Indet juqtyrý tirkelgen derekten kóp bolýy múmkin

Departament basshysynyń mindetin atqarýshy Gúlnar Aqylbekova indet juq­tyrý boıynsha kúnine 200-ge jýyq jaǵ­daı tirkeletinin aıtty. Sondaı-aq jyl basynan beri 6 023 reıd júrgizgen mo­nıtorıngtik toptar 36 163 nysandy tek­serip, nátıjesinde 203 ákimshilik aıyp­pul salyp, sotqa 24 materıal tap­syr­ǵan.

Qazir ózi ár basqarma, ár departament beretin málimetterdiń sapyrylysqan san­darynan jańylysyp ta qalasyz, árqaı­sysy ártúrli málimet beredi. Muny oblys ákimi Ábilqaıyr Sqaqov ta baı­qaǵan bolý kerek.

– Is júzinde zań buzýshylyq kórset­kish­teriniń resmı tirkelgen jaǵdaı­lardan áldeqaıda kóp ekenin baıqaımyz, demek monıtorıng toptary jumysynyń tıimdiligi tómen, – dep atap ótti ákim.

Biri 200 naýqas dese, ekinshisi 130, úshinshisi taǵy bir basqa málimet taratady. Al oblys ortalyǵyndaǵy juqpaly aýrýlar bólimderindegi 2 110 orynnyń jartysynan kóbi bos kórinedi.

Departamenttiń habarlaýynsha, táýlik saıyn naýqastar kóbeıýde. Mysaly, oblys ortalyǵynda – 135, Eki­b­as­tuzda – 85, Aqsýda – 30, Aqtoǵaıda – 8, Pavlodarda – 7, Tereńkólde – 4, Ertis, Sharbaqty jáne Aqqýly – 3, Ýspen aýdandarynda 2 naýqas tirkelgen. Al aýrý juqtyrǵandardyń 60 paıyzy – oblys ortalyǵynda. Qalǵan naýqastar sanynyń 306 433-i óńir turǵyndary bolsa, 291 adamnyń basqa óńirlerden kelgeni anyqtalǵan.

Bir-birimen baılanysta bolǵan adamdar arasynda 9 371 naýqas, sýyq tıgi­zip, pnevmonııamen aýyryp, ózdi­gi­men qaralǵandardan 18 728, al profı­lak­tıkalyq maqsatta júgingender arasynda 2 544 naýqas tirkelgen. Jalpy, shildeniń sońǵy aptasyndaǵy ahýal boıynsha syrqattanǵandar arasynda 19 shildeden 25 shildege deıin 1 402, al 26 shilde men 1 tamyz aralyǵynda 1 818 naýqas túskeni jaıly habarlanǵan.

О́ńirlik kommýnıkasııalar qyzmetin­de ótken brıfıngte oblystyq densaýlyq saqtaý basqarmasynyń basshysy Aıdar Seıitqazınovtiń habarlaýynsha, qazir 1 283 naýqas aýrýhanada emdelýde. Jyl basynan beri óńirde 225 adam kóz jumsa, qaıtys bolǵandar sany shilde aıynda da kúrt ósken. Bir aıdyń ishinde 60 adam qaıtys bolypty.

Indetke qarsy ekpe saldyrýshylardyń sany 217 myńnan asty. Bul oblys turǵyndarynyń 19,5 paıyzyn quraıdy. Emhanalarǵa Spýtnık V vaksınasynyń 10 myń dozasy, QazVac-tyń 5 myń dozasy jetkizildi.

Ekpe alǵandar arasynda aýy­ryp jatqandar da bar eken. Birinshi kom­po­nen­tin saldyrǵan 126 adam tir­kelse, eki komponentin birdeı alǵan bir adam jansaqtaý bóliminde jatyr. Sońǵy bir­neshe kúnniń ishinde aıaǵy aýyr 10 áıel­den indet belgisi baıqalǵan. Qazir 44 aıaǵy aýyr áıel emdelýde.

Oblys ákimi Ábilqaıyr Sqaqov oblys ortalyǵyndaǵy ekpe egý oryndaryn aralap shyqty. №3 emhanada vaksınalaý barysynyń tómendegeni aıtyldy. Taǵy bir másele, turǵyndar ekpe alý úshin jarty saǵat kezek kútý kerek eken. Oblys ákimi kútý ýaqytyn qysqartý úshin emhanada qosymsha basqa da oryndar ashýdy tapsyrdy.

Al №4 emhanada kezek bolmaý úshin birinshi jáne ekinshi komponentin alatyn turǵyndar qataryn ekige bólý týraly sheshim qabyldanypty. Alǵashqy ekpeni emhanadan alsa, ekinshisin, Ertis Olympic ǵımaratyndaǵy arnaıy jabdyqtalǵan orynnan ala alady.

Kelesi kezekte Profimed jekemen­shik klınıkasynda 8 myńǵa jýyq turǵyn tirkelgen. Bul jerde barlyq turǵyn erikti túrde ekpe ala alady. Búginge deıin klınıkada 3,6 myńnan asa adam ekpe alypty.

Odan keıin oblystyq ákimdikte «Vaksınalaýdyń qarqyny nege tómen?» degen taqyrypta COVID-19-ǵa qarsy kúres jónindegi oblystyq jedel is-qımyl shtabynyń otyrysy ótti.

– Sanıtarlyq qyzmet júrgizgen epı­­demııalyq zertteýlerge sáıkes, in­­det­­tiń jappaı taralýy qoǵamdyq kólik­ter­de, toılarda, saýda ortalyqtary men bazarlarda kezdesedi. Áli kúnge deıin sanıtarlyq normalardy saqtaý má­denıeti qalyptaspaǵan, – dedi oblys ákimi.

Pavlodar oblysy