Aımaqtar • 10 Qyrkúıek, 2021

Zardap shekken nysandar qalpyna keltirilýde

36 ret kórsetildi

Bıyl tamyz aıynda Jambyl oblysynyń Baızaq aýdanynda oryn alǵan tótenshe jaǵdaıdyń zardaptaryn joıý jumystary jalǵasýda. Bul oqıǵaǵa Memleket basshysy Qasym-Jomart Toqaev nazar aýdaryp, jarylys saldarynan qaıtys bolǵan azamattardyń otbasyna jan-jaqty kómek kórsetiletinin, qıraǵan nysandardyń qalpyna keltiriletinin aıtqan bolatyn.

Nátıjesinde, búgingi tańda óńirde jarylystan zardap shekken nysandardy jóndeý jumystary bastalyp ketti. Ol úshin aımaqta arnaıy shtab qurylyp, qalpyna keltirilýge tıis birqatar nysandy anyqtaǵan.

Jambyl oblystyq qurylys basqar­masynyń basshysy Erlan Orynbaevtyń aıtýynsha, Baızaq aýdanynda barlyǵy 118 jekemenshik jyljymaıtyn múlik, onyń ishinde 106 turǵyn úı jáne 12 kommersııalyq nysanǵa zaqym kelgen. Sondaı-aq onyń ishinde 35 úı men 12 kommersııalyq nysan aıtarlyqtaı qıraǵan. Bul kúnde atalǵan nysandardy qalpyna keltirý úshin 12 merdigerlik uıym jumys atqarýda. Qurylys jumystaryna 23 tehnıkalyq quraldar men 185 jumysshy kúshi tartylǵan.  

Sonymen qatar 28 tamyz kúni Baızaq ­aýdany ákiminiń ókimimen tótenshe jaǵdaı kezinde keltirilgen zalaldy anyqtaý úshin komıssııa qurylǵan.

«Baızaq aýdanynda tótenshe jaǵdaı kezinde zardap shekken nysandardy tekserý jáne qalpyna keltirý úshin jergilikti atqarýshy organdar 5 jumys tobyn qurdy. Olardyń quramyna oblystyq qurylys basqarmasynyń, Qazaq qurylys jáne sáýlet ǵylymı-zertteý jáne jobalaý ınstıtýtynyń, jobalaý uıymdarynyń qyzmetkerleri jáne tótenshe jaǵdaı qyzmetkerleri tartyldy. Jumys toptary júrgizgen tekserýdiń nátıjesinde 8 nysanǵa qorytyndy berildi», deıdi Baızaq aýdany ákiminiń orynbasary Qaırat Ismaıl.

Búginde jeńil zaqymdanǵan 71 úıdiń 43-i qalpyna keltirilgen. Bul rette aýdan­ ákiminiń orynbasary zardap shekken 4 áleý­mettik nysan boıynsha da málimetter berdi. Aldyn ala derekter boıynsha, Jibek joly aýylyndaǵy apatty jaǵdaıda turǵan №5 orta mektepke aıtarlyqtaı zaqym kelgen. Búgingi tańda jer telimi anyqtalyp, 150 oryndyq jańa mektep qurylysy­na jobalyq-smetalyq qujattar ázirleý bastalǵan. Al atalǵan aýdanǵa qarasty Úshbulaq jáne Bazarbaı aýyldaryndaǵy 3 uıym azdap zardap shekken. Bul nysandardy qalpyna keltirý jumystary demeýshilik qarajat esebinen júrgizilýde. Búginde qıraǵan nysandardy qaıta qalpyna keltirý jumystary ortalap qalypty. Al qurylys jumystary eki aı kóleminde aıaqtalady dep josparlanyp otyr.

 

Jambyl oblysy

 

Sońǵy jańalyqtar

Tımýr Qulybaev qyzmetinen ketti

Qoǵam • Búgin, 09:20

Qyrǵyzǵa qarsy shyǵady

Boks • Búgin, 09:00

Fatıma hanymnyń kóılegi

Tarıh • Búgin, 08:59

Vagner Lav Danııada oınaıdy

Fýtbol • Búgin, 08:57

Jyrshylyq mektep qaıta jańǵyrdy

Bilim • Búgin, 08:55

Álimhanuly Andradeni jeńe ala ma?

Boks • Búgin, 08:52

Myqtylar Melbýrnde bas qosty

Tennıs • Búgin, 08:51

Kóktalǵa kópir syılaǵan

Aımaqtar • Búgin, 08:49

AvtoHQO-lar jumysyn qaıta bastady

Qoǵam • Búgin, 08:47

Kásip meńgergen qatardan qalmaıdy

Qazaqstan • Búgin, 08:40

Áleýmettik tólemder keshikken joq

Qoǵam • Búgin, 08:37

Donor bolý – ómir syılaý

Medısına • Búgin, 08:35

Jańa jyldan bastap jalaqy ósti

Qoǵam • Búgin, 08:33

Almatyǵa 10 reanımobıl syılady

Medısına • Búgin, 08:31

Depozıttiń maksımaldy somasy kóbeıdi

Ekonomıka • Búgin, 08:30

2 mıllıon montajdalǵan anod óndirdi

Qazaqstan • Búgin, 08:29

«Omıkron» jedel taralýda

Álem • Búgin, 08:23

Mamandyqtarǵa da mán bergen jón

Bilim • Búgin, 08:20

Uqsas jańalyqtar