Álem • 19 Tamyz, 2021

Gaıtıdegi joıqyn jer silkinisi

55 ret kórsetildi

Senbide bolǵan joıqyn jer silkinisi sal­dary­nan Gaıtıde kem degende 1941 adam qaıtys bolǵany belgili boldy.

 

10 myńǵa jýyq adam jaraqat aldy, al kópshiligi 7,2 baldyq jer silkinisinen keıin habar-osharsyz ketken. Qutqarý jumystaryna osy aptada Karıb teńizine Greıs tropıkalyq daýylymen kelgen nóser jańbyr kedergi keltirdi. BUU qazirgi ýaqytta 500 myńǵa jýyq balanyń turǵyn úıge, ishýge jaramdy sýǵa jáne azyq-túlikke qol jetkize almaı otyrǵanyn habarlady.

Jer silkinisi ótken aıda el prezıdentine jasalǵan qastandyqtan keıingi saıası daǵdarystan endi esin jıǵan kedeı eldiń jaǵdaıy ýshyǵa tústi. Jańa prezıdent saılanǵanǵa deıin eldi basqaryp otyrǵan premer-mınıstr Arıel Genrı bir aıǵa tótenshe jaǵdaı jarııalap, halyqty yntymaqqa shaqyrdy. Sońǵy jyldary Gaıtı birqatar tabıǵı apattan zardap shekken, sonyń ishinde 2016 jyly Metıý daýyly bolǵan. Al eń joıqyn jer silkinisi 2010 jyly bolyp, 200 myńnan astam adamnyń ómirin qıǵan edi jáne eldiń ınfraqurylymy men ekonomıkasyna aıtarlyqtaı zııan keltirgen.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Uqsas jańalyqtar