Aımaqtar • 23 Shilde, 2021

Jeke azamattardyń jaýapsyzdyǵy búkil qoǵamǵa qaýip tóndiredi – M.Áıtenov

75 ret kórsetildi

Búgin Shymkent qalasynyń ákimi Murat Áıtenovtiń tóraǵalyǵymen epıdemıologııalyq ahýal jónindegi jedel shtabtyń kezekti otyrysy ótti, dep jazady Egemen.kz ákimdiktiń baspasóz qyzmetine silteme jasap.

Onlaın formatta ótken jıynda qalanyń epıdemıologııalyq jaǵdaıy talqylanyp, indettiń taralýyna tosqaýyl bolatyn máseleler aıqyndaldy.

Sońǵy derek boıynsha qalada jyl basynan beri koronavırýs ınfeksııasyn juqtyrǵandar sany 14015 adamǵa jetken. Onyń ishinde 9075 adam emdelip shyqqan. Sońǵy táýlikte derttiń 488 jaǵdaıy tirkelgen. Aýrý juqtyrǵandarmen baılanysta bolǵan 8576 adam anyqtalyp, dáriger qadaǵalaýyna alynǵan. 3277 adam úı baqylaýynda bolyp, 1853 adam stasıonarǵa jatqyzylǵan.

Jedel járdem qyzmeti boıynsha eń kóp shaqyrtýlar 20 shilde kúni tirkeldi. Ol kúni turǵyndardan 2416 shaqyrtý kelip túsken. Onyń ishinde aýrýdyń pnevmonııa dıagnozymen 223 shaqyrtý bolsa, jedel respıratorlyq vırýstyq ınfeksııa dıagnozymen 437 shaqyrtý túsken. 

Qalada vaksınanyń birinshi komponenti 349 902 adamǵa egilse, ekinshi komponentin 229 273 adam alǵan. Qaladaǵy medısınalyq uıymdar qajetti dári-dármek qorymen tolyqtaı qamtylǵan.

1

Epıdemıologııalyq ahýaldyń damý úrdisin taldaýdan ótkizgen qala basshysy M.Áıtenov, indet taralýyna sebepshi bolatyn barlyq jaǵdaıattardyń aldyn alý jumystaryn kúsheıtýdi tapsyrdy. Onyń ishinde ınfeksııalyq naýqastar jatqyzylǵan emdeý mekemeleriniń shaıyndy sýyn zalalsyzdandyrýdy, medısınalyq qaldyqtardy joıýdy tıisti talaptarǵa sáıkes atqarýdy júktedi.

Jıyn barysynda aıtylǵan málimetterge súıensek, karantın talaptarynyń saqtalýyn baqylaıtyn mobıldi toptar sońǵy bir aptanyń ishinde 3930 nysanǵa monıtorıng júrgizip, 186 nysannyń rejımdi buzǵany anyqtalǵan. Qala ákimi talapqa baǵynbaı otyrǵan mundaı nysandar qoǵamdyq densaýlyqqa nuqsan keltirip otyrǵanyn aıtty.

Salalyq memlekettik organdar halyqqa aqparat jetkizýde qoǵamǵa oı salatyn saraptamalar berýi kerek ekenin atap ótti. Máselen, qazirgi derekter boıynsha, vaksına alǵan medısına qyzmetkerleriniń arasynda koronavırýs indetin juqtyrý deńgeıi vaksınaǵa deıingi kórsetkishpen salystyrǵanda edáýir azaıǵan. Vaksına alǵan turǵyndar arasynda indetten qaıtys bolý deregi tirkelmegen. Aýyrǵannyń ózinde ekpe alǵandarda bul aýrý jeńil ótip, adam ómirine qaýip tóndirmeıtini aıtyldy.

«Ashyq» jobasyna qatysatyn bıznes sýbektilerge kelýshiler arasynda 208 adamnyń – «sary», 82 adamnyń «qyzyl» statýsy bar ekeni anyqtalǵan. Iаǵnı, bul azamattar aınaladaǵy adamdarǵa vırýs juqtyrýy múmkin ekenin sanaly túrde bilgen. Soǵan qaramastan, qoǵamdyq oryndarǵa barýyn doǵarmaı, jaýapsyzdyq tanytqan. M.Áıtenovtiń aıtýynsha, jeke azamattardyń jaýapsyzdyǵy – búkil qoǵamǵa tóndiretin qaýip. Sol úshin halyq densaýlyǵyn qorǵaýda júıeli aqparattyq jumystar júrgizý kerek.

2

«Sonymen birge, monıtorıngtik toptardyń qyzmetinde qatelikterge jol joq.  Anyqtalǵan árbir naýqas dárigerlerdiń qadaǵalaýynda bolyp, onymen baılanysta bolǵandarmen júıeli jumystar júrgizilýi kerek. Qajettilik bolǵan jaǵdaıda aýdandardaǵy monıtorıngtik toptar sanyn arttyrý boıynsha jumys júrgizýdi tapsyramyn», dedi ákim. 

Sońǵy jańalyqtar

Aqtaýda er adam bıikten qulap mert boldy

Aımaqtar • Búgin, 10:53

Sport jańalyqtaryna sholý

Sport • Búgin, 09:11

Bárimiz bir aspannyń astyndamyz

О́ner • Búgin, 09:10

Sýretshiler úıi ashyldy

Aımaqtar • Búgin, 09:08

Bal bulaq bolyp aqty

Aımaqtar • Búgin, 09:07

Ońaılyqpen em qonbaıdy

Medısına • Búgin, 09:05

Uqsas jańalyqtar