Medısına • 11 Tamyz, 2021

Onkologııa dıspanseri men zırattyń arasy – bir qadam

649 ret kórsetildi

Medısınalyq-emdeý mekemeleriniń arasynda aýrasy men moraldyq-psıhologııalyq ahýaly óte aýyr oryndardyń biri – onkologııa dıspanseri. Halqymyzdyń deni kóp jaǵdaılarda aǵzasynda paıda bolǵan onkologııalyq dertterdiń alǵashqy belgilerin onsha elemeı, dárigerge qaralmaı júre beretini jasyryn emes.

Tipti aǵaıyndarymyzdyń arasynda «qaıter deısiń, jel-qus, salqyn tıgen shyǵar, bir terlesem ketedi ǵoı», dep arqany keńge salatyndar da az emes. Sóıtip júrgende atyń óshkir aýrý odan ári dendep, úshinshi, tipti tórtinshi stadııaǵa aýysyp ketip jatady. Ári alǵashqy satysynda atalǵan dert adamǵa aıtarlyqtaı baıqala bermeıdi eken. Jaıbaraqattyń bir ushy osynda sekildi. Al keıin olardyń jany qınalǵan kezde bári de kesh bolatyny beseneden belgili.

Mundaı satydaǵy aýyr syr­qat­tardyń sońǵy demi bir­qa­tar jaǵdaıda onkologııalyq dıspanserde úziletini de eshkimge qupııa emes. Boldy, bári de bitti... Budan keıin onkodert saldarynan qaıtys bolǵan adamdy jerleýge qatysty abyr-sabyr qımyldar bastalyp ketpeı me? Buǵan onsha sabylyp, qınalýdyń qajeti joq sekildi. О́ıtkeni Oral qalasyndaǵy Almaty kóshesiniń boıynda ornalasqan oblystyq onkologııalyq dıspanserdiń tup-týra, túbi men irgesinde ólik­ti jerleýge qatysty salt-jo­ralar qyzmeti ornalasypty. Árıne, eshkim de máńgilik emes, ómir bar jerde ólimniń, qazanyń bolýy – tabıǵı jáıt. Tipti álgindeı máıitti jóneltýge qatysty qyzmet kórsetetin oryn­dardy da qajetsiz deı al­maısyń.

Solaı deı tursaq ta, ony el-jurt buǵan deıin «jaman aýrý» dep atap ketken aýyr dertpen alysýmen birge sanasyn «osydan o dúnıege ketetin shyǵarmyn» degen aýyr oı qaýmalaǵan adamdar emdeletin medısınalyq me­kemeniń irgesinen ashýdyń qan­daı qajettiligi bar edi? Mun­daı sheshim qandaı qısynǵa sáıkes keledi? Álde bul «ólseńiz – bizdiń qyzmetimiz ázir» degen tuspal ma? Muny bul aradan sál qashyǵyraq jerge ornalastyrýǵa bolmas pa edi? Onkologııa dıs­pan­seriniń tusynan ótip bara jatqan kezde kókeıge kelgen oıym men osyndaı saýaldardy ga­zet oqyrmandarynyń nazaryna usynýdy jón kórdim. Olar buǵan ne der eken?

 

Temir QUSAIYN,

jýrnalıst

Oral

 

Sýrette: Onkologııa dıs­pan­se­ri­niń irgesinde ornalasqan jerleý rásimin júrgizý orny

 

Sońǵy jańalyqtar

Tarazda Qonaev eskertkishi boı kóterdi

Aımaqtar • Búgin, 12:50

Qazaqstanda qansha adam vaksına aldy

Koronavırýs • Búgin, 10:42

Elimizde 1452 adamnan koronavırýs anyqtaldy

Koronavırýs • Búgin, 09:05

Uqsas jańalyqtar