Álem • 03 Tamyz, 2021

Eýropaǵa kirý talaptary ózgertildi

22 ret kórsetildi

Eýropa elderine kirý talaptary óz­ger­tildi. Sondyqtan osy baǵytta saıahattaı­tyn jolaýshylarǵa barar elge kirý talaptarymen aldyn ala tanysýǵa jáne jaǵdaıdy baqylyp otyrýǵa keńes beriledi.

Germanııa jeksenbiden bastap ekpeni tolyǵymen almaǵan týrısterden koronavırýsqa testileýdiń teris nátıjesi men jaqynda aýyrǵany týraly anyqtama talap ete bastady. Bul on eki jas­tan asqan barlyq adamǵa, sonymen qatar elge avtokólikpen kelýshilerge de qatysty. Berlınde tamyzdyń alǵashqy kúnderi júzdegen demonstrant sanıtarlyq shekteýler men vaksınalaýǵa qarsy narazylyq aksııasyna qatysty. Ony ótkizýge úkimet ruqsat bermegen.

Keıbir adamdardyń qolynda «Erkindik!», «Korona-dıktatýraǵa jol joq!» degen jazýlar bar plakattar boldy. Demonstranttar toby polısııa­men qaqtyǵysty. Soǵan oraı tártip saqshylary birneshe adamdy ustady.

Danııa shekteý sharalaryn jeńildetip jatyr. 500-den joǵary orny bar teatrlar men kıno­teatr­larǵa barý úshin endi «densaýlyq pasporty» talap etilmeıdi.

Portýgalııada birinshi tamyzdan bastap epıde­mııa­lyq ahýaldyń nasharlaýyna baılanysty keıbir aýdandarda engizilgen komendant saǵaty alynyp tas­taldy. Dúkenderge, meıramhanalar men barlarǵa túngi ekige deıin jumys isteýge ruqsat etildi.

Fransııanyń Marsel qalasynda «Orandj Velodrom» stadıonyna otyz myńǵa jýyq kórermen qaıta oraldy. Munda «Olımpık Marsel – Vılıarreal» joldastyq matchy ótti.

 

Sońǵy jańalyqtar

15169 adam koronavırýs juqtyrdy

Koronavırýs • Keshe

Uqsas jańalyqtar