Saılaý • 20 Shilde, 2021

Bir orynǵa – 4 kandıdat

417 ret kórsetildi

Qaraǵandy oblysynda aýyl ákim­derin tikeleı saılaýdy uıymdastyrý jumystary qyzý júrgizilýde. О́ńirde saılaýǵa túsýge 303 úmitker kandıdat retinde resmı tirkelgen. Onyń 87-si saıası partııalar atynan tússe, 216 úmitker ózin ózi usynǵan. Básekelestik jaǵynan alǵanda qazirgi jaǵdaı mynadaı: aýyl ákiminiń oryntaǵyna degen tartys, ortasha alǵanda, 4,1 úmitkerdiń arasynda órbimek.

Jalpy, Qaraǵandy oblysynda saılaý oblystaǵy 75 aýyldyq okrýg, aýyl jáne kent boıynsha ótedi. Bul jaýapty naýqanǵa oblystaǵy 18 aımaqtyń 14-i atsalyspaqshy.

Aıta ketetin bir jaıt, saılaýǵa túsýge nıet bildirgen úmitkerler ishinde 25 kandıdat memle­kettik qyzmettiń biliktilik talaptaryna saı bolmaǵandyqtan, saıası is-sharaǵa qatysa almaıtyn boldy. Al toǵyz úmitker ózderi ótinish berip, saılaý dodasynan bas tartty.

Búginde 268 kandıdattyń qujattary arnaıy tekserýge jiberilgen. Qazirgi ýaqytta olar­dyń 152-siniń qujattary tekserýden ótti. Memle­ket­tik kirister organdaryna 268 úmitkerdiń qujaty jibe­ril­gen. Osy oraıda 55 kandıdattyń dekla­rasııa­lyq derekteriniń rastyǵy týraly jaýap alynǵan.

Qazirgi tańda resmı túrde tirkelgen 268 úmitker kýálik alyp, olardyń aty-jóni saılaý bıýl­letenderine engizildi. Úmitkerlerdiń 226-sy (84%) er adamdar bolsa, el basqarsam degen áıelder qaýymynyń úlesi 16%-dy quraǵan, ıaǵnı názik jandylar sany – 42. Aıta ketý kerek, saılaýǵa túsip jatqan úmitkerlerdiń bári de joǵary bilimdi.

Taǵy bir aıta ketetin qyzǵylyqty jaıt, aýyl ákimderiniń saılaýyna túsip jatqan úmit­kerlerdiń quramynda jeti etnostyń ókilderi bar. Kandı­dattardyń ortasha jas shamasy 40,3 jasty quraıdy.

Saıası partııalar arasyndaǵy tartys ta qyzý bolǵaly tur. Máselen, bir saılaý ýchaskesinde Nur Otan, «Aq jol» jáne Qazaqstan halyq partııasy partııalarynyń ókilderi ákim oryntaǵy úshin ózara básekege túspekshi.

Qaraǵandy oblystyq saılaý komıssııa­synyń tóraǵasy Erqara Aımaǵam­betovtiń aıtýynsha, búginde aýmaqtyq saılaý komıssııasy saılaý týraly zańnyń saqtalýyn qadaǵalaý, daýys berý kúninde saılaýshylarǵa qyzmet kórsetý, olardyń tizimin anyqtaý jáne eń bastysy – óńirdegi sanıtarlyq-epıdemııalyq jaǵdaıdy eskere otyryp, saılaý úderisine qatysýshylardyń densaýlyǵyn qorǵaýdy qamtamasyz etý boıynsha sharalardy qabyldaý jóninde ýchaskelik komıssııalardy oqytý jumystaryn úzdiksiz júrgizip keledi eken.

Qaraǵandy oblysynda aýyl ákimderiniń alǵashqy tikeleı saılaýy 25 shildede ótedi. Bul mańyzdy is-shara óńirdiń 149 eldi mekenin qamtıdy. Iаǵnı saılaýshylar aldynda 75 aýyldyń ákimin tańdaý mindeti tur.

Oblystyq saılaý komıssııasynyń tór­aǵa­sy habardar etkendeı, óńirde bolashaq aýyl ákimin tańdaý naýqanyna 81 myńnan astam saılaýshy daýys bere alady eken. Saı­laýdy ótkizýge 164 saılaý komıssııasy – 15 aýmaqtyq jáne 149 ýchaskelik komıssııa jumyldyrylmaqshy.

 

Qaraǵandy oblysy

 

Sońǵy jańalyqtar

Qamystan óndirilgen qumsheker

Aımaqtar • Keshe

Erlikke toly eńbek

Qazaqstan • Keshe

Shıraz bulbuly

Ádebıet • Keshe

Ata jurtta

Ádebıet • Keshe

Oqý men oqymaý hám talǵam

Ádebıet • Keshe

Abaı oblysynyń aty ozdy

Aımaqtar • Keshe

Uqsas jańalyqtar