Medısına • 14 Qyrkúıek, 2021

MÁMS: medısınalyq kómek kólemi ósti

58 ret kórsetildi

2021 jyldyń birinshi jarty jyldyǵynyń qorytyndysy boıynsha Qazaq­stan­da medısınalyq kómektiń birqatar baǵytynyń kólemi ósti. Bul jalǵasyn ta­ýyp jatqan koronavırýs pandemııasy jaǵdaıynda da den­saý­lyq saqtaý jú­ıesiniń jumys isteýge beıimdelgendigin kórsetip otyr. Den­saý­lyq saqtaý mı­nıs­trl­iginiń alqa otyrysynda «Áleýmettik medısınalyq saq­tandyrý qory» KeAQ basqarma tóraǵasy Bolat Tókejanov osylaı dedi.

Emhanalar deńgeıinde kórsetiletin kon­sýltasııalyq-dıagnostıkalyq kó­mek­tiń kólemi ulǵaıdy. Konsýltasııalar men dıagnostıkalyq qyzmetter sany 2020 jylmen salystyrǵanda 31%-ǵa artty. Barlyǵy 70 mlrd teńge somasyna 41,1 mln qyzmettiń túri kórsetildi, bul 2020 jyldyń 1-jarty jyldyǵyna qaraǵanda 12,7 mln-ǵa artyq bolyp otyr.

Sonymen qatar MÁMS ambý­la­torııalyq deńgeıde dári-dár­mekpen qamtamasyz etý mólsherin arttyrýǵa múmkindik berdi. Naýqastardyń tegin dári-dármektermen qamtamasyz etiletin aýrýlar tizimi 45-ten 138-ge deıin keńeı­til­di.

«Bul jerde, aqparattyq júıelerde jan basyna shaqqandaǵy normatıvpen (MSAK, mektep medısınasy) qar­jylandyrylatyn kórsetilgen qyz­met­ter boıynsha derekter tolyq kó­lem­de engizilmegen. Medısınalyq uıym­dar­dyń barlyǵy atalǵan qyzmetter boıynsha derekterdi tolyq engizýi qa­jet», dedi Qor basshysy.

Sonymen qatar B.Tókejanov maman­dandyrylǵan medısınalyq kómek­ke toqtaldy. Máselen, ótken jarty­jyl­dyqta medısınalyq saqtandyrý ese­binen elimizdiń stasıonarlarynda josparly túrde 434,3 myńnan astam pasıent em aldy. Buǵan MÁMS júıesine barlyq stasıonarlyq kómekti qarjylandyrý kóleminiń 51,2%-y baǵyttalǵan.

«Medısınalyq uıymdarda 376 myń ota jasaldy. Josparly emdeýge jat­qyzýdy 10 kún kútetin pasıentterdiń sany 42%-ǵa (13,2 myńnan 11,4 myń pasıentke deıin) qysqardy», dedi ÁMSQ basshysy.

B.Tókejanov sondaı-aq Qordyń me­dı­sı­nalyq ońaltýdy damytýdy, onyń ishinde ambýlatorııalyq deńgeıde damytýdy yntalandyrýdy jalǵastyryp otyrǵanyn aıtty. Osy qyzmetter boıynsha О́nim berýshiler sany 20 esege, 64-ten 618-ge deıin ósti, al kórsetilgen qyz­met­ter­di qarjylandyrý kólemi 22 mlrd teńgeden asty.

 

Sońǵy jańalyqtar

Uqsas jańalyqtar