Aımaqtar • 13 Tamyz, 2021

«Aqyldy qala» aqyry salynatyn boldy

643 ret kórsetildi

Almaty oblysyndaǵy GATE CITY seriktes qala jobasy qolǵa alynǵany biraz jyl bolǵan-dy. Osy ýaqytqa deıin qaǵaz júzinde qalyp kelgen bastamaǵa byltyrdan beri jan bitkendeı edi. Al kúni keshe «aqyldy qalanyń» aýmaǵynda qurylys jumystary bastalatyn bolyp, oǵan oblys ákimdigi men BI Group holdınginiń ókilderi arnaıy qujatqa qol qoıdy.

Kezdesýde osy qurylys máselesine qatysty yntymaq­tas­tyq týraly memorandýmǵa qol qoıyldy. Ekijaqty kelisim kezinde oblys ákiminiń birinshi orynbasary Lazzat Turlashov GATE CITY aýmaǵyndaǵy turǵyn úı keshenderi qu­ry­ly­sy­nyń jobasy memlekettik-jekemenshik áriptestik ne­gizinde júzege asyrylatynyn aıtty. Turǵyn úılermen qa­tar munda bar­lyq qajetti áleýmettik nysandar da tur­ǵyzylady.

– GATE CITY Almaty – О́skemen respýblıkalyq jolynyń boıynda Almaty-Qapshaǵaı ýchaskesinde ornalasady. Jobanyń basty maqsaty – zamanaýı qurylymdyq «aqyldy qala» qurý, bıznesti damytýǵa, halyqtyń ómir súrý sapasyn jaqsartýǵa múmkindik jasaý, Almaty megapolısiniń mańynan jańa «aqyldy qala» salý. Jobany oblys ákimi erekshe baqylaýǵa alyp otyr, – deıdi Lazzat Turlashev.

Jobanyń bas ıesi «Jetisý» áleýmettik kásipkerlik korporasııasy taratqan aqparatqa qaraǵanda,  buǵan korporosııa men qurylys holdıngi ókilderimen birneshe márte kezdesýler ótkizilip, jer ýchaskelerin bólý, jobanyń ekonomıkalyq jáne tehnıkalyq negizdemeleri jaıly talqylaýlar bolǵan.

– Bul memorandým birlesken jumystyń bastalǵanyn aı­ǵaq­taıdy. Endi jobalaý, eskızder daıyndaý jumystary bas­talady. Ýchaskede 100 gektardan astam jerge 590 myń shar­shy metr turǵyn úı, úsh mektep, birneshe balabaqsha, dárigerlik ambýlatorııa jáne basqa da nysandar salý josparlanǵan. Sol sııaqty saıabaqtar men skverler de jasalady, – dedi BI Development Almaty kompanııasynyń bas dırektory Aıdos Muqataev.

Jalpy, Ile aýdany aýmaǵynda ornalasatyn GATE CITY seriktes qalasy ınfraqurylymy damyǵan, qarjy-iskerlik, bilim jáne ǵylymı-medısınalyq ortalyq, ónerkásiptik jáne saýda-logıstıkalyq hab bolady dep josparlanyp otyr.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar