Aımaqtar • 20 Tamyz, 2021

Ashyq jobasy tártip buzǵandardy anyqtady

59 ret kórsetildi

Oblystyń sanıtar dárigerlerinen turatyn monıtorıngtik top Ashyq jobasy engizilgeli osy baǵdarlamany paıdalana otyryp, 2 607 nysandy teksergen. Sonyń ishinde jumys algorıtmin buzǵan 438 nysan anyqtaldy.

QR-kodty skanerleý kezinde oblys boıynsha «qyzyl» jáne «sary» mártebesi bar 794 kelýshi anyqtalyp, onyń ishinde «qyzyl» mártebesi bar 389, «sary» mártebesi bar 413 adam jaýapkershilikke tartylǵan. Sonyń nátıjesinde, Eńbekshiqazaq, Alakól, Jambyl, Ile, Kerbulaq aýdandarynda, Qapshaǵaı jáne Taldyqorǵan qalalarynda indetke qarsy kúres tártibin buzǵan turǵyndar men nysandarǵa 700 080 teńge somasyna 16 ákimshilik jaza qoldanylǵan eken. Al Almaty oblysy boıynsha Ashyq 4760 nysan qosylyp, óz qyzmetin júzege asyryp otyr.

Aıtpaqshy, sońǵy táýlik aralyǵynda aımaqta 477 adamnan koronavırýs anyqtaldy. Bir kún ishinde indet juqtyrýdyń mundaı joǵary kórsetkishi jyl basynan tirkelmegen eken.

– Anyqtalǵan 477 jaǵdaıdyń 68-i 14 jasqa deıingi balalar arasynan shyǵyp otyr. Oqýshylar arasynda 40 jáne stýdentter arasynda 4 jaǵdaı anyqtaldy. Oblys óńirleri arasynda koronavırýs juqtyrý kórsetkishi boıynsha Taldyqorǵan qalasy men Ile aýdanyndaǵy jaǵdaı kúrdeli bolyp otyr, – deıdi oblystyq sanıtarlyq-epıdemııalyq baqylaý departamentiniń ókilderi.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar