Ekonomıka • 01 Tamyz, 2021

Altynmen para-par táýekel

65 ret kórsetildi

Otandyq taýarlar men qyzmetterdiń eksporttyq jelisin keńeıtý, eksportqa baǵdarlanǵan kásiporyndardy qoldaý – kez kelgen damýshy el úshin mańyzdy mindet. О́ıtkeni jaqyn bolashaqta qyzmettik sektor álemdik tabystyń jartysynan kóbin ıelenýi múmkin.

Sondyqtan qyzmet kórsetý salasyndaǵy otandyq kompanııa­lar álemdik naryqtarǵa shyǵýy kerek. Sonda ǵana naryqtaǵy bos keńistikke týyńdy tigip, báse­kelestikke umtylýǵa bolady. О́ki­nishke qaraı, bul baǵytta túren salyp júrgen qazaqs­tan­dyq kom­panııalar asa kóp te emes. Ázirshe aýyz toltyryp aıtarymyz AAEngineering Group kompanııasy ǵana.

Iá, ınjenerlik, jabdyqtaý jáne qurylys jumystaryn qatar atqaratyn otandyq EPC-merdiger – AAEngineering Group JShS shetel naryǵyna shyǵyp otyr. Alaıda bul ońaı sharýa bolǵan joq. Ol úshin tıisti deńgeıde qoldaý sharalary kórsetildi. Seriktestik Eýrazııalyq ekonomıkalyq odaq naryǵyndaǵy qurylys qyz­metteri salasyndaǵy bos keńis­tik­ten oryn alýǵa umtyldy. Nátı­je­siz emes. Iri óndiristik nysandardy bastan-aıaq jobalap, qu­ry­lysymen aınalysatyn otan­d­yq jetekshi ınjınırıngtik jáne qurylys kompanııasy Qyrǵyzstandaǵy «Djerýı» ken ornynda Talas altyn keni kombınatyn salýǵa tapsyrys qabyldady. Bul – Qazaqstan, Qyrǵyzstan jáne Reseı memle­ket­teriniń halyqaralyq jobasy.

Kompanııa halyqaralyq tap­­syrysty oryndaýǵa 2018 jyly kiristi. Bıyl tolyq aıaq­ta­maq. Jobany júzege asyrý sheń­be­rin­de qýattylyǵy jylyna 1,3 mln tonna ken óndiretin zamanaýı altyn óndirý fabrıkasy, ilespe ınfraqurylym, sondaı-aq qaldyq sharýashylyǵy salyndy. AAEngineering Group kompanııasynyń qarjy dırektory Ýálıhan Atageldıevtiń habarlaýynsha, joba taý-ken metallýrgııa nysandaryn jobalaý jáne salý salasyndaǵy álemdik úzdik tájirıbelerge tolyq sáıkes keledi. EPC-merdiger qurylys prosesinde jańa tehnologııalyq sheshimderdi, sondaı-aq ESG jáne Qyrǵyz Respýblıkasy zań­na­ma­synyń talaptaryna jaýap be­re­tin ekologııalyq qa­ýip­sizdik jáne qorshaǵan ortany qorǵaý qaǵıdattaryn engizýge erekshe nazar aýdarǵan.

– Joba tehnıkalyq turǵydan alǵanda kúrdeli. Sondyqtan jyldar boıy jınaqtalǵan tájirıbe men bilimdi ushtastyrýǵa týra keldi. Jalpy, ár jobanyń júzege asyrylý strategııasy ártúrli bolady. Táýekelderi de bir-biri­ne uqsamaıdy. Jobanyń teh­nı­kalyq quramdas bóliginen bólek, áleýmettik, ekologııalyq aspektiler men elder arasyndaǵy táýekelderdi elemeýge, eskermeýge bolmaıdy. Máselen, 2020 jyldyń qazan aıynda «Djerýı» jobasy 97 paıyzǵa aıaqtalyp, iske qosý-jóndeý jumystary bastalǵan kezde Qyrǵyzstan aýmaǵynda jobany tapsyrý merzimin májbúrli túrde buzýǵa qaýip tóndiretin fors-majorlyq jaǵdaılar týyn­dady. Alaıda ınvestor men mer­di­ger kompanııanyń birlesken kúsh-jigeriniń nátıjesinde fab­rıkany qalpyna keltirý ju­mystary qysqa merzimde aıaq­tal­dy. Sóıtip osy jyldyń 21 aqpanynda fabrıka alǵashqy altyn quımany óndirdi, – deıdi Ý.Atageldıev.

Taýdaǵy qıyndyqtarǵa, pan­demııa men prosess kezinde týyn­­daıtyn túrli jaǵdaılarǵa qara­mastan, AAEngineering Group FIDIC halyqaralyq stan­d­ar­­tyna sáıkes jobany tabysty aıaqtady. Bul kom­panııanyń 12-shi jobasy edi. Osy oraıda «Djerýı» jobasy Qazaqstan damý bankiniń tike­leı qoldaýymen júzege asy­ryl­ǵanyn bóle-jara atap ótýge tıispiz.

– Kommersııalyq bankter Qyrǵyzstandaǵy elaralyq ári saıası táýekeli joǵary jobany qarjylandyrýǵa qulyq tanytpady. Tek Qazaqstan damý banki qoldaý bildirdi. Álbette atalǵan qarjy ınstıtýtynyń negizgi maqsatynyń biri – Qa­zaq­stannyń shıkizattyq emes sek­toryn jáne eksporttyq áleýe­­tin damytý ekeni anyq. Biz olar­dyń qoldaýynsyz mun­daı iri jobany iske asyrýda je­tekshi ınjınırıngtik jáne qu­rylys kompanııalarymen básekelese almas edik, – deıdi Ý.Atageldıev.

Táýekeldiń joǵary ekenin bile tura, otandyq eksporttyq qyzmettiń bolashaǵyna úmit art­qan Qazaqstannyń damý banki AAEngineering Group kompanııa­sy­na 3 jylǵa 37,7 mln dollar kepildik berdi. Atap óterligi, mundaı iri joba qarjy ınstıtýty úshin qanatqaqty joba boldy. Qazaqstannyń damý banki alǵash ret eksporttyq qyzmetke qatysty bank kepildigi quralyn paıdalandy.

– Altyn óndirý salasyndaǵy otandyq kásiporyndardyń táji­rı­besi mol. Qazaqstan al­tyn­nyń barlanǵan qory boıynsha álemdegi 15 eldiń qataryna kiredi. Budan bólek jyldan-jylǵa jańa ken oryndaryn barlaý jáne el ishinde baǵaly metall óndirýdi ulǵaıtý jumystary qarqyn alýda. Sheteldik tapsyrys berýshiniń otandyq kom­panııany altyn shyǵarý fab­rıkasynyń qurylysyn júr­gi­ze­tin bas merdiger retinde tań­da­ýy – osynyń aıǵaǵy. Bank óz quzyreti aıasynda alǵash ret qyzmetter eksportyn júzege asyratyn otandyq kompanııaǵa banktik kepildik berdi. Qyzmetter eksporty pandemııanyń beleń alǵan kezeńinde, jetkizýdiń lo­gıs­tıkalyq tizbekteri buzy­lyp, tolyq oqshaýlaý rejimderi engi­zi­l­gen kezde júzege asyrylǵanyn atap ótý kerek. Qıyn sharttarǵa qaramastan, qazaqstandyq kompanııa mindettemeni oıdaǵydaı oryndady, – deıdi «Qazaqstan damý banki» AQ klıenttermen jumys júrgizý dıreksııasynyń aǵa bankıri Vladımır Lı.

Osylaısha, qazaqstandyq ın­jı­nı­rıngtik kompanııa «Dje­rýı» jobasyn sátti aıaq­tap, baǵa jetpes tájirıbe jınady. Kompanııa álemdik naryqtan áli de bos keńistikter izdeýdi jal­­­ǵastyrýda. Búginde serik­tes­­tik Qyrǵyzstan aýma­ǵyn­da «Jamǵyr» ken ornynda altyn óndirý fabrıkasyn salý jobasyn iske asyrýda. Reseı Fede­ra­sııa­sy men О́zbekstannyń iri jobalary da pysyqtalyp jatqan kórinedi.

 

Sońǵy jańalyqtar

Pavlodarda taǵy da qus tumaýy tirkeldi

Aımaqtar • Búgin, 16:00

Urlanǵan 28 kólik tabyldy

Oqıǵa • Búgin, 15:11

Qazgıdromet aldaǵy qysqa boljam jasady

Qazaqstan • Búgin, 14:11

Atyraýda 23 adamdy shaıan shaqqan

Aımaqtar • Búgin, 13:35

Túrkistan oblysynda brakonerler ustaldy

Aımaqtar • Búgin, 12:40

Aqtaýda er adam bıikten qulap mert boldy

Aımaqtar • Búgin, 10:53

Sport jańalyqtaryna sholý

Sport • Búgin, 09:11

Bárimiz bir aspannyń astyndamyz

О́ner • Búgin, 09:10

Sýretshiler úıi ashyldy

Aımaqtar • Búgin, 09:08

Bal bulaq bolyp aqty

Aımaqtar • Búgin, 09:07

Ońaılyqpen em qonbaıdy

Medısına • Búgin, 09:05

Bárekeldi, Vıktorııa!

Sport • Búgin, 09:02

Taı elinde qola medal buıyrdy

Sport • Búgin, 09:00

Seısenbige arnalǵan aýa raıy boljamy

Aýa raıy • Búgin, 08:57

Mazmun men sapaǵa mán berilse

Bilim • Búgin, 08:55

Atyraý oblysy «sary» aımaqqa ótti

Koronavırýs • Búgin, 08:54

Salada sheshimin tabar is kóp

Bilim • Búgin, 08:52

Bala súıý – baqyt

Qoǵam • Búgin, 08:50

Qamba toldy astyqqa...

Aımaqtar • Búgin, 08:49

Barlyq salada ósim bar

Aımaqtar • Búgin, 08:47

Erekshe balalardy elegender

Aımaqtar • Búgin, 08:43

Uqsas jańalyqtar