TOKYO2020 • 05 Tamyz, 2021

Qorjyn tola – qola

75 ret kórsetildi

Keshe Qazaqstan sportshylary úshin sheshýshi kún edi. Karateden álemdik reıtıngte kósh basynda turǵan Darhan Asádilov, erkin kúresten álem chempıonatynyń kúmis júldegeri Nurıslam Sanaev jáne bokstan álem birinshiliginiń qola júldegeri Sáken Bıbosynov bastaǵan sportshylarymyz bir emes, úsh altyn alýǵa múmkindikteri bar edi. О́kinishke qaraı, barlyǵy qola medaldy qanaǵat tutty. Jeti qola medalmen elimiz beıresmıkomandalyq esepte 75-orynda tur. Mundaı «antırekord» táýelsiz Qazaqstan tarıhynda buryn-sońdy bolmaǵan. 

Foto: Vladıslav Semenov, Qazaqstan UOK

Tokıo Olımpıadasyndaǵy tómengi kórsetkishteri úshin sport basshylary men bapkerlerdiń máselesi áli talaı maı shammen qaralatyny anyq.

Jarysqa keler bolsaq, keshe fınaldyq aıqas úshin Qazaqstan boksshylary arasynda jalǵyz ózi qalǵan Sáken Bıbosynovqa (52 kg) el úmit artqan edi. О́kinishke qaraı, ulybrıtanııalyq Djalal Iаfaıǵa qarsy qolǵap túıistirgen jerlesimiz tóreshiler sheshimimen jeńilis tapty.

Birinshi raýndta Sákenniń qarsylasy á degennen-aq lap qoıa berdi. Mundaıdy kútpegen otandasymyz da qarap tursyn ba?! Ol da alǵa umtyldy. Ashyq «shaıqasqa» ulasqan kezdesýde Sáken birneshe soqqyny ótkizip aldy. Tipti nokdaýn da tirkeldi. Al ekinshi jáne úshinshi raýndta belsendilik tanytyp, qarsylasyna birneshe soqqy jasaǵanymen, qorytyndy esep boıynsha 3:2 esebimen ulybrıtanııalyq boksshy jeńiske jetti. Osylaısha, tuńǵysh ret Olımpıadanyń fınaly qazaqstandyq boksshylarsyz ótedi.

Jýrnalıster aldyna shyqqan Sáken kópke deıin óz-ózine kele almaı, kóz jasyna erik berdi: «Tokıo Olımpıadasynda jeńiske jetip, qazaq halqyn altyn medalmen qýantqym-aq kelip edi. Ol armanyma jete almadym. Bar kúsh-jigerimdi saldym. Sońyna deıin judyryqtastym. Birinshi raýndta qarsylasym basym tústi. Ony moıyndaımyn. Al qalǵan eki raýndta aıanyp qalǵanym joq. Bul meniń birinshi Olımpıadam. Tipti Tokıoǵa bara almaı qalýym da múmkin edi. Joldamany eń sońǵy sátte jeńip alǵanymdy bilesizder. Sondyqtan bárine qanaǵat. Júldemdi barsha qazaqstandyqtarǵa arnaımyn», dedi Bıbosynov.

Altynnan taǵy bir úmitkerimiz karateden 67 kıloǵa deıingi salmaqta synǵa túsken Darhan Asádilov edi. Amal ne, Darhan da Olımpıadanyń qola júldesin qanaǵat tutty. Jerlesimiz A tobynda synǵa túsip, barlyq qarsylasynan basym tústi. Al jartylaı fınalda Fransııa ókili Stıven de Kostamen kezdesip, 5:2 esebimen jeńilip qaldy. Darhan karate tarıhynda Qazaqstannan shyqqan tuńǵysh Olımpıada júldegeri. Darhannyń negizgi salmaǵy 60 kılo. Olımpıadada 60 kılo salmaq bolmaǵandyqtan, jerlesimiz ózinen áldeqaıda úlken 67 kıloda synǵa túskenin aıta ketý kerek. Sondaı-aq qyzdar arasynda 55 kıloda saıysqa túsken Móldir Jańbyrbaı Olımpııa oıyndarynyń jartylaı fınalyna óte almady. Móldir V tobynda synǵa túsip, eki kezdesýde jeńilse, bir kezdesýde teń tústi. Al bir jekpe-jekti jeńispen aıaqtady.

Erkin kúresten 57 kıloǵa deıingi salmaqta beldesken Nurıslam Sanaev altyn alý kerek edi. Qarsylastarynyń barlyǵyn jeńip kelgen ol jartylaı fınalda Úndistan balýany Ravı Kýmarǵa ese jiberdi. Qola medal úshin kúreste Sanaev namysty qoldan bergen joq. Kishi fınalda bolgarııalyq Geor­gıı Vangelovten 5:1 esebimen ba­sym túsip, júldegerler qatarynan kórindi. Al 74 kıloǵa deıingi salmaq dárejesinde beldesken Danııar Qaı­sanov bul kúni úsh qarsylasynan basym túsip jartylaı fınalǵa joldama alǵan-dy. Fınaldyq aıqas úshin Qaı­sanov eki dúrkin álem chempıony, reseılik Zaýrbek Sýdakovpen beldesip, 0:11 esebimen jeńilis tapty.

Sanaev

Asa aýyr salmaqta beldesken Iýsýp Batyrmýrzaevtyń joly bolmady. Ger­manııalyq Gennadıı Chýdınovıchten segiz upaı alda turyp, sońǵy sekýnd­ta «taza ádiske» túsip qaldy. Al áıel­der ara­synda 53 kıloda bozkilemge shyq­­qan Tatıana Ahmetova alǵashqy aına­­lymda-aq álem chempıonatynyń qola júldegeri, Polsha sportshysy Rok­sana Marta Zasınadan 2:3 esebimen jeńildi.

Qazirgi bessaıys básekesiniń irikteý qorytyndysy boıynsha Elena Potapenko 36 sportshynyń ishinen 8-shi satyǵa turaq­tady. Búgin bessaıysshylar júzýden, at spor­tynan jáne semserlesýden baq synaıdy.

Trektegi velosporttaǵy «omnıým» boıynsha jarys jolyna shyqqan Artem Zaharov tórt túrli básekede baq synady. Nátıjesinde, Zaharov 62 upaı jınap, 14-oryn aldy. Son­daı-aq sporttyq jaıaý júristen 20 shaqy­rymǵa synǵa túsken Georgıı Sheıko 1:28:38 ýa­qyt kórsetkishimen 39-orynda qalyp qoıdy. Al ashyq sýda júzýden 10 shaqyrym qa­shyqtyq boıynsha fınaldyq básekege qatysqan Vıtalıı Hýdıakov tıisti mejeni 1:57:53.7 ýaqytta baǵyndyryp, 21-orynnan kó­rindi. Bul kúni jeńil atletıkadan bıiktikke sekirý boıynsha Nadejda Dýbovıskaıa men Krıstına Ovchınnıkova da fınaldyq kezeńge shyǵa almady.

Tokıo Olımpıadasynda qazaqstandyq sportshylarǵa altyn men kúmis buıyrmaı, qorjynǵa qola túsip jatyr. Quddy Qazaqstan «qola dáýirine» qadam basyp bara jatqan tárizdi.

Sońǵy jańalyqtar

Oktagonǵa shyǵatyndar anyqtaldy

Sport • Búgin, 09:08

Belgradta beldesedi

Sport • Búgin, 09:06

Japonııada synǵa túsedi

Sport • Búgin, 09:03

Maıdannan on uly aman oralǵan ana

Tarıh • Búgin, 09:00

Ult tarıhyn ulyqtaǵan týyndylar

Tarıh • Búgin, 08:53

Eń bastysy – azamattardyń senimi

Qazaqstan • Búgin, 08:43

Smart Zholy jeńimpazdary anyqtaldy

Qazaqstan • Búgin, 08:36

Qundy qaǵazǵa qyzyǵatyndar kóp

Ekonomıka • Búgin, 08:32

Ekijaqty yntymaqtastyqtyń sony serpini

Saıasat • Búgin, 08:23

Ulttyq jobalar – kemel keleshek kepili

Qazaqstan • Búgin, 08:15

Asyl aǵanyń sharapaty

Rýhanııat • Búgin, 00:08

Barlyq saladaǵy kórsetkishter saralandy

Aımaqtar • Búgin, 00:02

Quımaqulaq

Rýhanııat • Keshe

Qoǵamnyń biteý jarasy

Qoǵam • Keshe

Gaz baǵasy nege qymbat?

Aımaqtar • Keshe

Erbosynulyn aýyr synaq kútip tur

Kásipqoı boks • Keshe

Uqsas jańalyqtar