Álem • 12 Shilde, 2021

Jahandyq salyq jolǵa qoıyldy

12 ret kórsetildi

G20 elderi jahandyq belsendi kompanııalar úshin eń tómengi salyqty – 15 paıyz mólsherinde engizýge kelisti.

«Úlken jıyrmalyq» elderiniń qarjy mı­nıstr­­leri tarıhı salyq reformasyna Venesııadaǵy kezdesýde kelisti. Bul sheshim Amazon, Facebook sekildi iri kompanııalardyń qyzmetine tikeleı áser etpek. Kelisim bir aı buryn Kornýolldaǵy G7 elderiniń basshylary qol qoıǵan jospardy odan ári pysyqtaı tústi. Eń iri ári qarqyndy damyp kele jatqan ekonomıkaǵa ıe 19 el men Eýropalyq Odaq atynan G20 qarjy mınıstrleri Venesııadaǵy eki kúndik kezdesýden keıin «jahandyq salyq» usynysyn qoldaıtynyn jarııalady.

El úkimetteri kóp elde birdeı jumys isteıtin jahandyq kompanııalarǵa salyq salý máselesimen uzaq ýaqyt kúresip keledi. Munyń mańyzy Amazon jáne Facebook sııaqty iri tehnologııalyq korpo­rasııalardyń kóbeıýine oraı arta tústi. Qazirgi ýaqytta bul kompanııalar korporatıvtik salyq tómen elderde jergilikti fılıaldaryn ashyp, sol jerdiń zańyna sáıkes tómen salyq tólep keledi. Osylaısha olar tabystary basqa elderden túsip jatsa da, salyqty ózderi tirkelgen eldiń tómen mólsherlemesimen óteıdi. Bul esh zańǵa qaıshy kelmeıdi.

Jańa kelisim iri kompanııalardy endi salyqty kirisin jarııalaıtyn elde ǵana emes, óz taýarla­ryn nemese qyzmetterin usynatyn ózge elderde de kóbirek salyq tóleýge yntalandyrýdy kóz­deıdi. Sondaı-aq barshaǵa birdeı tómengi salyq mól­sherlemesi ózge elderdiń salyqty tómendetip, bir-birine báseke týǵyzbaýyna kómektesedi. Dese de, bul kelisimdi elderdiń barlyǵy birdeı qoldap otyrǵan joq. Máselen, Irlandııa oǵan áli qosylmaǵan.

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Uqsas jańalyqtar