Prezıdent • 13 Qyrkúıek, 2021

Mektep aýyldy saqtaıdy

175 ret kórsetildi

Dúnıe júzin jaılaǵan koronavırýs indeti­niń saldarynan mektep pen joǵary oqý oryndary­nyń bilim alýshylaryn qashyq­tan oqytý barysynda kemshilikter men olqylyqtardyń oryn alǵany belgili. Bul máseleniń durys ári jyldam sheshimin tabýy muǵalimder men oqytýshylar qaýymyna úlken jaýapkershilik júkteıdi.

Joldaýda qarapaıym aýyl mektepterine de qoldaý kórsetiletini aıtyldy. Aýyl mektebiniń máselesi – qazaqtyń eldiginiń máselesi, aýyldyń, eldi mekenniń saqtalýynyń birden-bir alǵysharty.

Jańa bilim berý nysandaryn salýda bıznesti tartyp, qoldaýdyń jańa túrlerin, sonyń ishinde qarjylandyrýdyń vaýcherlik tásilin oılastyrý qajet ekendigine mán berildi. Osy oraıda mektep salǵan ın­ves­­tor­lar qurylys jumysynyń shyǵynymen qatar sol mektepke jańa formasııadaǵy muǵalimderdi daıar­laýǵa, olardyń bilimderin 3 jylda bir jetildirýge ketetin shyǵyndy da eskerse dep oılaımyn. Búgingi tańda jańa formasııadaǵy muǵalimder – qazirgi Nazar­baev zııatkerlik mektebindegi muǵalimder. Ár mu­ǵalim­di bul deńgeıge jetkizý úshin mektepti Nazar­baev zııatkerlik mektebindegideı materıaldyq, tehnıkalyq bazamen tolyq qamtamasyz etý qajet.

Elimizdegi demografııalyq úrdistiń oń ózgeristeri jańa oqý jylynda birinshi synypqa keletin balanyń sanynan aıqyn kórinedi. Bul másele jyl saıyn elimizde júzdegen mektep pen balabaqsha salý qa­jet­­tigin aıqyndaıdy. Osyǵan oraı bolashaq muǵa­lim maman­daryn daıarlaıtyn joǵary oqý oryndaryna da san men sapa jaǵynan talaptyń birshama kúsheı­tile­tindigin sezemiz.

Bıyl pedagogıkalyq mamandyqty tańdaǵan mektep túlekterine UBT baly 75-ten kem bolmaýy talap etildi. Bul – óte  joǵary kórsetkish. Semeı qalasynyń Shákárim atyndaǵy ýnıversıtetindegi pedagogıkalyq mamandyqtarǵa, ásirese, matematıka, fızıka, ınformatıka muǵalimderin daıarlaý mamandyqtary­na kúndizgi bólimge 182 stýdenttiń, onyń ishinde 22 «Altyn belgi» ıegeriniń   qabyldanýy – jastar­dyń bilimge, ustazdyq qyzmetke degen qushtarlyǵy bo­lar. Osy jastar – bolashaq ustazdar el Prezı­denti­niń búgingi Joldaýyndaǵy mindetterdi júzege asyratyn bizdiń ǵylymı-pedagogıkalyq qyzmetimizdiń jemisi bolady dep senemin!

 

Oraltaı Jolymbaev,

Semeı qalasynyń Shákárim atyndaǵy

 ýnıversıtetiniń kafedra meńgerýshisi,

qaýymdastyrylǵan professor

Sońǵy jańalyqtar

«Jasyl» aımaqta birde-bir óńir qalǵan joq

Koronavırýs • Búgin, 09:55

«Pfizer» vaksınasyn qansha adam saldyrdy

Koronavırýs • Búgin, 09:32

Uqsas jańalyqtar