Úkimet • 13 Qyrkúıek, 2021

Almatydaǵy epıdemııalyq ahýal qaraldy

33 ret kórsetildi

Premer-Mınıstrdiń orynbasary Eraly Toǵjanovtyń tóraǵaly­ǵymen ótken KVI-diń taralýyna jol bermeý jónindegi shtabtyń otyrysyna Almaty qalasynyń ákimi Baqytjan Saǵyntaev jáne Densaýlyq saqtaý mınıstri Alekseı Soı qatysty. Onda Almatydaǵy sanıtarlyq-epıdemııalyq ahýal jáne medısınalyq qyzmettiń sapasyn arttyrý sharalary qaraldy, dep habarlady Úkimet basshysynyń baspasóz qyzmeti.

Almaty qalasy ákiminiń orynbasary Erjan Babaqumarov habar­la­ǵandaı, qalada koronavırýsqa qarsy turýdyń modeli jáne kovıdke qarsy is-áreket boıynsha júıeli jumys qalyptasty. Jedel járdem men alǵashqy medısınalyq-sanıtarlyq bólimniń jumysy qaıta formattaldy, ınfeksııalyq stasıonarlar dert juqtyrǵandardyń aýyrlyq jaǵdaıyna qaraı eshelondarǵa bólindi. Telemedısına ortalyǵynyń mamandary úıdegi pasıentterdi baqylaıdy. Barlyq kovıdti gospıtaldar medısınalyq gazdar, medısınalyq qaldyqtardy kádege jaratý jáne aǵyndardy zalalsyzdandyrý júıesimen jabdyqtalǵan. Medısınalyq qural-jabdyqtarmen jabdyqtaý osy jyldyń 1 shil­de­sindegi jaǵdaı boıynsha 91%-dy qurady, al Almatydaǵy anestezıologııa, reanımasııa jáne qarqyndy terapııa bólimsheleriniń jabdyqtalýy 100%-dy quraıdy.

Qabyldanǵan sharalar ınfek­sııanyń tórt tolqynyn jeńýge jáne KVI boıynsha sanıtarlyq-epıde­mııalyq jaǵdaıdy turaqtandyrýǵa múmkindik berdi. Bul rette josparly medısınalyq kómek kórsetý sapasyn jaqsartý boıynsha keshendi jumystar júrgizilýde. Analar ólim-jitimin azaıtý boıynsha ındıkatorlar men kórsetkishterge qol jetkizý jóninde sharalar qabyldandy, qan aına­lymy júıesi aýrýlarynan bola­tyn ólim-jitimdi tómendetý boıynsha is-sharalar jospary jasal­dy. Medısınalyq qyzmet kór­setý sapasy men halyqtyń qanaǵat­tanýshylyǵyn, medısınalyq uıym­dardy korporatıvtik basqa­rýdyń tıimdiligin arttyrý sharalary da júrgizilýde.

Medısınalyq kadrlardyń jetispeýshiligin azaıtý úshin jol kartasy bekitildi jáne bıyl alǵash ret qala ákiminiń granttaryna 120 rezıdentti qajet mamandyqtar bo­ıynsha oqytý úshin qarjy bólindi.

Keńes barysynda densaýlyq saqtaý vıse-mınıstri Ajar Ǵınııat, Densaýlyq saqtaý mınıstrliginiń Sanıtarlyq-epıdemııalyq ba­qylaý komıtetiniń tóraıymy Aıjan Esmaǵambetova baıandama jasady.

Keńesti qorytyndylaı kele, Premer-Mınıstriniń orynbasary E.Toǵjanov birqatar problemalyq máseleni aıtyp, olardy sheshý úshin sharalar qabyldaýdy tapsyrdy. Almaty qalalyq Qoǵamdyq densaýlyq saqtaý basqarmasy densaýlyq saqtaýdy damytýdyń memlekettik baǵdarlamasy kórsetkishterine qol jetkizý úshin jumysyn kúsheıtýi qajet. SEBD epıdemııalyq zertteýlerdiń sapasyn jaqsartý qa­jettiligi kórsetildi. MÁMS qalalyq fılıalyna megapolıs turǵyndaryn medısınalyq saqtandyrýmen qamtý boıynsha jumysty kúsheıtý tapsyryldy.

E.Toǵjanov Almaty qalasynyń medısınalyq qaýymdastyǵyna KVI-men kúresýge qosqan úlesi úshin alǵysyn bildirdi, sonymen qatar medısınalyq qyzmetterdiń sapasyn jaqsartý, monıtorıng toptarynyń jumysyn kúsheıtý jáne halyqty vaksınalaý boıynsha birqatar tapsyrma berdi.

 

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Uqsas jańalyqtar