Koronavırýs • 19 Shilde, 2021

Táýligine 80-100 myń adam vaksına saldyrady

68 ret kórsetildi

Ortalyq kommýnıkasııalar qyzmetinde «COVID-19-ǵa qarsy vaksınalaý: ózekti suraqtarǵa jaýaptar» taqyrybynda saraptamalyq baspasóz máslıhaty ótip, onda medısınalyq qoǵamdastyqtyń belgili ókilderi vaksınalaý qajettiligi týraly aıtty.

Búgingi tańda elimizde koronavırýs ınfeksııasyna qarsy vaksınany 7,6 mln adam aldy. Onyń ishinde birinshi komponentpen 4 872 183 adam vaksına saldyrdy, bul tıisti ha­lyqtyń 46%-dan astamyn quraıdy. Ekinshi kom­­ponentpen 2 772 914 adam qam­tyl­ǵan. Egý pýnkt­terinde vaksına kólemi jetkilikti: bi­rin­shi kom­po­nenttiń shamamen 753 myńy jáne ekinshi komponenttiń 1 mln 280 myńy bar. Táýlik saıyn res­pýb­lıka boıynsha orta esep­pen 80-100 myń adam vaksına saldyra­dy.

Infeksııalyq aýrýlardy epı­­demııa­lyq qadaǵalaý bó­­liminiń basshysy Roza Qoja­po­va vaksınalaý – vırýstyń taralýyn azaıtýdyń jáne burynǵy ómir saltyna, jumysqa, qarym-qatynasqa, otbasylyq dástúrge jáne saıahatqa oralýdyń jalǵyz tásili ekenin aıtty. Qazir alań­daýshylyq týdyrýy múmkin ja­ńa shtamdardyń paıda bolýyn toqtatýdyń eń tıimdi sharasy da – vaksınalaý. Maquldanǵan COVID-19-ǵa qarsy vaksınalar vırýstyń jańa nusqalarynan birshama qorǵaýdy qamtamasyz etedi, óıtkeni bul vaksınalar birqatar antıdeneler men jasý­shalardyń qatysýymen keń ımmýndyq reaksııany týdyrady. Sondyqtan vırýstyń ózgerýi nemese mýtasııasy vaksınalardy tolyǵymen tıimsiz etpeýi kerek.

Densaýlyq saqtaý magıs­tri, Sanıtarııa­lyq-epıdemıo­logııalyq saraptama jáne monıtorıng ǵylymı-praktıkalyq or­taly­ǵynyń ókili Manar Sma­ǵul vırýs mýtasııa­synyń sebepterin jáne odan mindetti túrde qorǵaýdy túsindirdi.

«Vırýstar barlyq tirshilik ıeleri sııaqty ómir boıy mý­tasııa­ǵa ushyraıdy. Vırýs­tyń mý­tasııasy birneshe apta nemese aılar ishinde sezimtal adamdarǵa baılanys­ty tez júredi. Keıbir mýtasııalar vırýsty turaqsyz jáne osal etedi, al keıbir mýtasııa­lar vırýstyń juqpaly bolýyn, ólimdi arttyrady, aýrý­dyń aýyr aǵymyn týdyrady. Qol­danystaǵy vaksınalardyń, emdeýdiń jáne basqa da aldyn alý sharalarynyń tıimdiligin tómendetetin mýtasııanyń aldyn alý úshin qoldan kelgenniń bárin jasaýymyz kerek», dedi sarap­shy.

Qazaqstanda búgingi tańda negizinen COVID-19-ǵa qarsy eki vaksına – Spýtnık V men QazVac paıdalanylady, birqatar óńirde az mólsherde Hayat Vax jáne CoronaVac bar.

 

Sońǵy jańalyqtar

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Qazaqstannyń eksport kólemi artty

Ekonomıka • Búgin, 09:52

Pleı-offtan tys qaldy

Fýtbol • Búgin, 08:43

Úshinshi orynǵa kóterildi

Sport • Búgin, 08:40

Úzdik tórttiktiń qatarynda

Tennıs • Búgin, 08:39

Kásipkerlerge push-habarlama jiberedi

Tehnologııa • Búgin, 08:37

Uqsas jańalyqtar