Álem • 19 Tamyz, 2021

Gallen galereıasy

23 ret kórsetildi

«Joıylsyn jalǵyz sóz – soǵys degen...». Osy bir ǵana óleń joly búkil adamzattyń bar arman-tilegin arqalaǵan ańsarly tirkes desek, esh qatelespegen bolar edik. Shirkin, jer álem birer sátke bolsyn beıbitshiliktiń besiginde beıqam terbelip turar ma edi?

Shirkin, bar adamzat birer saǵatqa bolsyn qarý asynbaı, qan jaldamaı, qaıǵysyz qara sýdy qaljyńdasyp otyryp isher me edi? Shirkin, shirkin... Biraq soǵysty doǵarmaq turmaq, osynaý qııal qusymyzdyń óziniń qanatyn kózdi ala bere qııa qoımaqshy qara nıet júrekter izgiliktiń tý syrtynan kirpik qaqpaı óshpendilikpen baǵyp turǵan joq pa?

Jalpy, kez kelgen zulmatqa ár adam ártúrli qarsylyq bildiredi. Negizi sol soǵys taqyrybyn qansha qozǵaǵyń kelmegenimen, irgeńdegi maıdan órtiniń qyzyl jalyny janyńdy qaıtse qaqtaıdy. Onyń ar jaǵynda soǵys degenińiz jalpy jalǵyzdyń múddesi úshin beıkúná mıllıondaǵan jannyń mert bolýy ǵoı.

Biz osy rette otyzdan endi asqan túrik azamaty, áýesqoı fotog­raf Ýgýr Gallenniń eńbekteri týra­ly jazýdy jón kórdik. Jalpy, Ýgýrdyń ustanǵan negizgi baǵyty ekeýin eshqashan qııýlastyrýyń múmkin emes qubylystardy, taǵ­dyr­­lardy, oqıǵalardy shen­des­ti­rýin­de jatyr.

Gallen galereıasyna úńilgen adam bir sátke bolsyn táýbege keledi. Sebebi jaı kúnde seniń eleýge de turmaıtyn baqytyń bireýdiń ómir boıy qoly jetpegen baǵa jetpes baılyǵy ekenin uǵa­syń. Jaı kúnde adam ózin ómir boıy arqalap júrgen eki aıaǵynyń qadirin bile bermeıdi. Al Ýgýrdyń jumysy Allanyń sol bergen ár hıkmetine shúkirshilikti uǵyndyrý.

Qııaly júırik qyraǵy kóz Ýgýr jalpy, biz aıtyp otyrǵandaı qaınaǵan ot pen qańǵyǵan oqtyń ortasynda júrgen fotograf emes. Ol negizinen Ortalyq Azııada, onyń ishinde Aýǵanstanda esh basylmaı kele jatqan soǵys órtindegi jantúrshigerlik sýretterdi beı­bit­­shilik besiginde terbelgen eýro­panyń jyp-jyly fotolarymen shendestiredi. Bylaısha aıt­qanda, bir ǵana sýretten siz adamzat basyndaǵy eń jıirkenishti zulymdyq pen rııasyz tap-taza kóńilderdi qatar ańǵarasyz. Ańǵa­ra­syz da ańyryp turyp qalasyz. Baılyq pen joqshylyq, soǵys pen beıbitshilik, ańǵaldyq pen aramzalyq jalpy, qatar júretini belgili. Alaıda olardyń barlyǵy óziń sııaqty adamdardyń basynan ótip jatqanyn shyn túısingende janyńdy qoıarǵa jer tappaı ketesiń...

Álem jýrnalısterine bergen suhbattarynda Gallen ózin fotograf emes, «sıfrly qylqalam sheberimin» dep tanystyrady. Onysy durys. Sebebi biz joǵaryda aıtqan qarama-qaıshy fotolardy búgingi tilmen beınelegende, kollaj arqyly qııýlastyrady. Bul ispen Ýgýr 2014 jyldan beri shuǵyldanyp keledi eken. Búginde onyń jumystaryn álem qalt jibermeı qadaǵalap otyr. Aýǵan jerindegi qazirgi saıası ahýal­ Ýgýrdyń oqyrmandarynyń sanyn tipti arttyryp jibergen. Dál qazirgi ýaqytta Gallenniń ınstagramdaǵy oqyrmandarynyń sany 1 mln-nan asyp tústi.

Jalpy,  Gallen bul jumystary arqyly damyǵan memleketter men artta qalǵan beıshara elderdiń arasyndaǵy alshaqtyqty ashyq kórsetkisi keletindeı. Dúnıeniń bir buryshynda bir jutym sýǵa zar bolyp, shólden ólip jatqan halyqtardyń bar ekenin, sondaı-aq dúnıeniń kelesi bir buryshynda balasynyń toıyna tikushaqpen aqsha shashyp jatqan ashkóz baı­lar­dyń da ómir súrip jatqanyn bir obektıvke syıǵyzǵan onyń kartınalary júregińdi shynymen solq etkizedi.

О́ner áldeqashan oıanbastaı qalyń uıqyǵa qulaǵan uıatty oıata alýymen de óner-aý... Eń ǵa­ja­by, Ýgýrdyń ózderińiz kórip otyrǵan kartınalaryn túsinýge ıa túsindirýge eshqandaı ortaq til­diń qajet emestigi. Júregi bar jan ózi-aq sóıletedi. Júrektiń tili – jalpy adamzattyń tili. Ýgýrdyń ár sýreti bizdi osy tilde sóılestiredi. Tilden bólek Gal­len galereıasy álem dinderin de biriktirip jibergendeı. Musylman balasy men hrıstıan balasy ar aldynda birdeı jaýapty. Onyń kartınalaryndaǵy oqıǵalarǵa bárimiz de jaýaptymyz.

Ýgýrdyń da aıtpaǵy, bizdiń de kókeıimizdegi asyl arman – álemde tynysh, beıbit zamannyń bir sátke de bolsa ornaýy. Meıirimniń ústem­dik quryp, qaıyrymdy qol­dar jer besikti áldıleı terbetip tursa!

Sońǵy jańalyqtar

Túrkistan oblysynda eki brakoner ustaldy

Aımaqtar • Búgin, 13:06

Efıopııada pilder qyrylyp jatyr

Álem • Búgin, 11:58

Qazaqstanda un óndirý kólemi tómendedi

Ekonomıka • Búgin, 11:45

Dastın Pore: Makgregor – ótken shaq

Jekpe-jek • Búgin, 11:40

Gazǵa aýysqan kólikter sany artty

Qazaqstan • Búgin, 10:50

Alvares aýyr salmaqta alypqa aınala ma?

Kásipqoı boks • Búgin, 10:35

Elimizde 62 myńnan astam bala vaksına aldy

Koronavırýs • Búgin, 10:00

Dollar qaıtadan qymbattaı bastady

Qarjy • Búgin, 09:55

Qazaqstanda karantındik sharalar kúsheıtiledi

Koronavırýs • Búgin, 09:40

Uqsas jańalyqtar