Álem • 02 Tamyz, 2021

«Talıban» soqqylary jıiledi

69 ret kórsetildi

Aýǵanstannyń ońtústigi men baty­syn­daǵy úsh iri qala mańynda soǵys órti órship tur. О́ıtkeni «Talıban» qoz­­ǵalysynyń sodyrlary olardy úki­met kúshterinen tartyp alýǵa kúsh salý ústinde.

«Talıban» sodyrlary Gerat, Lash­kar-Gah jáne Kandagar qalalaryna basyp kirdi. «Talıbannyń» sheteldik kontıngent qyrkúıekke deıin elden ketetinin málimdegennen keıin joı­qyn shabýyldarǵa kóshkeni belgili. Qoz­ǵa­lys­tyń operasııalary sátti ótip jatyr. Máselen, eldiń soltústigindegi úkimet áskerin elden qashyp ketýge májbúr etti.

Jergilikti buqaralyq aqparat kózi Ońtústik Gılmend provınsııasynyń ortalyǵy – Lashkar Gahta senbide kóte­ri­lisshiler gýbernatordyń keńsesi­nen birneshe júz metr qashyqtyqta bol­ǵa­nyn habarlady. Olar juma kúni de oǵan jaqyndaǵan, biraq aýǵan áskeriniń qolbasshysy túnde sheginýge májbúr bolǵan sodyrlarǵa aıtarlyqtaı soqqy jasaǵanyn aıtqan.

Geratta Tolo News agenttiginiń til­shi­si qaqtyǵystar kúsheıip, «Talıban» so­dyrlary ekonomıkalyq mańyzdy qa­la­nyń ońtústik aımaqtaryna kirgenin habarlady.

Kúnine kem degende bes jerde urys qımyldary ótip jatqany týraly habarlamalar kelip túsken.

AQSh áli de áýejaıdyń aınalasyn baqylaýda ustap otyrǵan Aýǵanstan úkimeti kúshterin qoldaý úshin áýe shabýyldaryn júrgizýde. Áýejaı mańyndaǵy BUU ǵımaratynyń kúzetshisi juma kúni «Talıbannyń» ádeıilep jasaǵan shabýyly saldarynan qaza tapty. Tur­ǵyn­dar qalada qaýipsiz jer az, al keı­bir adamdar ózderin qorǵaý úshin qoldaryna qarý alyp jatyr deıdi.

EO-nyń Aýǵanstan jónindegi arnaıy ókili Tomas Nıklassonnyń pikirinshe, eldegi jaǵdaı nasharlaı túsedi. Ol «Talı­ban­nyń» búgingi maqsaty – ótkendi qaıta ornatý, ıaǵnı Islam ámirligin qaıta qurý degen oıyn ortaǵa saldy.

Sońǵy jańalyqtar

Qyzylordada esirtkige qarsy aksııa ótti

Aımaqtar • Búgin, 16:52

Almaty mańynda jer silkindi

Aımaqtar • Búgin, 16:18

Dollar 9 teńgege arzandady

Qarjy • Búgin, 16:10

Qazaqstanda qus eti qymbattady

Qoǵam • Búgin, 15:43

Munaı baǵasy 1 dollarǵa arzandady

Ekonomıka • Búgin, 12:30

Erteń Úkimet otyrysy ótedi

Úkimet • Búgin, 12:12

«Kanelo»: Golovkındi nokaýtpen jeńemin

Kásipqoı boks • Búgin, 12:08

Aldaǵy kúnderi aýa raıy qandaı bolady

Aýa raıy • Búgin, 11:46

Bir aptada 3 myńǵa jýyq qylmys jasaldy

Qazaqstan • Búgin, 11:18

Uqsas jańalyqtar