Aımaqtar • 12 Tamyz, 2021

Ustazdar qaýymynyń 92,6%-y vaksına aldy

32 ret kórsetildi

Qaraǵandy oblysynda indettiń órshýine baılanysty bilim berý qyzmetkerleriniń jańa oqý jylyna degen daıyndyǵyna aıryqsha mán berilgen. Sol sebepti óńir muǵalimderiniń koronavırýs ınfeksııasyna qarsy vaksına alý is-sharasy keń aýqymda uıymdastyryldy.

 

Qazirgi ýaqytta dástúrli oqýǵa oralý sharttarynyń birine jatatyn ekpe alý naýqany aıaqtalýǵa jaqyn. Bul týrasynda onlaın rejimde ótken apparattyq keńeste oblystyq bilim basqarmasynyń basshysy Gúlsim Qojahmetova málim etti.

Bıylǵy oqý úderisin uıymdastyrý boıynsha oqytýdyń tórt nusqasy qaras­tyrylmaqshy. Onyń birinshisi – qa­shyqtan oqytý. Odan keıingisi – ara­las oqytý: munda sabaqtardyń 80%-y shtattyq formatta jáne 20%-y qa­shyqtan ótkiziledi. Taǵy bir aralas oqy­týda 1-4-synyptar shtattyq for­matta oqıdy. Al 5-11 synyptardy oqy­tý úsh kún oflaın jáne úsh kún onlaın rejimge kóshiriledi. Oqytýdyń tórtin­shisi – shtattyq oqytýǵa tolyq kóshý.

G.Qojahmetova mundaı sheshimniń epıdemııalyq jaǵdaıǵa baılanysty qabyldanǵanyn aıtady.

– Búginde bilim berý uıymdarynyń 39 240 pedagogi men qyzmetkeri nemese ustazdar qaýymynyń 92,6%-y koronavırýs ınfeksııasyna qarsy vaksına aldy. Sondaı-aq kolledjderdiń 18 jastan asqan 4 389 stýdenti ekpe jasatty, bul kórsetkish 55,6%-dy qu­raıdy. Barlyq uıymda pedagogter men qyzmetkerlerdiń, sondaı-aq ata-analardyń densaýlyq mártebesin tekserý úshin Ashyq júıesi ornatylǵan. Bilim berý uıymdary men stýdenttik jataqhanalar tolyq kólemde sanı­tar­lyq quraldarmen qamtamasyz etilgen, – dep atap ótti oblystyń bas muǵalimi.

Sonymen qatar basqarma basshy­sy bilim mekemeleriniń jańa oqý jy­lyna daıyndyǵyn tekserý sanı­tar­lyq-epı­demııalyq baqy­laý depar­ta­men­timen birlesip júrgiziletinin málimdedi.

Qazirgi tańda mektepterdegi balalar úshin qaýipsiz orta qurý máselesi ótkir tur. Osy oraıda G.Qojahmetova óńirdegi bilim berý mekemeleriniń jartysynan kóbinde dabyl túımeleri paıda bolǵanyn aıtty. Sondaı-aq mektepter men kolledjderde daýystyq es­kertý júıeleri de ornatylýda. Bu­dan bólek, 92 bilim berý mekemesiniń kire­beristerinde týrnıketter ornatyldy. Basqarma basshysy bul jumystyń aldaǵy ýaqytta da jalǵasyn tabatynyn aıtty.

Buǵan qosa oblystyń bas muǵalimi mektepterde, balabaqshalarda jáne balalar úılerinde aýqymdy jóndeý jumystary júrgizilgenin aıtyp ótti. Mysaly, bıyl 120 mektep, 26 bala­baqsha, 19 kolledj jáne 1 balalar úıi jóndeýden ótken. Bul jumystar áli de jalǵasýda.

Apparat jıynynda jóndeý jumys­taryn ýaqytynda aıaqtap, onyń sapasyn qadaǵalaýdy tapsyrǵan oblys ákimi Jeńis Qasymbek bilim basqarmasy sa­nı­tarlyq-epıdemııalyq ba­qy­laý departamentimen birlesip, oqý­shy­lar men stýdentterdi dástúrli júıede oqytý úshin jaǵdaı jasaý jóninde sharalar qabyldaýy qajettigin atap ótti.

– Qorǵanys quraldarymen jabdyq­taýdy tolyq kólemde qamtamasyz etý kerek. Bilim berý uıymdarynyń pedagogteri men personalyn vaksı­na­laý isi jalǵastyrylýy tıis. Sony­men qatar kompıýterlermen jáne oqý­­lyqtar­men qamtamasyz etý baqy­laý­­da bolady. Az qamtylǵan mektep oqý­shylaryn áleýmettik qoldaýǵa erekshe nazar aýdarý kerek, – dedi J.Qasymbek.

Osy oraıda Qaraǵandy oblysynda oqýshylardy tegin oqýlyqtarmen qamtamasyz etý boıynsha jumystardyń josparǵa saı júrgizilip jatqanyn aıta ketken jón. О́tkendegi bir apta­nyń ishinde baspa ónimderiniń júk kólik­terine tıelgen eki úlken partııasy jetkizildi.

Bul jóninde óziniń feısbýk paraq­shasyna G.Qojahmetova bylaı dep jazdy: «Búginde mektep qorynan 2–11-sy­nyp oqýshylaryna oqýlyqtar beril­di. Bıyl 1 jáne 2-11-synyptar úshin tozǵan kitaptardy aýystyrý úshin qaıta shyǵarylǵan oqýlyqtarǵa tapsyrys berildi. Bul maqsatta 1 mlrd 766 mln teńgege 16 baspamen kelisimshart jasaldy. Oblys boıynsha bes tasymaldaýshy anyqtaldy».

Oqýlyqtardy jetkizý isi 25 ta­myz­­da tolyǵymen aıaqtalady dep jos­parlanǵan. Jalpy baspa ónim­deri­niń birinshi toptamasy 30 shildede, ekinshisiniń 5 tamyzda jetkizilgen edi.

Bıyl Qaraǵandy oblysynda 21 800 bala mektep tabaldyryǵyn tuńǵysh attaıdy eken. Al jańa oqý jylyndaǵy oqýshylardyń jalpy sany 209 myńdy quraıdy.

 

Qaraǵandy oblysy

 

Sońǵy jańalyqtar

Aqtaýda 109 jedel jelisi iske qosyldy

Aımaqtar • Búgin, 09:51

Vaksına saldyrǵandar sany artty

Koronavırýs • Búgin, 09:18

Qazaqstanda 158 adam koronavırýs juqtyrdy

Koronavırýs • Búgin, 09:03

«Aqtóbe» kósh bastady

Fýtbol • Búgin, 08:42

Vaýt van Art birinshi orynda keledi

Sport • Búgin, 08:39

Tórtinshi aınalymǵa shyqty

Tennıs • Búgin, 08:38

Jastar jasyndaı jarqyldady

Sport • Búgin, 08:35

Til máselesi talqylandy

Qazaqstan • Búgin, 08:33

Dıplomatııalyq qyzmettiń 30 belesi

Qazaqstan • Búgin, 08:13

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Uqsas jańalyqtar