TOKYO2020 • 02 Tamyz, 2021

Jeńilister jeńiske bastaı ma?

58 ret kórsetildi

Sporttyń padıshasy sanalatyn jeńil atletıkadan medaldardyń birsypyrasy 2 tamyz kúni óz ıelerin tapty. О́kinishke qaraı, júlde alǵandardyń sanatynda qazaqstandyqtar taǵy da joq.

Keshe áıelder arasynda 200 metr qashyq­tyq boıynsha irikteý kezeńi ótti. Qazaqstan sapynan qatysqan Olga Safronova tıisti mejeni 23,64 sekýndta baǵyndyryp, óz tobynda altynshy bolyp keldi. Bul synda 1-3 oryn alǵan sportshylar ǵana jartylaı fınalǵa joldama aldy.

Al 200 metr qashyqtyqta baıdarka esýden Natalıa Sergeeva tıisti qashyq­tyqty 46,657 ýaqytta baǵyndyryp, altyn­shy orynǵa turaqtady. Nátıjesinde, qazaq­standyq atlet kelesi kezeńge ótkenimen shırek fınalda jetinshi orynnan kórinip, jartylaı fınalǵa óte almady. Aıta keterligi, Natalıa Sergeeva 4 tamyz kúni 400 metr qashyqtyq boıynsha jarys jolyna shyǵady.

Tokıo Olımpıadasynda grek-rım kúre­sinen beldesýler jalǵasyp jatyr. Ke­she bozkilemge Demeý Jadyraev shyqty. Erler arasynda 77 kıloǵa deıingi salmaq dárejesinde synǵa túsken otandasymyz japonııalyq Iаkıbý Soheıge jol berdi. Tartysty beldesý 5:3 esebimen japonııalyq balýannyń paıdasyna sheshildi.

Eki kúnniń qorytyndysy boıynsha Qazaqstan sapynan kilemge shyqqan qos balýan da qarsylastaryna alǵashqy aınalymda jol berdi. Ulttyq quramanyń bas bapkeri Baqtııar Baıseıitov gazet oqyr­mandaryna shákirtteriniń jeńilisin jat­tyqtyrýshylardyń tapsyrmasyn oryn­damaǵanymen túsindirdi.

«1 tamyz kúni Meırambek Aınaǵulov jattyqtyrýshylar tapsyrmasyn oryndamady. Biz qatań eskertip, tyıym sal­ǵan ádis-tásildi kilemge shyqqan sát­te-aq qoldandy... Osylaısha, óz qate­ligi­niń kesirinen qar­sy­lasyna jol berdi. Al Demeý Jadyraev japon balýa­nyn upaı sanymen jeńip turǵan. Sońǵy sátte qarsylasyna ese jiberdi. 30 sekýnd­tyq úzilis bolǵan kezde bárin tú­sindirip, beldesýdi sońyna deıin bermeı, baqylaýǵa alý kerek ekenin aıtqan bolatynbyz. Demeýdiń dál osylaı sońǵy sátte qarsylasyna upaı syılaǵanyn biz de túsine almadyq», dedi bas bapker.

Aıta keteıik, grek-rım kúresinen Olım­pııa oıyndaryna Qazaqstan úsh joldama jeńip alǵan edi. Tokıo Olımpıadasyna Meı­rambek Aınaǵulov (60 kg), Demeý Jady­raev (77 kg) qatysyp, alǵashqy aınalymda jeńilis tapty. Búgin 87 kıloǵa deıingi sal­maq dárejesinde Nursultan Tursynov kúre­setin bolady.

Baıdarka men kanoedan erler ara­synda 1000 m qashyqtyqtaǵy shırek fınaldyq syndar aıaqtaldy. Atalǵan sanat boıynsha Qazaqstan sapynan aǵaıyndy Sergeı men Tımofeı Emelıanovtar qatysty. Shırek fınaldyń nátıjesi boıynsha Qazaqstan 3:55.157 kórsetkishpen tórtinshi orynnan kórindi. Mundaı nátıje A fınalyna joldama alýǵa jetkiliksiz bolǵandyqtan, qazaqstandyq dýet V fınalynda baq synaıdy. V fınaly búgin ótedi.

Keshe 50 metrge úsh araqashyqtan nysana kózdeýden Iýrıı Iýrkov synǵa tústi. Jerlesimizge segiz sportshyǵa ǵana joldama beriletin fınaldyq kezeńge ótýge tórt upaı jetpeı qaldy.

«Iýrıı naǵyz jaýynger, ol eń sońyna deıin berilgen joq. Iá, fınalǵa ótý úshin nebári tórt upaı jetpeı qaldy. Bul bizdiń de, sportshynyń da kóńilin túsirgeni anyq. Biraq bul sport, sportta kez kelgen nátıjeni kútýge bolady. Ázirge, bul Iýrkovtyń Olım­pıadadaǵy eń úlken kórsetkishi. Tokıo oıyn­darynyń ótetin ýaqyty da uzap ketti, pandemııaǵa baılanysty daıyndyq kezinde de qıyndyqtar týdy. Munyń bári de áserin tıgizgen shyǵar. Endi jınalyp, aldaǵy dodalarǵa daıyndalamyz», dedi komandanyń bas bapkeri Olga Dovgýn.

Sý dobynan Qazaqstan quramasy úshin Tokıo Olımpıadasy sátsiz aıaqtaldy. Keshe­gi kúnge deıin otandyq vaterpolshy­lar Ispanııa, Serbııa, Chernogorııa jáne Horvatııa koman­dalaryna jol bergen edi. Irikteýdiń sońǵy kezeńinde de Aleksandr Shvedov shákirtteri sol júrisinen «jańylmaı», Aýstralııaǵa qarsy kezdesýde 7:15 esebimen jeńiliske ushyrady.

Sońǵy jańalyqtar

QHL: «Barys» «Lokomotıvten» jeńildi

Hokkeı • 22 Qazan, 2021

Bekire balyǵyn zańsyz aýlaǵandar ustaldy

Ekologııa • 22 Qazan, 2021

Belarýste maska rejımi joıyldy

Álem • 22 Qazan, 2021

9 sý qoımasy salynady

Ekologııa • 22 Qazan, 2021

Qaraǵandyda jer úıden órt shyqty

Oqıǵa • 22 Qazan, 2021

Golovkınge qarsy Mýratanyń múmkindigi bar ma?

Kásipqoı boks • 22 Qazan, 2021

Memleket basshysy Asqar Mamındi qabyldady

Prezıdent • 22 Qazan, 2021

Uqsas jańalyqtar