Álem • 15 Shilde, 2021

Qytaılyq ınjenerler qaza tapty

69 ret kórsetildi

Pákistannyń soltústiginde qytaılyq ınjenerler mingen avtobýs órtenip, apatqa ushyrady. Jergilikti polısııanyń habarlaýyn­sha, qaıǵyly oqıǵa kezinde kem degende 10 adam qaıtys boldy.

Haıber-Pahtýnhýa provınsııasynyń Joǵarǵy Kohıstan aımaǵynyń polısııa komıs­sarynyń orynbasary Arıf Han CNN-ge bergen suhbatynda qaıtys bolǵan 10 adamnyń altaýy – Qytaı azamaty ekenin habarlady. Onyń aıtýynsha, avtobýsta barlyǵy 31 sheteldik jumysshy bolǵan.

Polısııa qyzmetkeri jarylystyń sebebi áli de anyqtalmaǵanyn aıtty. Kóliktiń qozǵalt­qyshy isten shyqqany nemese qoldan jasalǵan jarylǵysh zattyń órtegeni beımálim.

Jaralylar men qaıtys bolǵandardy aýrý­hanaǵa jetkizý úshin tikushaqtar shaqyrtylǵan. Sheteldik ınjenerler Ind ózeninde salynyp jatqan sý elektr stansasynyń úlken gra­vıtasııalyq bógeti – Dasý bógetiniń qu­ry­lysyna kómektesýge arnaıy shaqyrtylǵan eken. Bul nysan basshylyǵy ázirge eshqandaı málim­deme jasamady.

 

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar