Aımaqtar • 09 Qyrkúıek, 2021

Jumaǵulovtar jumylǵanda

204 ret kórsetildi

Buqar jyraý aýdanyndaǵy Qara­qudyq aýylynyń turǵyndary óz aralarynda qarajat jıyp, eldi mekenge kire beriske Qaraqudyq – qutty mekenim degen jazýy bar sáýlet nysanyn ornatty.

«Rýhanı jańǵyrý» baǵdarlamasy aıasynda júzege asqan bul sharýaǵa  jýyrda ǵana ótken aýyl ákimderi saılaýynda halyqtyń basym daýysymen Qaraqudyqtyń ákimi bolyp saılan­ǵan Baýyrjan Jumaǵulov esimdi aza­mat uıytqy bolǵan eken. 

Nysannyń ashylý saltanatyna qatysqan aýdan ákimi Serjan Aımaqov jazýdy ornatý týraly bastamany jumyla kótergen Jumaǵulovtar otbasyna jáne aýyldyń barsha turǵyndaryna alǵys sezimin jetkizdi.

– Memleket basshysy halyqqa arnaǵan Joldaýynda bizdiń aldy­myzǵa aýyldy qoldaý, ony damytý jóninde naqty mindetter qoıdy. Munyń bári birlesken kúsh-jigermen iske asýy kerek. Aýyldy abattandyrý munymen bitpeıdi. Bizdiń jos­parymyzda saýyqtyrý jáne sport ortalyqtaryn salý bar, – dep atap ótti ol.

Al aýyl ákiminiń aǵasy, oblystyq «Rýhanı jańǵyrý» jobalyq keń­sesiniń basshysy Aıtbaı Jumaǵu­lov týǵan aýylyna qol ushyn sozý árbir sanaly azamattyń qasıetti boryshy ekenin aıtyp, aýyldyq jerlerdi meken etetin turǵyndardy múmkindiginshe ıgi ister jasaýǵa shaqyrdy.

Qazir Qaraqudyq aýylynda  700-ge jýyq adam turady.

 

Qaraǵandy oblysy,

Buqar jyraý aýdany

 

Sońǵy jańalyqtar

Bir kúnde 3907 adam koronavırýstan aıyqty

Koronavırýs • Búgin, 09:45

15169 adam koronavırýs juqtyrdy

Koronavırýs • Búgin, 09:17

Uqsas jańalyqtar