Bilim • 03 Qyrkúıek, 2021

«Kásibı baǵdar» jobasy: 20 myńnan astam oqýshy bolashaq mamandyǵyn anyqtady

79 ret kórsetildi

Elimizdiń barlyq óńirlerinen orta mektepterdiń 20 586 oqýshysy «Kásibı baǵdar» jobasy aıasynda 5 baǵyt bo­ıynsha 85 túrli trenıngten ótti: «Tıimdi kommýnıkasııalar, sheshendik sheberlik», «Jobalyq oılaý», «Kásibı baǵdarlaý jáne mansaptyq traektorııany qurý», «Emosıonaldy ıntellekt», «Komandalyq jumys».

Trenıngke qatysýshylar jobalyq menedjment, jobalardy basqarý, bıýdjet­tik jos­parlardy qurý negizderimen tanysyp, sheshendik óner bo­ıyn­sha óz daǵdylaryn jetildirdi, sondaı-aq óz qabiletteri men maqsat-múddelerin eskere otyryp ýaqyt úrdisterine sáıkes mamandyq tańdaý bo­ıyn­sha sheshim qabyldaý daǵdylaryn meńgerdi.

Jobanyń basty maqsaty – qazirgi zamanda suranysqa ıe mamandyqtarǵa jastardyń daǵdylary men beıimdiligin arttyrý. Jyl sońyna deıin EduNavigator kásibı baǵdar berý platformasy bazasynda onlaın-rejimde orta mektepterdiń keminde 20 myń oqýshysyna psıhologııalyq dıag­­nostıka men testileý júr­gizý josparlanýda. Sonymen qatar joba aıasynda eko­no­­mıkanyń jetekshi salalarynyń maman­­darymen jáne Qazaqstan men shetel ýnı­versıtetteri­niń jetekshi joǵary oqý oryn­darynyń túlekterimen onlaın-kez­desý­ler ótkizilip, mamandyq tańdaý máse­le­lerine arnalǵan beınerolıkter ázirlendi.

Jobanyń negizgi seriktesteri – Qazaqstan Respýblıkasy Prezıdentiniń «Bolashaq» halyqaralyq stıpendııasy túlekteriniń qaýymdastyǵy, BTS Education jáne Internatio­nal Academy of Emotional Intelligence kompanııalary. Eske sala keteıik, «Kásibı baǵdar» jobasyn «Azamattyq jáne quqyqtyq bastamalardy damytý» qoǵamdyq qory Aq­parat jáne qoǵamdyq damý mınıstrligi men Azamattyq bastamalardy qoldaý or­ta­lyǵynyń qoldaýymen júzege asyrýda.

 

«Egemen-aqparat»

 

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar