Qajymaıtyn Qajytaı 777 shaqyrymdy jaıaý júrip ótti

Endi mine, talapty er Qara­ǵan­dydan taǵy da jaıaý joryqqa shyǵyp, Ulytaýmen aralyqtaǵy 777 kılometr bolatyn joldy ba­ǵyndyrdy.

О́zin prodıýser ári bloger re­tinde sanaıtyn Ashat Qajytaı bul jobasyn Táýelsizdigimizdiń 30 jyl­dyǵyna arnaıtynyn aıtady.

– Meniń «Jaıaý» marafo­nym­nyń negizgi maqsaty – adam­darǵa aýdandar men aýyl­dar­dyń ómiri men tarıhy týraly aıtyp berý. Meni alda uzaq jol kútip tur. Mi­ne, osy sapar aldynda men qa­sıetti Uly­taýǵa baryp, bata alýǵa sheshim qabydaǵan edim, – deıdi ol.

 Kúnniń aptap ystyǵyna qara­mastan uzaq joldy qajymaı-tal­maı júrip ótken Ashat Qa­jytaıǵa aýdan ortalyǵyndaǵy «Ulytaý – ult uıasy» monýmentiniń janynda laıyqty qoshemet kórsetildi. Aq jaýlyqty ájeler shashý shashyp, arýlar qaısar jigitke qymyz usyndy. Ulytaý aýdanynyń ákimi arnaıy qabyldap, syı-sııapat jasady.

Jaıaý Ashattyń aldyna qoıǵan maqsaty zor. Ol óziniń bes marshrýttan turatyn jobasynyń núk­te­sin kúz aıynda Túrkistanda qoı­maqshy. Odan keıin jaıaý marafon kezinde kórgen-bilgenin, alǵan áserin arqaý etip, kitap jazyp jáne vıdeo esep jasamaqshy.

Al bolashaqta ol jaıaýlatyp Eýropaǵa sapar shegýdi oılastyryp júr.

Qaraǵandy oblysy