Kommýnaldyq qyzmet qaltany qaǵa ma?

2021 jylǵy ekinshi toqsan­nyń qorytyndysy boıynsha Qazaqstandaǵy ortasha aılyq ataý­ly jalaqy 251,5 myń teń­ge­ni qurady. Kórsetkish týra bir jyl burynǵy jaǵdaımen sa­lys­tyr­ǵanda 18,6 paıyzǵa joǵa­ry. Inflıasııany eskersek, jala­qy­nyń naqty ósimi 10,4 paıyzǵa teń.

Ádette jalaqy ósse, kommý­naldyq qyzmetter de qymbat­taı­dy. Bul joly da solaı bolǵan. Atap aıtqanda, osy jyldyń ekin­shi toqsanynda kommýnaldyq qyz­metter baǵasynyń jyldyq ósimi 3,5 paıyzdy quraǵan. Onyń ishinde tarıfi memleket tarapynan retteletin kommýnaldyq qyzmetter 3 paıyzǵa qymbattaǵan. Osy oraıda, birinshi toqsanda kom­mýnaldyq qyzmetter baǵa­sy­nyń ósýi 1,7 pa­ıyz bolǵanyn atap ótken jón.

Jalpy, 2021 jyldyń ekinshi toqsanynda turǵyn úı qyzmetteri, sý, elektr energııasy, gaz jáne otynnyń basqa da túrlerine arnalǵan tarıfterdiń jyldyq ósiminiń jıyntyǵy 5,4 paıyzdy qurady. Memleket tarapynan retteletin kommýnaldyq qyzmetterdiń ishinde sýyq sýdyń aıtarlyqtaı qymbattaǵany baı­qa­lady – baǵa bir jyldyń ishinde 5,7 paıyzǵa ósken. Sony­men qatar gazdyń quny 0,9 paıyzǵa ósse, jylý 0,9 paıyzǵa arzandaǵan.

Endi myna qyzyqty qa­r­ańyz. Memleket tarapynan ret­tel­meı­tin turǵyn úı qyz­met­te­riniń ishinde qoqys shyǵarý baǵasy bir jyl ishinde birden 15,8 paıyzǵa, domofon 3,3 pa­ıyz­ǵa, turǵyn úı orynjaıla­ry­na qyzmet kórsetý jáne jón­deý qyzmetteri 7,3 paıyzǵa qym­bat­ta­ǵan.

Eske sala keteıik, 2021 jyl­­­dyń birinshi toqsanynda jala­qynyń ósimi 15,2 paıyzdy qurady. Inflıasııany eskersek, ósim – 1,7 paıyz. Al turǵyn úı qyzmetteri, sý, elektr energııasy, gaz jáne basqa da otyn túrleriniń baǵasy 3,6 paıyzǵa teń.

Finprom.kz-tiń habarlaýynsha, turǵyn úı jáne kommýnaldyq qyzmetter tarıfiniń jalpy ósimi jalaqy ósiminen asyp túsken emes. Máselen, ekinshi toqsanda jalaqynyń ósýi kommýnaldyq tarıfterdiń ósiminen 3,4 ese joǵary boldy. Kórsetkish birinshi toqsanda 4,2 ese ósim kórsetken edi.

Esterińizde bolsa, 2019 jyly jáne koronadaǵdarys bastalǵan 2020 jyldyń birinshi jartysynda, ıaǵnı qarapaıym halyq úshin qıyn jaǵdaı qalyptasqan ýaqytta turǵyn úı jáne kommýnaldyq qyzmetterdiń tarıfi barynsha tómendetildi.

Baıqaǵanymyzdaı, kommý­naldyq tólemderdiń qazaqstan­dyq­tardyń bıýdjetine degen áseri shamaly. Ony myna bir statıstıka da rastap otyr. Osy jyldyń birinshi toqsanynda el turǵyndarynyń shyǵyndary jan basyna shaqqanda orta eseppen 188,2 myń teńgeni qurady. Onyń 174 myń teńgesi – tutynýshylyq shyǵyndar. Bul jerde aqyly qyzmetterdiń úlesi 33,5 myń teń­ge­ni quraıdy. Al kommýnaldyq qyzmetterge, turǵyn úıdi kútip ustaý jáne jóndeý shyǵyndary nebári 12,5 myń teńgege teń. Sonda aıyna 4 myń teńgeden asa qarjy jum­saıdy. Iаǵnı kommýnaldyq tó­­lemder tutynýshylyq shy­ǵyn­­­dardyń nebári 7,2 paıyzyn, sondaı-aq ortasha statıstıkalyq qa­zaq­standyqtyń jalpy shyǵy­ny­nyń 6,7 paıyzyn ǵana alyp otyr.