Sport • 01 Tamyz, 2021

Tuńǵysh ret júldesiz qaldy

56 ret kórsetildi

О́kinishke qaraı, Tokıoda medal alady-aý degen jeńil atlet Olga Rypakova dodanyń fınaldyq kezeńine óte almady. Osylaısha, buǵan deıin úsh Olımpıadada olja salǵan Rypakova tuńǵysh ret basty dodada júldesiz qaldy. Qazaqstan Prezıdenti janyndaǵy Ortalyq kommýnıkasııa­lar qyzmeti alańynda Nur-Sultan men Tokıo arasynda tikeleı beınekonferensııa baılanysy arqyly brıfıng ótti. Oǵan jeńil atletıkadan Qazaqstan quramasynyń bas bapkeri Dmıtrıı Karpov pen London Olımpıadasynyń jeńimpazy Olga Rypakova qatysty. 

– Tokıo Olımpıadasy joǵary deńgeıde ótýde. Uıym­dastyrýshylardyń tyń­ǵy­lyqty daıyndalǵany kórinip tur. Alaıda pandemııaǵa baılanysty buryn bolmaǵan shekteýler óte kóp jáne de kún saıyn PTR-test tapsyrý da yńǵaısyzdyq týdyrady, – degen D.Karpov pandemııa Olımpıadaǵa daıyndalý úshin ájepteýir kedergi keltirgenin alǵa tartty. – 2020 jyly tek Qazaqstannyń emes, búkil álem sportshylarynyń daıyndyq kezeńi buzyldy. Sonyń saldarynan Tokıo Olımpıadasy bir jylǵa shegerildi. Karantınge baılanysty sportshylarymyz úı karantıninde boldy. Josparlanǵan qurama jat­ty­ǵýlary, jarystar der kezinde ótpegendikten, Tokıo Olım­pıadasynda sportshy­la­rymyzdyń qandaı júlde alatynyn boljaý múmkin emes edi.

О́z kezeginde Olga Rypakova pandemııa jaǵdaıynda ja­rystyń kórermensiz ótýi, sátsiz óner kórsetý men aldaǵy josparymen bólisti.

– Búgingi jarysqa baǵa berý qıyn. Tórtinshi Olımpıadam ekenin bilesizder. Ádette, sta­dıondaǵy atmosferadan, trı­býnadaǵy qaınaǵan energetıkadan qýat alatynmyn. Biraq meniń kórsetkishime kórermenderdiń joqtyǵy áser etti dep aıtýǵa bolmaıdy. Men bar kúshimdi kórsetemin, bar múmkindigimdi júzege asyramyn dep maqsat qoıdym. О́zimdi jaqsy sezindim. Daıyndyq ońaı bolǵan joq. Jasyńnyń ulǵaıǵany da áser etpeı qoımaıdy eken. Jyl ótken saıyn nátıje de tómendeı beredi. Al daıyndyq kezinde eski jaraqattar syr beredi nemese basqa da kedergiler kezdesedi. О́tken jyly synǵa túsemiz dep oıladym. Biraq ózim Olımpıadanyń keıinge shegerilgenin qup kórdim, qo­symsha ýaqytta emdelip, daıyndalýdy kózdedim, – degen O.Rypakova qoldaý kórsetken jandarǵa alǵysyn aıtty. – Al motıvasııa týraly aıtatyn bolsa, óziń aınalysatyn sportty janyńmen súıý kerek. Sol kezde jankúıerdi qýantý úshin jumys isteısiń. Olardyń qýanyshyn kórip, odan ári shyńdala túsesiń. Basqasha bolýy múmkin emes. Ázirge, ne bolǵanyn baǵalaý qıyn. Keıinirek bapkermen sóılesip, óz ónerimdi qaıta saraptap, baıqaıtyn shyǵarmyn. Áıteýir, bir nárse bóget boldy. Múmkin, eski jaraqattar shyǵar. Alaıda aıtarlyqtaı qıyndyq bolǵan joq. Osylaı bolýy kerek edi. Maǵan qoldaý kórsetip, jankúıer bolǵan bar­lyq jerlesterime rahmet. Sizderdiń qoldaýlaryńyzdy sezindim. Alǵysym zor, – dedi O.Rypakova.

Sondaı-aq Olga áleýmettik jelidegi tanymaldylyǵy men 2024 jylǵy Parıj Olımpıa­dasyna qatysty oıyn bólisti.

– Ashylý saltanatynan keıingi tanymaldylyqqa keler bolsam, ózimdi barlyǵynan oqshaýlaýǵa tyrystym. О́ıtkeni jarys aldynda ózime artyq nazar aýǵanyn qalamadym, áleý­mettik jelige de eshteńe jarııalamaı, ózimniń kishkentaı álemimde ómir súrýge umtyldym. Alańsyz jarysqa daıyndalýdy jón kórdim. Dese de, ashylý saltanatynda óz jankúıerlerimdi qýantyp, tileýles jandardyń sanyn odan ári arttyrǵanyma qýanyshtymyn. Osy obrazdy daıyndaý jolynda kúsh salǵan Ulttyq Olımpıadalyq komıtet pen dızaınerlerge kóp rahmet! Eńbektiń bári sol kisilerdiki, men daıyn kıimdi kıip, álemge kórsettim. Bári osylaı sátti bolǵanyna qýanyshtymyn. Al Parıj Olımpıadasyna keler bolsaq, bul óte qıyn suraq. Qatysamyn dep ýáde bere almaımyn. Qyzym da ósip keledi, múmkin, bolashaqta onyń jetistikterin kóretin shyǵarmyz. Biraq asyǵýdyń qajeti joq. Ol kásibı sportqa beıimdelip keledi. Eger onyń talpynysy bolsa, biz tek qol­daımyz. Aldaǵy ýaqytta nemen aınalysatynymdy áli sheshken joqpyn. Sportqa qatysty oılarym bar. Men jeńil atle­tıkanyń jankúıerimin. Bul sport padıshasynyń Qazaq­standa da qanatyn jaıa túskenin qa­laımyn. Keıingi býyndy ósirý úshin óz úlesimdi qosqym keledi, – dedi Rypakova.

Aıta ketelik, jarysqa qa­ty­­sýshylarǵa úsh múmkindik beriledi. Al fınaldyq synǵa 12 sportshy joldama alady. Ol úshin 14,40 metrdi baǵyndyrý kerek. O.Rypakova óziniń eń úzdik múmkindiginde 13,69 metrge sekirdi. Bul fınalǵa ótý úshin jetkiliksiz edi.

Sondaı-aq irikteý kezeńinde Marııa Ovchınnıkova men Irına Ektova da synǵa túken bolatyn. Olar jarystyń birinshi aınalymynan asa almaı, 26 jáne 31-oryn aldy.

Sońǵy jańalyqtar

Pavlodarda taǵy da qus tumaýy tirkeldi

Aımaqtar • Búgin, 16:00

Urlanǵan 28 kólik tabyldy

Oqıǵa • Búgin, 15:11

Qazgıdromet aldaǵy qysqa boljam jasady

Qazaqstan • Búgin, 14:11

Atyraýda 23 adamdy shaıan shaqqan

Aımaqtar • Búgin, 13:35

Túrkistan oblysynda brakonerler ustaldy

Aımaqtar • Búgin, 12:40

Aqtaýda er adam bıikten qulap mert boldy

Aımaqtar • Búgin, 10:53

Sport jańalyqtaryna sholý

Sport • Búgin, 09:11

Bárimiz bir aspannyń astyndamyz

О́ner • Búgin, 09:10

Sýretshiler úıi ashyldy

Aımaqtar • Búgin, 09:08

Bal bulaq bolyp aqty

Aımaqtar • Búgin, 09:07

Ońaılyqpen em qonbaıdy

Medısına • Búgin, 09:05

Bárekeldi, Vıktorııa!

Sport • Búgin, 09:02

Taı elinde qola medal buıyrdy

Sport • Búgin, 09:00

Uqsas jańalyqtar