Ekonomıka • 06 Tamyz, 2021

Turǵyn úı qurylysy toqtamaıdy

177 ret kórsetildi

Táýelsizdik alǵan 30 jylda Qazaqstanda 169 mln sharshy metr jańa turǵyn úı salyndy. Osynyń nátıjesinde 1,5 mln adam turǵyn úı jaǵdaıyn jaqsartty. Bul – eldegi qurylys salasynyń erekshe qarqyn alǵanynyń aıǵaǵy.

Qabyldanǵan sharalardyń nátıjesinde sońǵy 18 jylda bir turǵynǵa shaqqanda turǵyn úımen qamtamasyz etý kórsetkishi 34 paıyzǵa ósip, 21,9 sharshy metrge jetti. «Nurly jer» memlekettik turǵyn úı qurylysy baǵdarlamasyn júzege asyrý bastalǵaly beri, ıaǵnı 2017-2020 jyldary 52 mln sharshy metr turǵyn úı salyndy. Bul degenimiz – 470 myń turǵyn úı. Bıyl 17 mln sharshy metr turǵyn úı salý josparlanýda. Iаǵnı 163,1 myń turǵyn úı salynbaq.

Búginge deıin turǵyn úı qury­­lysyna 3,6 trln teńgeden astam ınvestısııa tartyldy. Onyń 864 mlrd teńgesi – mem­lekettik ınvestısııa. Mem­le­ket­tiń 1 teńgesine jeke ınves­tor­lardan 6 teńge tartyldy.

Halyqty jaıly ómirmen qam­tamasyz etý maqsatynda sýmen jabdyqtaý jáne sý burý júıelerin damytý, turǵyn úı-kommýnaldyq sharýashylyq sek­toryn jáne turǵyn úı qo­ryn jańǵyrtý boıynsha 132,9 mlrd teńgege 572 joba iske asyryldy. Nátıjesinde, 8 myńnan asa jumys orny qu­ryldy. Úkimettiń maqsaty – 2030 jylǵa qaraı damyǵan el­­­der­diń deńgeıine jetý jáne tur­­­ǵyn úıdi iske qosý kólemin tó­­mendetpeý.

Jyl saıynǵy ósý dına­mıka­syn 8-10 paıyz sheginde saq­­taý kózdelip otyr. Bul úshin jap­paı turǵyn úı qurylysy sa­lynatyn aýdandardy ın­je­­ner­lik kommýnıkasııalarmen qamtý, sondaı-aq halyqqa jáne qurylys salýshylarǵa jeńildetilgen nesıeler berý josparlanǵan. Maqsat – halyq pen bıznesti turǵyn úı qury­ly­symen aınalysýǵa yntalandyrý. Bul jeke ınvestısııalardy tartýǵa múmkindik beredi.

Memlekettik qoldaýdyń ne­giz­­gi sharalary halyqtyń kóp bó­ligine qoljetimdi turǵyn úı salýǵa baǵyttalǵan. Negizinen turaqty tabysy joq halyqtyń áleýmettik osal sanattaryn satyp alý quqyǵynsyz kom­mýnal­dyq jalǵa beriletin turǵyn úımen qamtý kózdelgen. Bul sa­­natqa múgedekter, jetim ba­la­­lar, kópbalaly otbasylar, sondaı-aq iri megapolısterde jumys isteıtin jastar jatady. Halyqtyń ózge toptary úshin ıpotekalyq ónimder, tur­ǵyn úı qurylys jınaqtary jáne úlestik qurylys tetikteri qa­ras­tyrylǵan.

2018 jyly respýblıkada kópshilikke qoljetimdi «7-20-25» ıpotekalyq baǵdarlamasy iske qosyldy. Baǵdarlama ıpo­te­kalyq nesıeleýdi damy­tý­dyń katalızatoryna aınaldy.

Sapaly kommýnaldyq qyz­metterdi, tıimdi basqarý júıe­sin usyný, azamattardyń turǵyn úı jaǵdaılaryn jaqsartý, ener­gııa turǵysynan tıimdi jáne resýrs únemdeıtin tehnolo­gııa­lardy qoldaný mańyzdy bo­lyp qala bermek. Zamanaýı teh­nologııalardyń kómegimen sa­lynyp jatqan turǵyn úıdiń sa­pasyna qoıylatyn talaptar jáne olardy zııatkerlik basqarý júıelerimen jaraqtandyrýǵa aıryqsha mán berilýde.

 

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar