavırýspen aýyrǵan. Onyń ishinde 54 jańa týǵan náreste bar. Shildeniń 7 kúninde 1 682 balanyń vırýs juqtyrǵany tir­keldi. Iаǵnı shildeniń ǵana málimeti boıynsha balalar ara­synda syrqattanýdyń úlesi art­qanyn aıtýǵa bolady. Búgin­de balalar COVID-19-ben jyl basyndaǵydan jıirek, byl­tyr­ǵydan áldeqaıda jıirek aýyryp jatyr. Biraq balalardyń 84 paıyzy aýrýdy jeńil, sımptomsyz formada ótkerip jatqanyn aıtý kerek. Al 16 paıyzy orta aýyr dárejede ótkerýde», dedi komıtet basshysy.

A.Esmaǵambetova balalar arasynda vırýs juqtyrýdyń jıileýi eresekterdiń baıaý vaksına alyp jatqanymen tikeleı baılanysty ekenin aıtty.

«Shynymen de eresekter bala­larǵa qajet ujymdyq ımmýnıtet qalyptastyra almady dep aıtýǵa bolady. О́ıtkeni ujymdyq ımmýnıtetke qajet 60 paıyzdyq úles Qazaqstan halqynyń eresekteriniń sanymen shamalas. 18-ge tolmaǵan, vaksına almaıtyn balalardyń sany shamamen – 6 mln. Iаǵnı, 60 paıyzdyq ujymdyq ımmýnıtet qalyptastyryp, balalarymyzdy qorǵaý úshin barlyq eresekter ekpe alýy kerek. О́ıtkeni balalar men júkti adamdarǵa ekpe alýǵa bolmaıdy. Osy sanat biz úshin táýekel toby bolyp otyr. Iаǵnı eresekter vaksına alý arqyly ekpe alýǵa bolmaıtyn adamdardy aýrýdan qorǵaýy kerek», dedi Sanıtarlyq-epıdemıologııalyq baqylaý komıtetiniń basshysy.